المشاركة الأصلية كتبت بواسطة truss
خلى بالك ان التربو بياخد حركته من غازات العادم اللى طالعة بسرعة من المحرك, و بكدة عشان التربو يشتغل بكفاءة مش هيأثر على كفاءة المحرك و هى دى ميزة تركيب التربو على المواتير الصغيرة , و ان كان فيه وقت ما بين بداية ما تدوس على البنزين و بين استجابة التربو و دة عشان بياخد وقت على ما يبنى ضغط مناسب من العادم اللى طالع من المحرك (اللى بيكون قليل على السرعات البطيئة) .
اما السوبر تشارجر بيتوصل بالكرنك عن طريق سير, و الموضوع دة عيبه انه بيستهلك من قدرة المحرك عشان يبتدى يشتغل و عشان كدة بيتم تركيبه على المواتير الكبيرة (زى العربيات المريكانى مثلاً) , لكن فيه ميزة انه استجابته اسرع من التربو عشان زى ما قولنا هو متوصل للكرنك بسير.
فبكدة اعتقد ان التربو احسنلك .. و اما نشوف اخرتها معاك يا جيو :)