يا رب الحلم يتحقق قريب في الخطة المئوية القادمة
عرض للطباعة
يا رب الحلم يتحقق قريب في الخطة المئوية القادمة
يعنى انتوا شايفين ان موضوع النفق ده اسهل من اننا نغير اسلوب السواقه عند سواقين الميكروباصات والاتوبيسات والملاكى كمان؟ :)
صدقونى يا جماعه احنا لو اهتمينا بالاعلام وحملات توعيه وتشجيع الناس على الالتزام باخلاق المرور وقوانينه هنتحسن كتير
- مش هتلاقى الناس واقفه فى ال 3 حارات عشان ياخدوا كلهم يوترن واحد واللى وراهم يتفلق
- مش هتلاقى كل النقل والاتوبيسات ماشيين فى الشمال واللى عايز يعدى يعدى
- مش هتلاقى فى ناس واقفه على طلعه الكوبرى عشان اى ميركوباص او اتوبيس جاى ينطوا فيه وطظ فى الشارع والعربيات والمرور
- مش هتلاقى واحد بيقولك على جنب يا اسطى حتى لو فى شارع حاره وحده ولو السواق ما وقفش على طول بياخد شويه تهزيق حلوين من الركاب
فى حاجات كتير جوانا لازم تتغير ساعتها حاجات كتير حوالينا هتتغير
"إن الله لا يغير ما بقوم حتى يغيروا ما بأنفسهم"
اقتباس:
يعنى انتوا شايفين ان موضوع النفق ده اسهل من اننا نغير اسلوب السواقه عند سواقين الميكروباصات والاتوبيسات والملاكى كمان؟ :)
صدقونى يا جماعه احنا لو اهتمينا بالاعلام وحملات توعيه وتشجيع الناس على الالتزام باخلاق المرور وقوانينه هنتحسن كتير
لا مش هتقدر تغير بالكلام سلوكيات فئه معينه
خصوصا سواقى النقل العام والميكروباصات دول ناس طول النهار فى الشارع فالضغط العصبى بيخليهم يتصرفوا ببلطجه على الكل
وبعدين توعيه ودعايه ايه اللى تجيب نتيجه مع شويه سواقين رربعهم محو ااميه ونصهم بيلف بانجو فى الميكروباص وهو ماشى احنا مجتمع مش بينفع معانا غير الردع يعنى تعاقب الواحد يلتزم تحترمه يتمرد ويخالف
سواقين ميكروباص شارع الهرم و ميكروباصاتهم نفسها مختلفة عن أي حتة في مصر!! انا مرة ركبت ميكروباص في الهرم و كان السواق بيشرب في كباية شاي واحدة مع سواق تاني في ميكروباص تاني .. كان بيديها للي قاعد جنبه يديها للسواق التاني ياخدله بق و يبعتها تاني .. و بعد كباية الشاي السواق جاله سيجارة في نصها كدة من ميكروباص تاني غير الأولاني .. أكن ميكروباصات الشارع كلها فاتحة علي بعض
انا بتكلم عالميكروباصات الصغيرة دي اللي هي كنبتين بس
يا نهار الوان هو انت سواق ميكروباص
انا كنت رايحه من عند المطبعه لحد كايرو محطه واحده فركبت ميكروباص لقيت البيه وصاحبه قدام جمبه وقاعدين يعملوا سجاير بانجو وريحتهم عدم
الغريب ان الناس فى العربيه محدش فتح بوقه وقالهم ايه ده
وتقولى سلوكيات وتوعيه
دول عاوزين حمله تولعه حرق مش توعيه