استمتع بالسيئ فالأسوأ قادم
http://www.nilemotors.net/Nile/298621-a.html
أرحمنا يارب برحمتك
وعيها على خير
وأحسن خاتمتنا
عرض للطباعة
استمتع بالسيئ فالأسوأ قادم
http://www.nilemotors.net/Nile/298621-a.html
أرحمنا يارب برحمتك
وعيها على خير
وأحسن خاتمتنا
رغم وجود شبهات كثيرة ان طارق سويدان شيعى وبالتالى حجية كلامه محل شك
الا أنه لو تجاهلنا تلك النقطة أحب أقول لحضرتك انك بتدافع وبتلتمس العذر لعضو افترى بقوته على عامل توصيل غلبان وخبطه متعمدا مفضلا كسر بنى أدم عن كسر صاج سيارته ثم نزل اليه بجبروت وهو ملقى على الأرض ليقول له قوم من قدامى لأدوس عليك وأكمل عليك.... ثم أتى الينا متباهيا ومصرا على الظلم والمعصية بدون أى محاولة للاستغفار والندم ....ألا ترى أن ذلك ظلما ؟
فى رايى ان عامل التوصيل ارتكب خطأ لكن صاحب الموضوع ارتكب جريمة
بغض النظر عن إن طارق سويدان ملته إيه
هل كلامة ده غلط؟
أنا مدفعتش عن فليكس لكن بقول إن الغلطان لو فضلنا نسامحة هيضر ناس أكتر أنا بسبب الي ماشيين عكس دافع فوق ال 6 الاف جننيه تصليح عربيتي عشان أفاديهم وبيسيبوني ويجروا
ده كده وانا عايش في مصر الجديده تخيل لو في مكان فيه سواقين تكاتك والكلام ده الناس دي تعمل إيه واهو واحد إتسيح دمة وهو مش غلطان
الفكره انك ممكن تقف في وشه او تقفل عليه لكن ما تخبطوش والي بيجي عكس في وشي بفضل مكدره لغايه ما ربنا يفرجها والي في نفس اتجاهيي يعدو حتي لو واحد لسه بيلبس ونازل بستناه يعدي وابتدي اعدي انا بعرفه ساعتها ان الي انجزه وقفه وميقدرش يفتح بقه
لكن ان اخبط واحد دي يبقي ايه الفرق بيني وبين سواق الميكروباص العربجي
ممكن تأدب اللي قدامك بدون اذي ليك او ليه
هو حضرتك عايز توصل لايه بالظبط؟
ياسيدي انا مفتري ومتوحش وابن ستيت تيت
هل في قانون يردعني؟ طبعا لا
ارتحت كدة؟
وللمرة الالف اقرى كلامي عدل واعرف اني قصدي اعلم عليه مش اموته وده باين من كلامي
ومش فاهم ايه سر دفاعك المستميت عنه هو الموقف ده حصلك ولا حصلي انا
وانا ياسيدي لو حصل اي حاجة غلط مستعد للعقاب وربنا يجازيني على اللي عملته
بس ارجع واقولك اني لو مكنتش عملت كدة كان ممكن الزفت ده يتسبب في موت او ازية ناس تانية ملهمش ذنب بعد كدة
وياريت تحط نفسك مكاني ومتقولش لو مكانك كنت هعمل كدة وكدة وكدة
وانا بقولك ابقى جرب الموقف الاول وبعد كدة اتكلم
ايه ذنبي اخسر فلوس عشان واحد زي ده؟
ههههههههههههههههههههههههه هههه ماشي
أنا كتبت أخر رد ونزلت طلعت طريق مصر الإسماعيليه وماشي في الشمال وتحت السرعة القانونية لقيت موتوسيكل ماشي عكس في وشي عشان الطريق التاني زحمة وإضريت أرمي يمين عشان مخبطوش نقل بيجري كان هيلبس فيا وممكن كنت أتقلب بالعربية!!!!
دلوقتي لو كنت مرمتش عشان أحافظ على نفسي ودخلت فيه موته كنتوا هتقولوا عليا قاتل!!! لكن لو كان النقل خبطني وموت كان هيقولوا يستاهل إيه الي يرميه قدام عربيه نقل مش كده!
حسبي الله ونعم الوكيل في كل واحد بيستهتر بحياة الناس بإنه يمشي عكس أو يكسر إشارة أو يخش تقاطع بسرعتة
http://www.nilemotors.net/Nile/299220-a.html
اصحاب الواجا الشرسيين :)
السلام عليكم
انا قريت الموضوع من اوله لاخره
واحب اقول لصاحب الموضوع ان دا مش اول موضوع اقراهولك بنفس الصيغة انك ضربت دا وانك عملت دا انا مش عارف اساسا الكلام دا صدق ولا فنجره كيبورد الواحد ادام الكيبورد بردوا خياله بيسرح
من ناحية تانية لو دا صح ودا احتمال ضعيف مش حاجة جميلة علشان تفتخر بيها كل يوم والتانى فى موضوعاتك
بالنسبة ان حضرتك بتقول مفيش قانون يحاسبنى او بالمعنى ده فاحب اقولك ومن غير زعل لو كلام حضرتك اساسا صح ممكن حتت عيل ميجيش 10 سنين تحب تعمل معاه كدة او تعرض نفسك عليه متعرفش ممكن يعمل فيك اية ويامى حصلت وسمعنا عن حاجات زى كدة وناس بتموت علشان ركنة ولا علشان مين يعدى الاول كل ده بسبب الدماغ الصغيرة وان الواحد يقلل من نفسه ويمسك فى الهايفة
والسلام عليكم ورحمة الله وبركاته
سبحان الله
حصل اول امبارح نفس الموقف
في نفس المكان
بس عربية تانية كانت قدامي
حسبي الله ونعم الوكيل
الظاهر كدة انهم متعودين على الحركة دي
المرة دى منزلتش قتلته لية انت قلبك طيب اوى الصراحة المرة دى ولا ال ر بى جى مكنش فى الشنطةاقتباس:
سبحان الله
حصل اول امبارح نفس الموقف
في نفس المكان
بس عربية تانية كانت قدامي
حسبي الله ونعم الوكيل
الظاهر كدة انهم متعودين على الحركة دي
لا يا استاذ من غير ما اعمل نضارة انا عارف انك بتقول ان عربيه تانية حصل معاها الموقف مش انت وسبحان الله يحصل نفس الموقف ادامك وتانى يوم وعارف انك ممكن تطلع الر بى جى حتى لو المشكلة متخصكش
واقول لحضرتك على حاجة صغيرة لو كان كلامك اساسا صح
انت ممكن تتعرض لموقف بعربيتك او على رجليك ممكن تاخد حقك تالت ومتلت من غير مد ايد وقلة قيمة الموضوع بس تفكير
ياجماعه شوفو في السعودية بالذاااااااااات
تلاقي الواد الروش ماشي يهجول بالعربيه (بيرفع هاند ويمين في شمال) وسواق نقل ماشي على اليمين وسرعته بطيئة والواد يروش قدامة النقل ولا بيروح يمين ولا شمال مللي واحد ولا بيفرمل سنة زي ماهو لحد مايخبط الواد ويمشي يكمل طريقه وان شالله الواد يولع في العربيه
لييييييييييييه
لان ده طريق والواد اللي بيلعب ده غلطان وهو اللي راح ناحية النقل ويروش قدامة عشان قالي يعني يغرز من طرف الاكصدام بتاعه وكده من الاخر الواد غلطان 100% والنقل عملة توتال لوسس في عربيته وولعت حتي ليه محدش بيوقف بتاع المقطوره ويقوله حرام عليك انت خبطه وموته طب كنت فرمل ولا يمينك واسع ولا ولا ولا
بطلو بقى تدافعو عن الظالم لانه هو اللي غلطان لو مات فيها شبهة انتحار وربنا يعفينا ويحفظنا من اخطاءنا بس الغلطان يتحاسب على غلطه
لما خبطت واحد على الدائري واحد صاحبي حكالي انه في المانيا واحد خبط واحد على طريق سريع والواحد ده مات
عارفين ايه اللي حصل
اللي خبط الراجل رفع قضيه على اهل المتوفي يطالب بتعويض مادي لاضرار العربيه لما موت الراجل وتعويض معنوي لانه اتخض واعصابة باظت لما موت الراجل (وكسب القضية)
واحنا هنا حرام عليك طب اديله حاجه واتصالح معاه (انا اللي اتصالح) طب ادفعلو المستشفي (طب وانا عربيتي اللي باظت وانا مليش اي ذنب مين يدفعها) وربنا يعلم ايه اللي حصلي في الشهر ده من حالة معنوية ومادية متردية بسبب 3 بيعدو الدائري بيهرجو مع بعض واحد يشد عشان يقف والتاني يشده ويجري يقومو سايبلي الواد المشدود ده قدام الكبوت
حسبي الله ونعم الوكيل
والله ياجماعة صاحب العقل بيميز
فعلا زي مابتقول حضرتك فيها شبهة انتحار
محمد يوسف غير معجب
وبالنسبة للغير معجب اللي على كل كومنت اكتبه ده اعتبره ايه؟ xD
اقتباس:
يمكن تكون جبان او قلبك ضعيف انك تعمل حركة زي دي
ومش معنى كدة ان كل الناس زيك
مع احترامي ليك
مفيش حاجة تدعي اني األف قصص وهمية يعني مش هاخد جايزة اوسكار في القوة والشجعاعة
ولو سمحت لو مش مصدق بلاش تدخل الموضوع تاني
انا عاوز اقولك على حاجة انت غلطت وقلت جبان او غير جبان
اقسم بالله انا ممكن واحد يبقى ادامى ممكن الطشه قلم يموت فيه ومبعملهاش مش جبن لا بس لانى عندى الكفاءة انى امسح بيه الارض من غير ما اوسخ ايدى بمجرد لسانى ومش هشتمه كمان لا بالاصول مش الشجاعة يا بيه انى امد ايدى او انى اعلى صوتى على حد لا يا بيه الشجاعة ان اسد ادام اى حد مش بالايد
اقولك على حاجة صغيرة اوى انا لومديت ايدى على سواق ميكروباص والناس شافتنا بتخانق انا همد ايدى وهو بردوا هيمدها وانا هشتم وهو هيشتم يبقى انا وهو اتساوينا ببعض
الرجولة والقلب بجد انك تاخد حقك من الى ادامك مهما كان بالاصول
وشكرا على ذوقك وطولت لسانك معايا
اوعي تستناني برة والكلام ده
احنا ولاد منتدى واحد اه مينفعش نضرب في بعض
على فكرة كلمة جبان دي مش كلمة عيب بالعكس دي مجرد صفة ومش من العيب ان الواحد يبقى جبان
اقولك على حاجة
قبل الثورة انا كنت ماشي في حالي بجد ومليش دعوة بحد واللي بيغلط ببقى طيب معاه وبسامحه
لكن المواقف اللي بدأت تحصل والبلطجة خلت قلب الواحد جامد
اوعى تفتكر اني كنت زي دلوقتي
وبالنسبة لموضوع اني بألف قصص وفبركة والشغل ده مش عارف ازاي خيالك يسمحلك انك تقول كدة
احنا في منتدى والواحد بيحكي حاجة حصلتله او موقف ومينفعش ان الواحد يكدب يعني او مفيش داعي انه يألف حاجة
لو حضرتك لسة زعلان مني على كلمة جبان من حقك تبعت تقرير فيا للادارة وانا راضي باللي يحصل
ولو لسة مش مصدقني يبقى دي مشكلتك زي ماقولت
ولعلمك اللي خياله يسرح بيه ويقول على اللي قدامه انه بيألف او بيكدب يبقى اكيد في يوم من الايام عمل حركة زي دي لانها بتبقى مفأوسة شوية
اقتباس:
اوعي تستناني برة والكلام ده
احنا ولاد منتدى واحد اه مينفعش نضرب في بعض
على فكرة كلمة جبان دي مش كلمة عيب بالعكس دي مجرد صفة ومش من العيب ان الواحد يبقى جبان
اقولك على حاجة
قبل الثورة انا كنت ماشي في حالي بجد ومليش دعوة بحد واللي بيغلط ببقى طيب معاه وبسامحه
لكن المواقف اللي بدأت تحصل والبلطجة خلت قلب الواحد جامد
اوعى تفتكر اني كنت زي دلوقتي
وبالنسبة لموضوع اني بألف قصص وفبركة والشغل ده مش عارف ازاي خيالك يسمحلك انك تقول كدة
احنا في منتدى والواحد بيحكي حاجة حصلتله او موقف ومينفعش ان الواحد يكدب يعني او مفيش داعي انه يألف حاجة
لو حضرتك لسة زعلان مني على كلمة جبان من حقك تبعت تقرير فيا للادارة وانا راضي باللي يحصل
ولو لسة مش مصدقني يبقى دي مشكلتك زي ماقولت
ولعلمك اللي خياله يسرح بيه ويقول على اللي قدامه انه بيألف او بيكدب يبقى اكيد في يوم من الايام عمل حركة زي دي لانها بتبقى مفأوسة
بص يا باشا انا مقولتش انك كداب انت تقريبا الكلمة وجعتك شوية مش عارف لية تانى حاجة محدش قال امشى جمب الحيط انا واحد من الناس باخد حقى وممكن امسح بكرامت واحد الارض من غير ما اشتمه لانى لو شتمته الروس اتساوت ولو مديت ايدى عليه هيتقال عليا اقل منه مش جبن ولا مشى جمب الحيط بس الفكرة انك تعرف ازاى تاخد حقك وانت كبير ادام نفسك وادام الناس
معلش لو انت اتخانقت حتى لو ضربت الى ادامك وقطعته وروحت بيتك زراير قميصك مقطعة مش الى انت ضربته لا من حد بيحوشك هيكون شكلك حلو ولا عيب تكون راجل كبير وراكب عربية وتروح هدومك مقطعة لانك كنت بتتخانق بايدك زى بتوع الشوارع ارجو تكون النقطة دى وصلت موضوع انى عملتها قبل كدة الحمد لله مش فشار ولا محتاج افشر لان الى بيعمل كدة واحد عنده نقص مش اكتر ودا مش انا الحمدلله
مش عارف اساسا الكلام دا صدق ولا فنجره كيبورد
من ناحية تانية لو دا صح ودا احتمال ضعيف
ومن غير زعل لو كلام حضرتك اساسا صح
واقول لحضرتك على حاجة صغيرة لو كان كلامك اساسا صح
اعتقد الكلام ده انت اللي كتبته يعني واي عيل صغير سوري يعني هيفهم انك بتتهمني بالكدب
والله مش عارف اقولك ايه يعني
لما تتهم حد بالكدب زي مانت عملت كدة اكيد يعني هتضايق مش هعدي الموضوع والسلام
مردتش يعنى على اخر مشاركة مقولتش ولا كلمة ليها علاقة بالى انا بقوله
معلش بس انا شايفة ان الاستاذ felix غلطان.. ببساطة لو الولد بتاع الديليفرى بدل ما وقع رجله وجعاه, كان وقع على دماغه و لا على رقبته و اتكسرت و راح فيها, هل حضرتك كنت هاتشيل ذنب روح؟؟
انا معاك ان اللى بيمشوا عكس دول شوية بهايم, و فى بلد مفيهاش قانون الواحد بيبقى فعلاً عايز يشيلهم و يستريح منهم, و انا و الله ساعات و انا ماشية على رجلى و اشوف حد ماشى عكس بهزقه فى وسط الشارع, بس بردو الواحد يحاول يفادى الاضرار قدر المستطاع..
النهاردة لسه كنت ماشية فى اشارة فى فيصل و وواحد على موتوسيكل كسر عليا و عدى بينى و بين ميكروباص قدامى كنت قريبة منه اوى, و الله لولا ستر ربنا انى دست فرامل كنت هاشيله, خاصة انى واحدة لسه جديدة فى السواقة ! بس الواحد لازم يخاف على البشر.. مهما كانوا اغبيا..
يعنى بجد تولع العربية, حديد فى حديد, انما البشرررر اهم حاجة, حتى لو بيشرب حشيش, حتى لو بينيل ايه..
لو كنت فرملت و لا قدر الله العربية اتخبطت كنت تجيبه من _سورى يعنى_ قفاه و توديه على القسم و يا يتسجن يا يصلح العربيتيين..
خاصة ان حضرتك تقريبا كنت فى ملف يعنى كنت ماشى المفروض بسرعة مش عالية..
انما بصراحة انا شايفة ان حضرتك اخدت قرار غلط, ربنا سترها و الولد مجارالوش حاجة, بس لو لا قدر الله كان مات ولا جاتله عاهة كنت هاتشيل ذنبه بجد..
و اخيراً, و طبعاً كل اللى فى المنتدى ادرى منى بده, توقع دايما ان اللى بيسوقوا حواليك بهايم, و فاديهم, لو مشينا نخبط فى الناس _ و فيه منهم يستاهلوا ! _ مش هانخلص..
تقبل مرورى.. =)
مش فاهمك
وضح عايز تقول ايه
حضرتك في الاول قولتي ان مفيش قانون في البلد
والكلام اللي عامله بالازرق معناه ان في قانون في البلد
هقول لحضرتك موقف حصلي شهر 10 تقريبا السنة اللي فاتت
ماشي في شمالي وبسرعتي فجأة الاقي ميكروباص ماشي في الحارة اللي جنبي كسر فجأة او ماقربت
مع العلم اني كنت ماشي سريع
خبطني ودخلني في رصيف
المهم وقف وانا وقف طبعا نازل يقولي انت اللي غلطان وانت اللي جاي من الشمال
استغربتله جداً يعني على امل اني هعرف اخد حقي
وبالفعل كلمة من هنا وكلمة من هنا وشوية ناس حسبي الله ونعم الوكيل فيهم متجمعين وعمالين يهدوني ومفيش حاجة والكلام الفاكس ده
خدت رقم عربيته وروحت عملت محضر ولا حياة لمن تنادي
الخساير
مقص وجنوط وخبطة في الباب والرفرف
دفعت 1000 جنيه زي الزبون
هل لو كنت خدت حقي بأيدي كنت هدفع المبلغ ده؟ مفتكرش
بعد اذن حضرتك في لبس في الموضوع
انا كنت ماشي على اليمين على سرعة تقريبا 50 ولقيت الباشا جاي على يميني بس عكس يعني لسة قدامي وجاي عليا وفجأة لقيته لف الموتوسيكل عشان يطلع قدامي في اتجاهي
ملحقش يعمل كدة لاني بصراحة اتلككتله وريحت عليه تريحة خفيفة مش خبطة جامدة
طبعا وقع يتوجع على اساس يطلع مني بمصلحة حلوة واني خبطه والكلام ده
يعني هو ولا اتكسر ولا رقابته اتكسرت ولا حاجة هو من الاخر عايز يطلع بمبلغ
بصراحة اللي عملتو دا صح علشان العيال دي تتربا من كام يوم خبطت بتاع دليفري في جامعة الدول مرا واحدة لقيتو نازل من على الجزيرة اللي في النص وقطع الطريق وماشي بعرض الطريق ولقيتو اودامي فاجئة وملحقتش اقف وخبطتو ووقع ورجلو اتكسرت وبسببو الموبايل اتسرق من العربية
هذا الموضوع خلاصته في هاتين المشاركتين .. لأن كل دول العالم بلا استثناء بكل أطيافها وأديانها وتسامحها ورحمتها أيا كانت نوعية البشر فيها ... يطبقون هذه القاعدة ... ألا وهي أن مخالفة قواعد المرور فيها تعد جريمة لا تغتفر .. وإن أدت الى الموت فهي جناية عمدية فيما عدا مصر المحروسة ... وبالذات جريمة عكس الإتجاه والتي يحوّل مرتكبها للكشف على سلامة قواه العقلية في بعض الدول
التسامح ليس في الجريمة
وسائق الدراجة البخارية ارتكب جريمة بعض الدول تصنفها شروعا في القتل ولا ترقى بأي حال من الأحوال لما قصده صاحب الموضوع بتفادي اصطدام السيارة التي خلفه به ومن بها من أطفال قد يصابوا وما قد ينجم عن الحادث من إصابات مادية وجسدية لأناس ليس لهم ذنب فيما اقترفه غيرهم .. من أجل الحفاظ على شخص أهدر حقه في الحياة بنفسه بارتكابه جريمة السير عكس الإتجاه وفقا لكل قوانين وأعراف الأمم المتقدمة منها والمتخلفة .. وحجته الوحيدة في ذلك (ما كل الناس بتعمل كدة وعادي كله بيتسامح مع بعضه والمسائل بتمشي بكلمتين حنينين من هنا على هناك) والنتيجة أن المخطئ لا ينال عقابه وتنتشر الجريمة أكثر
إن فلسفة العقاب قد حددها الله سبحانه وتعالى في كتابه الكريم حين وصف أقوى وأقسى عقوبه قررها لحد من الحدود .. وهي عقوبة الجلد مآئة جلدة للزانية والزاني .. حين قال سبحانه وتعالى {وَلَا تَأْخُذْكُمْ بِهِمَا رَأْفَةٌ} وفلفسة العقاب تلك هي أحد مبادئ القانون الجنائي في كل دول العالم
إذا فالتسامح ليس في تطبيق العقوبة أبدا .. وللأسف فنحن الآن نعيش أزهى عصور دولة اللاقانون ولا يوجد من يقوم بتطبيق القانون للحفاظ على حياة الأبرياء من أمثال سائق الدراجة المخطئ وهو ما لا يمكن إنكاره من قبل أيكم أجمعين لذا فقد كان لزاما على صاحب الموضوع اتيان مثل هذا الفعل .. الذي يقوم مقام جزء من العقوبة التي يحددها القانون
وللملاحظة فما أتاه صاحب الموضوع من فعل كان أقل في الضرر على سائق الدراجة البخارية من أن يتم التحقيق معه جنائيا وإدانته بجريمة تصل العقوبة فيها الى الحبس ثلاث سنوات ... وهو ما تسامح فيه صاحب الموضوع وأمين الشرطة الشاهد على الحادث الأمر الذي ليس من حقه التسامح فيه أصلا وكان يجب على أمين الشرطة اتخاذ إجراءاته فورا ... ولكن نبرة التسامح هى ما دفعته لترك الأمر يمضي دون حساب اكتفاء بما حدث للمخطئ وهو قد يكون تصرف خاطئ قانونا ولكنه صحيح واقعيا