الموضوع: موقف في بريدجستون أول الهرم انهاردة

موقف سلبي
روحت امبارح بعد الشغل علشان اراجع على الزوايا في فرع الهرم
لقيت الفني واخد أجازة و بعتوني فرع شارع مراد .
روحت فرع شارع مراد كان قدامي عربيتين
المهم جه فني ( و تقريباً كدة كبير الفنيين ) و قالي بتشتكي من ايه
حكيتله اني ظبط زوايا امبارح و العربية بقت تحدف يمين اكتر من الاول و كمان صوت الكاوتش مع التهدية بالفرامل زاد عن الاول الكلام ده قبل ما ادخل بالعربية جوة
المهم راح باصص على الكاوتش و قالي خبر نزل عليا كالصاعقة

الكاوتش ده لازم يتغير يا بيه .
رديت عليه


ده الكاوتش لسة جديد
قالي عامل قد ايه يعني
قولتله ما كملش 7000 كم
قالي كان لازم تغير الـ 4 مع بعض
قولته ما انا فعلا مغير الاربعة مع بعض

المهم طلب مني ادخل العربية الورشة
دخلتها على الونش و كان معايا تيلفون
و خرجت بره علشان الدوشة
ندهلي و قلي اقفل التليفون علشان عايزك !!!!!!!!!!!!!!!!!!!!!!!!!!!!!!!!!!!!!!
ما علينا قفلت التليفون و قالي على فكرة المقصات عايزة تتغير


تانــــــــــــــــــــــ ـــــــــــي
قولتله ليه
قالي بص الجلب علملة ازاي
المهم يعني روحت صادمه قولتله على فكرة انا مغير العفشة كلها مع الكاوتش أصلاً و انا ما اشتكتش من العفشة في اي حاجة اساساً دي بقت لوز العنب اصلاً
و بعدين هو ايه الي زوت الحدفة و صوت الكاوتش بعد الظبط عن قبل الظبط

قعد يشتغلني شوية
قالي خلاص بلاش تغير المقصات غير الجلب !!!!!!!!!
المهم علشان انا مش بحب اضيع وقتي قولتله ماشي و حلفت ما انا داخل المكان ده تاني علشان ظبط زوايا هروح للنيتروجين بس و لو في لحام لا قدر الله


اه صحيح نسيت اهم نقطة

كل ده حصل من غير ما يحط العربية على جهاز الزوايا أصلاً