مشكلة محيرة في الواجا 2006!!!! ارجو النصيحة من خبراء بروتون
بدأت المشكلة بأن العربية وانا ماشي بتقطع وتترج جامد و لمبة الengine الصفراء بتنور و العربية اهتزازها جامد زي متكون متلتة كده و بعدين لما اطفي الكونتاكت و ادور تاني بتتعدل, المهم رحت لواحد حطهالي على جهاز الاعطال و اداله ان سلندر 1 و 4 كانوا بيفصلوا و ده سبب الاهتزاز الرهيب يعني كانت شغاله 2 سلندر , المهم الراجل قالي غير بوجيهات و البوبينتين و فعلا رت شاري البوبينة الياباني و مركبها لكن برده ظهر نفس العيب و حطيناها على الجهاز برده اداه ان سلندر 1 و 4 بيطفوا !!!!!!! رحنا مبدلين البوبينة بتاعة 2 و 3 مكان بتاعة 1 و 4 عشان نتأكد ان البوبينات الجديدة مش بايظة ولا حاجة و النتيجة برده ظهور نفس العيب في 1 و 4 بيطفوا , الراجل ده قالي كده يبقى العربية الكنترول بتاعها في مشكلة فروح اشتري كنترول استيراد . انا مقتنعتش 100% فرحت لأمير و جوزيف حطوها على الجهاز بتاعهم و قرت نفس المشكله في سلندر 1 و4 قالولي دي عايزة بوبينة !!!! و كده رجعنا للنقطة صفر تاني !!!!!!! حد عنده حل عشان انا فعلا مش عارف اعمل ايه : اروح ادور على كنترول و لا اشتري نوع بوبينة تاني و لا اغير الكابلات بتاعة البوبينة ؟؟؟؟؟؟؟؟ و لا في حل تاني !!! ارجو المساعدة
