حملة لتنظيم المرور في شارع الهرم
طبعا اي حد ساكن في الهرم او بيضطر يمشي من شارع الهرم شاف هو شارع زحمة اد ايه وفيه فوضى من سائقين الميكروباص والملاكي والمشاة
بصراحة اسوأ شارع في مصر
والمشكلة الاكبر في شارع الهرم انه مفيش فيه اشارات مرور والكل واخدها بالدراع
يعني مفيش اشارة تحدد وقت للمشاة يعدوا الشارع
ومعروف انه بيحصل فيه حوادث كتير للمشاة
انا عن نفسي بخاف وانا بعديه ماشية
من فترة حوالي 5 سنين عملوا فيه مشروع كانوا جايبين تقريبا طلبة ينظموا المرور عند كل فتحة بس للاسف الموضوع ما استمرش اكتر من 3 شهور
مع انه فرق كتير في تنظيم المرور وقتها
ياريت الاعضاء ساكني الهرم يتكاتفوا ونعمل حملة وندور عن المسئولين ونراسلهم علشان يحطوا عسكري مرور على كل فتحة مؤقتا لحد ربنا ما يسهلها على الحكومة المصرية في الخطة المئوية القادمة ويعملوا اشارات مرور