بولو موديل 1999 للبيع بالإسكندرية

**ayman_kamal** · 23-06-2008 02:05 PM

العربية عربية واحد صحبي عايز يبعها و قلت احطها في المنتدي يمكن تلاقي صاحب النصيب
1-ماركة السيارة : فولكس فاجن بولو
2-الموديل/السنة: 1999
3-اللون: ازرق زهري
4-الكماليات (كاسيت-تكييف-زجاج كهرباء-باور): ستنر و كاسيت و فرش جلد و فوجات و دركسيون وفتيس اسبور
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة): رشة وش نضافة
6-حالة الدواخل (رشة مناطق كذاوكذا او فابريكة): فابريكة
7-حالة الصالون (معقول-جيد-جيد جدا - ممتاز- حالة نادرة): ممتاز
صالون وتابلوه كالزيرو
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة): ممتاز
9-حالة الكاوتش (جديد او مستعمل كام كم؟): جديد
10-حالة البطارية: جافة
11-مكان المعاينة: الاسكندرية
12-السعر المبد ئي كام (هل قابل للتفاوض او نهائي): 42000 قابل للتفاوض
13-اسم صاحب الاعلان ورقم هاتفة: أ/وليد سعيد 0105060828
14-تاريخ انتهاء الرخصة؟ اغسطس 2008 (رخصة باسم المالك)
15-اول يد او ثاني او ثالث الخ الخ: اول يد من الزيرو
16-امكانية البيع بتوكيل او اشتراط التسجيل
17-حالة الموتور: جيد جدا
لا تحتاج لمصاريف
اللي مش عاجبه السعر لو سمحت لا تعليق
العربية انا بركبها معاها و فعلا كويسة جدا

**sherif_m72** · 23-06-2008 04:17 PM

[quote=ayman_kamal;

اللي مش عاجبه السعر لو سمحت لا تعليق
العربية انا بركبها معاها و فعلا كويسة جدا[/quote]
حبيبى الاستاذ ايمن ازاى مش عاوز حد يعلق ويقول رايه فيى العربيه والسعر امال انت حتعرف ازاى تبيعها وتروج لها المفروض انك تتقبل الاراء بما فيها من نقد +انك بتعمل جميل وواجب مع واحد صاحبك فالمفروض انك تكمله ولا انت ايه رايك يا مون!!!!!!!!

**Khalid Shalabi** · 23-06-2008 04:21 PM

ماشاء الله العربية شكلها فايقة و متحافظ عليها

في واحد صاحبي بيدور على واحدة و انا شايف ان السعر دا بعد التفاوض ان شاء الله هيكون كويس

ربنا يكرمك فيها و يسهلك بيعها ان شاء الله

**Khalid Shalabi** · 23-06-2008 04:25 PM

شريف اعتقد ان ايمن قصده على الناس اللي بتدخل ترمي كلام مالوش لازمة و تبوظ الاعلان من غير ما حد يستفيد

موضوع السعر دا عرض و قبول و تقييم لحالة العربية الفعلية و اللي مش عاجبة السعر يتفاوض فيه مش ينتقده

**ayman_kamal** · 23-06-2008 05:01 PM

المشاركة الأصلية كتبت بواسطة loodabds

شريف اعتقد ان ايمن قصده على الناس اللي بتدخل ترمي كلام مالوش لازمة و تبوظ الاعلان من غير ما حد يستفيد

موضوع السعر دا عرض و قبول و تقييم لحالة العربية الفعلية و اللي مش عاجبة السعر يتفاوض فيه مش ينتقده

فعلا والله ياجماعة بدون اي اهانة لاي حد هو ده اللي انا اقصده لان فعلا من متابعتي للمنتدى لاقيت فيه ناس بترد ردود اقل ما يقال عنها قليت ذوق و الناس اللي بتدخل ترمي كلام مالوش لازمة (زي ليه ياعم دي اخرها 1.25 جنيه و متسواش و مش عارف ايه) و تبوظ الاعلان من غير ما حد يستفيد لا البايع و لا اللي بيدور علي عربية
وده برده توضيح لاستاذ (sherif_m72) انا لا اقصد اي اهانة ده كان اصدي بس
و ياجماعة انا زي ما قلت انا مش صاحب العربية فاللي ليه استفسار رقم التليفون موجود و اسم صاحب العربية موجود و السعر قابل للتفاوض فعلا و الراجل مستعد يوريها لاي حد في اسكندرية انا بس بساعد مش اكتر لان اعلان الوسيط لسه بدري عليه (الاثنين الجاي) فقولنا نجرب علي النت لغايت الاسبوع الجاي

**belal rashed** · 23-06-2008 09:14 PM

أستاذ أيمن هبه العربيه كامله كام كيلو بالضبط؟؟؟

**Ahmad Allawy** · 23-06-2008 09:32 PM

مبدئيا كلمتك انت ان اللي مش عاجبه السعر مش عارف ايه..
هي بصراحة مالهاش لازمة في الموضوع..
لأنها مستفزة.. :)
و السعر اللي انت حاطه اصلا كويس قوي علي العربية..
يعني توبها.. و انت لو متابع المنتدي كويس كنت هتعرف كده.. :) :)
متزعلش من كلامي..
بس الناس بتعلق و انا منهم.. لما يكون في حد حاطط سعر مبالغ فيه
لازم الواحد ينبه الاعضاء اللي بيتفرجوا عشان محدش يتخدع بالسعر لو معندوش خبرة..
و برضه احنا ولا يرضينا ان اللي بيبيع يخسر
ولا اللي بيشتري ينضحك عليه..
وخاصة ان في تجار كتير معانا هنا في المنتدي..
يعني في ناس بتحط اسعار مبالغ فيها في البيع..
و بتخسف بعربيات للبيع الارض عادي يعني..

و ربنا يوفقك ان شاء الله في البيع.
و العربية ما شاء الله شكلها فعلا نضيف قوي.. و تستاهل السعر اللي انت طالبه فيها..
و متزعلش من كلامي.. بس انا يهمني مصلحة كل الناس و انت اولهم..

**mexmarine** · 23-06-2008 10:02 PM

سؤال لو سمحت : العربيه كام سى سى ؟؟

**د.اشرف هنداوى** · 24-06-2008 12:49 AM

نفس الأسئله يا باشا
كام سي سي
عامله كام كيلو متر
طبعا السقف مش مرشوش ولا ايه ؟

**sherif_m72** · 24-06-2008 04:04 AM

سامحونى سامحونى سامحونى على اللى هقوله
اولا انا عاوز افهم ازاى السعر ده كويس على العربيه يا اساتذه loodabds

Ahmad Allawy
عمليه البيع والشراء عمرها ما بتكون بالمجاملات ولو كانت كده كان زمان كل واحد مركب اهل حتته عربيه احنا مش هنجامل ايمن عشان ميزعلش من كلمه التعليق المستفز بتاعته وتعليقى وردكم ونقوله ده سعر معقول او توبها او سوقها او اى حاجه يعنى عشان نرضيه
لآ احنا المفروض اننا نتشاور ونتكلم فى السعر عشان ده هيكون مصلحه لجميع الاطراف
( البايع = سرعه البيع )
(المشترى = الاستنفاع بالعربيه )
(الجمهور وهم احنا =معرفه السوق وطريقه البيع والشراء ومستوى الاسعار)
انا جارى لسه جايب واحده 99 وكامله برضه وكانت مرفوعه وعامله 66000 كيلو ومرشيتش سقف وكبوت وشنطه وجنب كامل وفيها طقم صوت حكايه ومسقطه مكنه 1400 او 1300 تقريبا مش متذكر والله المهم ان كانت حالتها ممتازه وانا كنت معاه واخدها بـــ 38000 +كان فيها رخصه سنه
ازاى بئه السعر ده يكون بتاعها سامحونى والله يا جماعه
انا عارف ان كل واحد من حقه ان يقول رايه بس ما بالك بئه ان اللى بيقول رايه ده يكون ابو العروسه او (عمها )
اكيد طبعا لازم يكون متحيز وده مش عيب
العيب (اسف على اللفظ ) انه ميسمعش لراى غيرة فى العروسه حتى ولو مكانش فى صالحه
اسف اسف اسف والله على اللى انا قولته لو كان زعل حد من بس المفروض ان محدش يزعل لان احنا بنتناقش فى الموضوع وكل واحد يقول رايه
ارجو منكم فهمى وعدم مهاجمتى فى الرد
وانا متقبل النقد اذا كان ولابد
اشوفكم على خير
والله الموفق لنا ولكم

الموضوع: بولو موديل 1999 للبيع بالإسكندرية

LinkBack

أدوات الموضوع

عرض

-

-

-

-

المواضيع المتشابهه

للبيع 919 إفراج موديل 1999

للبيع بالإسكندرية بى إم دبليو 520 موديل 1980

فولكس فاجن بولو موديل 1999 ممتازة

فولكس فاجن بولو موديل 1999 للبيع

نصر 128 موديل 1986 للبيع بالإسكندرية

الكلمات الدلالية لهذا الموضوع

المفضلات

المفضلات

ضوابط المشاركة