تفتكروا لو غيرت الاوبل اغير لاية

**Xpert** · 24-06-2008 09:05 AM

المشاركة الأصلية كتبت بواسطة NoNaMe

مبلااااااش السيرة دى احسن بدل محد يسمع ويجى يقلبلنا دماغنا هنا كمان :):):) خلينا كدة فى الدرة بعيد عن الزيطة :)

اللا صحيح هيا البى ام بتغير مساعدين كل اد اية؟؟طيب لو جبت 128 وصرفت عليها شوية مش ممكن تطلع احسن من البى ام ويبقى كدة وفرت فلوسى وبكدة لبقى كسبت ان انا بتمن عربية بى ام اقدر اجيب 20 عربية 128 وابقى ابدل فبهم :D:D:D

يا باشا بص .. اول ما يبوظوا غيرهم ... خللي الحاجه لحد ما تبوظ.. و اول ما تحس انهم باظوا غير ... يا عم و لييه تدفع اكتر لما ممكن تدفع اقل ... زستافا ب 3500 جنيه و ظبط فيها و تبقي وفرت و تشتري 100 بي ام ههههههههه

**Mustafa_Farouk** · 24-06-2008 09:37 AM

المشاركة الأصلية كتبت بواسطة NoNaMe

هو اية الحكاية الناس كلها هتبيع وهنقفل القسم ولا اية !!!
والله انا من فترة كنت هبيع فعلا وبدأت ادور واشوف عربيات فكرت فى المازدا 3 والفوكس وال A4 (كلهم زبرو) بس المازدا خرجت وتبقى الفوكس وال A4 وبعد كدة احترت واتأجل الموضوع لحين اشعار اخر :):)

من وجهت نظري، اوكتافيا طبعاً أحسن من الفوكس.

أنا إذا فكرت اني أغير، أول حاجتين حبس عليهم، اوبل، سكودا وبعدين السوق كلو.

**Ahmad Allawy** · 24-06-2008 10:12 AM

ايه الحكاية..؟؟
انا عن نفسي حتي لو ركبت ايه..
هيفضل منتدي اوبل البيت الاول بتاعي.. و هافضل لاجيء هنا علي طول ان شاء الله..
اما بالنسبة لموضوع الفوكاس..
انسي العربية دي..لسبب اني قريت عن التوكيل بتاعهم هنا في المنتدي كلام سيء جدا جدا جدا..
ف احسن بلاش.. خليك في السكودا حلوة و زي الفل.. و الفولكس و الاوبل..
و ربنا يوفق ان شاء الله..

**ahmedmaklad** · 24-06-2008 11:13 AM

بسم الله ما شاء الله ايه التجمهر ده دي مظاهرة و لا ايه
هو كل اللي هنا هيبيع و لا اية الناس ما صدقت ماحدش هيبيع حاجة هنا انا بس بفكر اجدد العربية الحمد لله مافيش حاجة منها وحشة انا بس عايز اكبر شوية فا كنت بفكر

و بعدين انا عارف انت قفشت امير فين اصلي شفت نفس الاعلان في نفس المكان بس مش هقول فين

انا فكرت في الميجان بس ما سمعتش كلام كويس عنها الاوكتافيا شكلها مش مقنع اوي الباسات روعه طبعا بس لسه هشوف الفلوس ممكن تجيب و لا اية

**ahmedmaklad** · 24-06-2008 11:22 AM

امير باشاا انا جايلك شرم الشيخ بكره مع الدوشه اللي عندك الايام دي انت عارف الدوشه لية طبعا !!!!!!!!!!!!!!!!!!!!!!! عشان الناس الكبيرة اللي جاية عندك اخر الشهر

**Xpert** · 24-06-2008 11:22 AM

اه يا سيدي ماقلتلكش .. النجمهر هنا علشان الاخ الفاضل Ahmad Allawy
فارد عضلاته علي الشعب بتاع الاوبل .. و اتجمهر ده بقي مستني الخناقه اللي هاتقوم .. و هاتبقي نصيب اللي بيفكر يبيع الاوبل بتاعته .. بس ماتخافش ... فيه مشاهدين كتير هايتفرجوا علي الضرب ههههههههههههههههههههههه

الا قوللي يا عم احمد صحيح .. انت بطلت تدل اونلاين ليه ؟ خايف من العصابه السريه بتاعه البي ام ؟ ههههههههه

**ahmedmaklad** · 24-06-2008 11:25 AM

لالالالالالالا الاوبلاوية مش ممكن يتخانقوا ابدا و بعدين احنا بس بنفكر لو الواحد اتنازل في يوم من الايام عن الاوبل ممكن نجيب اية

و بعدين ماحدش باع حاجة احنا بس بنفكررررررررر

**M.Mokhtar** · 24-06-2008 11:28 AM

انتوا بتقلدونى ليه
بصراحه انا بحترم الاوبل جدا بس بضعف اوى قدام البى ام
انا قدامى عربيه 318 موديل 2002 عامله 30 الف كم بصراحه طالعه من عينى بتاعت واحد صاحب بابا
بس المشكله انى التعديلات اللى علمتها فى عربيتى لسه ما اتهنتش بيها ولو نويت ابيعها هخسر فيها كتير
بس لو عربيتى جابت سعر كويس هنقل على بى ام على طوووووووول

بالنسبة للزيرو عشان اناكف فى نونيم بس مش اكتر
لما كنت بفكر فى حاجة زيرو كان الترتيب كالاتى
1-ميجان بانوراما
2-مازدا 3
3- اوبل استرا
4- فوكاس
5- سيفيك
6-بيجو 307 بانوراما
7- سوناتا

دول اللى فى حدود 150 الف
بس الخطه توقفت عشان عايز بى ام :(
محدش عنده بى ام سلف يا رجاله

**ahmedmaklad** · 24-06-2008 11:38 AM

دي بكام البي ام دي يا محمد
بس البي ام بخاف منها بصراحه قطع غيار و و بنزين و ميكانيكية
انا عايز اعلى بالموديل بصراحه فالفلوس مش هتجيب بي ام عالية بس ممكن تجيب بورا او اوكتافيا او ميجان

**Ahmad Allawy** · 24-06-2008 11:55 AM

المشاركة الأصلية كتبت بواسطة Xpert

اه يا سيدي ماقلتلكش .. النجمهر هنا علشان الاخ الفاضل Ahmad Allawy

فارد عضلاته علي الشعب بتاع الاوبل .. و اتجمهر ده بقي مستني الخناقه اللي هاتقوم .. و هاتبقي نصيب اللي بيفكر يبيع الاوبل بتاعته .. بس ماتخافش ... فيه مشاهدين كتير هايتفرجوا علي الضرب ههههههههههههههههههههههه

الا قوللي يا عم احمد صحيح .. انت بطلت تدل اونلاين ليه ؟ خايف من العصابه السريه بتاعه البي ام ؟ ههههههههه

ايه ده..؟؟
انا كنت لسة باصص علي الموضوع الصبح ملقتش مشاكل..
كل ده حصل في الساعتين دول..؟؟
انت داخل هنا تعمل عليا انقلاب ولا ايه يا بيشو..؟؟!!!!!
يا رجالة اوبل الاوفياء... هاتووووووووووووووووووه.. :) :) :)

بارجع من الشغل الساعة 8 ونص كل يوم والله يا بيشو بقالي اسبوع كده..
بافتح الميل و ادخل ابص علي نايل موتورز وانا بانام كده و خلاص..
مفيش دماغ مسنجر خالص..
متخافش مش باستخبي منك ولا حاجة.. :) :)
و بعدين عصابات الالماني ولاد عم يعني.. بي ام و اوبل اخوات يعني.. بس عصابة اوبل اكيد الاخوات الصغار للبي ام..
المقامات محفوظة..