الموضوع: حستلم العربية السبت من عند الطارق عايز نصائح

المشاركة الأصلية كتبت بواسطة spider_007

حاول تتأكد ان الصاج اللي تحت الورقالابيض اللي مغطي العربيه كلها يكون مفهوش خدوش نهائي لأني ما اخدتش بال من دي غير بعد شهرين اما كنت شيلت الورق الابيض و اكتشفت نقره ضغيره كده في الشنطه كانت مستخبيه تحت الورق الابيض دا ياللا ربنا يسامحهم بقي حاول تمشي بايدك كده ع العربيه من ع الاطراف بتاعتها ;) ;)
و اكيد طبعا اتأكد من الازاز و التكييف شغله سخن و بارد و اي حاجه فيها كهربا شوف الاشارات كلها و شغل الانتظار و لف ع العربيه و اتأكد منهم لمبه لمبه و شغل الكشافات ع العالي و الواطي و برضه شيك عليهم و الكلام ده و ما تنساش لمبتين الصالون و لمبة الطابوه لو هيا كامله جرب تفتح و تقفل في كل الابواب من بره و من جوه و الشنطه و الكبوت حرك المرايات و اتأكد ان العدادات شغاله بالذات عداد السرعه برضه حصلت معايا و رجعتله يركبلي الوصله بتاعته اول ما هتفتح الشنطه طبعا هاتلاقي الطاسات و معاك الاستبن و الكوريك و المفتح و حديدة القطر و البتاعه بتاعة الطhسه دي اسمها ايه و ف الاخر استمتع بالعربيه

يعني لازم نشيل المشمع الأبيض وقت الإستلام ؟؟؟؟؟؟؟؟؟؟

ولا مجرد فحص ظاهري فقط ؟؟؟؟؟؟؟؟؟؟؟؟؟؟؟؟؟؟؟؟؟؟

الف مليون مبروك ياباشا وان شاء الله ربنا يديك خيرها ويكفيك شرها انت لازم تشيك على صاج العربية بالكامل من الخارج وتتأكد أن مفهاش خدوش وتطمن أن كل حاجه شغالة فيها يعني تشيك على كل الزراير في العربية وتتأكد أنها شغالة تمام وكمان ترجع الكراسي وتطلعها قدام وترفع كرسي السواق لفوق وتنزله تانيي وتتأكد من البكرة الي بترفع مستوى الاضائه وبتنزله انها شغاله وتبص على الاستبن والكوريك ومفتاح العجل والقاطرة دول كلهم بيبقوا مواجدين في الشنطه وطبعا الكتالوجات وتدور العربية وتتوكل على الله أول حاجه بتعملها أنك بتروح البنزينه بتفول العربية وبتظبط الكاوتش ويفضل انك تفضي الكاوتش وتملاه نتروجين مش هيكلفك اكتر من 25 جنيه واستمتمع ياباشا باللوجان وصدقني هتحبها