إتلسعت جامد اوي في صيانه 20 الف للإلنترا 2012
اسمحولي اعطيكو تقرير بسيط عن صيانه 20 الف كم للإلنترا 2012 md
مكان مركز الصيانه :التجمع الأول بجوار بنزينه مصر للبترول
اسم المركز : نيو كايرو
ميعاد الوصول : الساعه 11 ونصف صباحا حسب الميعاد المتفق عليه
ميعاد الخروج من المركز : الساعه حوالي الرابعه عصرا بعد غسيل السياره من الخارج ومكنسه من الداخل
البنود التي تمت في الصيانه :
1-تغيير زيت وفلتر زيت المحرك (زيت شل هيلكس الترا) 10 الاف ,سعر الزيت 241 جنيه وسعر الفلتر 26 جنيه
2-تغيير فلتر الهواء ,سعره 90 جنيه
3-تغيير فلتر البنزين وسعره 160 جنيه
ملحوظه: فلتر البنزين الشئ الوحيد في هذه الصيانه اللي محتاج حد بيكون بيفهم علشان يركبه محتاج صنعه فعلا .
4-تغيير بوجيهات ,نوع مختلف عن اللي العربيه جايه بيه اقصد الماركه نفسها يعني العربيه فيها ngk واللي ركبوه نوع تاني بس كوري ,سعرها 140 جنيه
5- اسبراي لتنظيف بوابه دخول الهواء سعره 25 جنيه
6- ريجلاش لفرامل اليد وسنفره التيل الخلفي للعربيه
7-تربيط عفشه امامي وخلفي
8- الكشف الالكتروني علي محرك السياره وفتيس السياره
9-تنظيف فلتر التكييف وفحص كفاءه التكييف
10-فحص شد السيور علشان كانت بتصفر عندي مع التكييف
مع اجمالي مصنعيه 260 جنيه +ضريبه مبيعات 100 جنيه
يعني تقريبا نقول اجمالي الصيانه 1040 جنيه
حد بقه يقولي ده حلال ولا حرام في شويه الحاجات العبيطه دي ؟؟
