أغيثوني ياجهابزه الأوبل

**A7medelfe2y** · 09-07-2012 09:45 AM

-العربيه حرارتها فله الحمد لله اخرها 90 معايا علما بان زوزه فيكتراb مانيوال1.6 96 بس المشكله اني كل يوم الصبح الاقي مايه العربيه الي ف القربه خلصت ازودها واروح مشواري وارجع تخلص بردوه وع كدا بقالي اسبوع كل يوم املا القربه ع الاخر وتخلص بردوه وشيكت ع كل دوره الميه مافيش حاجه مسربه او منشعه والرداتير تمام تفتكروا دا ايه ياخوفي لا يكون تبول لا ارادي.

-تعالوا هنا ماحدش يمشي المشكله التانيه العربيه ساعات مابترميش مارش خالص يعني التكه الاخيره ف الكونتاك بتعشق بس مافيش كهربه تقريبا بتوصل للمارش لازم انزل واعمل افله ف المارش بمفك عشان ادورها دا كونتاك دا ولا ايه ولو هو تمنه كام.
كفايه كدا عليكوا ابدأو الحل وماحدش يغش من زميله

**ehabsoft** · 09-07-2012 10:25 AM

شوف ممكن تكون حنفية السخن اللي ورا الكربيتير العيب منها تكون بتسرب ميه بص عليها بعد ما تعمل مشوار بالعربية شوف حولها ميه

**فادى محمد** · 09-07-2012 10:32 AM

-طالما الميه بتنقص يبقي لازم يكون في تسريب ..المشكله بقي هي ايه اللي بيسرب ؟ هقولك علي احتمالات كتيره ممكن طبب الموتور الاماميه او الخلفيه_غطا القربه_وصله التكييف السخن_جوان وش السلندر.....
احسن حاجه انك تكبس الدوره عند بتاع رادياتيرات نظيف ويشوف التسريب منين لانه ممكن يكون خورم ابره ويعمل كده او انك تروح لبتاع مون البويات وتشتري ب1ج (لونه حمرا او خضرا) ودي بودره بتتحط علي البويات البلاستيك لتلوينها وتحطها في القربه وتاني يوم تفحص دوره التبريد بعينك مكان التسريب هتلاقيه متلون بلون البودره اللي حطتها من القربه وبعد اصلاحه فضي الدوره وغير ميه مقطره والبودره بالمناسبه مالهاش اي تاثير سلبي علي الموتور
-المشكله التانيه دي في الدينامو ..هيتفك عند كهربائي ويشوف اللازم يعمله وهو غالبا مش هيخرج عن الشربون او المخدات بتاعته وسعرهم هايف وربنا يوفقك

**A7medelfe2y** · 09-07-2012 07:42 PM

الف شكر لحضراتكوا بس انا مش فاهم يعني ايه اضغطها احط الخرطوم ف القربه يعني ولا انا فاهم غلط
الحاجه التانيه هل فعلا الدينامو له علاقه او تأثير ع دواره العربيه

**Amrgamal1** · 10-07-2012 12:47 AM

المشاركة الأصلية كتبت بواسطة hellboy

-طالما الميه بتنقص يبقي لازم يكون في تسريب ..المشكله بقي هي ايه اللي بيسرب ؟ هقولك علي احتمالات كتيره ممكن طبب الموتور الاماميه او الخلفيه_غطا القربه_وصله التكييف السخن_جوان وش السلندر.....
احسن حاجه انك تكبس الدوره عند بتاع رادياتيرات نظيف ويشوف التسريب منين لانه ممكن يكون خورم ابره ويعمل كده او انك تروح لبتاع مون البويات وتشتري ب1ج (لونه حمرا او خضرا) ودي بودره بتتحط علي البويات البلاستيك لتلوينها وتحطها في القربه وتاني يوم تفحص دوره التبريد بعينك مكان التسريب هتلاقيه متلون بلون البودره اللي حطتها من القربه وبعد اصلاحه فضي الدوره وغير ميه مقطره والبودره بالمناسبه مالهاش اي تاثير سلبي علي الموتور
-المشكله التانيه دي في الدينامو ..هيتفك عند كهربائي ويشوف اللازم يعمله وهو غالبا مش هيخرج عن الشربون او المخدات بتاعته وسعرهم هايف وربنا يوفقك

انت برنس

انا كان عندي تسريب قبل كدا وجاتلي فكرة اللون دي
بس جيبت جركن مياه خضرا وحطيته في القربه
بقيت الاقي مكان التسريب لون اخضر كدا و لو لسه جاي من مشوار الاقيه الميه باينه اوي مش بتتبخر بسرعه زي الميه العاديه
من الاخر الميه الخضرا دي فضيحه لأي تسريب بتكتشفه بسهوله

**فادى محمد** · 10-07-2012 01:54 AM

المشاركة الأصلية كتبت بواسطة a7medelfe2y

الف شكر لحضراتكوا بس انا مش فاهم يعني ايه اضغطها احط الخرطوم ف القربه يعني ولا انا فاهم غلط
الحاجه التانيه هل فعلا الدينامو له علاقه او تأثير ع دواره العربيه

اسف جدا انا كتبت الدينامو بدل المارش ...تقبل تحياتي

المشاركة الأصلية كتبت بواسطة amrgamal1

انت برنس

انا كان عندي تسريب قبل كدا وجاتلي فكرة اللون دي
بس جيبت جركن مياه خضرا وحطيته في القربه
بقيت الاقي مكان التسريب لون اخضر كدا و لو لسه جاي من مشوار الاقيه الميه باينه اوي مش بتتبخر بسرعه زي الميه العاديه
من الاخر الميه الخضرا دي فضيحه لأي تسريب بتكتشفه بسهوله

حبيبي يا عمرو ...