تفتكروا لو غيرت الاوبل اغير لاية و لا اجيب اوبل بس موديل اعلى انا كنت بفكر ايه رايكوا
عرض للطباعة
تفتكروا لو غيرت الاوبل اغير لاية و لا اجيب اوبل بس موديل اعلى انا كنت بفكر ايه رايكوا
انت نويت ولا اية؟ :) وادى تانى واحد من العصابة عايز يخلع بعد امير عزت لما قفشتة متلبس ومش هقول فين :):)
ممممم لو هتجيب اوبل بس موديل اعلى هتجيب اية اوبل موديل 2000+ مش هتحس بالفرق اللى هوة تقريبا هيا هيا على الاقل وات قاعد جوة وانت سايق , لو تقدر على الفكترا الجديدة دوووس
هتطلع برة اوبل خليك فى الالمانى علشان متتعبش يعنى فئة ثالثة او باسات ممكن اوكتافيا جيتا
بس انت لحقت دة انت لسة شارى قريب !!
على فكره انا مش ناوى اخلع خالص بس الموضوع وما فيه انى زهقت من موضوع السخونه اللى فى التبلوه دى خصوصا والجو حر
بس بصراحه فكرت كتير حتى لو قررت اغير مش هلاقى حاجه اركبها احسن من الاوبل فى نفس السعر ده
بس لو قررت خلاص هيبقى بالترتيب
1-Bmw
2- بورا
3- اوكتافيا A5
ياراجل شوية سخونية تخليك تبيع العربية :)
عموما ربنا يوفقك فى بيعها والشراء ولو انى قفشتك بتبيع :):)
ال A5 اكبر من البورا
البورا نفس شاسية الA4 (الصالون) انما العربية كلها الاوكتافيا اكبر علشان الشنطة
ال BMW فكرت فيها قبل كدة بس على حسب الموديل
بس عموما التلاتة اختيار موفق
شةف يا سيدي..
اكيد البي ان اختيار موفق جدا..
بس السعر اللي هتشتري بيه..
هتجيب موديل قديم..
يعني اواخر التسعينات..
لو بعد كده يبقي هتعلي بالفلوس عن ال100 الف..
وطبعا البي ام هي الاختيار الاول..
و بعدها لو ناوي يبقي بورا.. عربية حكاية.. تحفة فنية..
الاوكتافيا.. خليك في الموديلات العالية.. يعني حاول تطلع ل200 وانت طالع..
عشان قبل كده اوقات كان بيبقي فيها مشاكل..
و فعلا علي كلام الاخوة.. لو نزلت من الماني مش هتعرف ترتاح في عربية غيرها..
هتخس بالفرق الشاسع..
انا مش عايز اقولكم اني سوقت النهاردة ياريس اوتوماتيك..
مكنتش مستمتع نهائي بسواقتها.. كنت حاسس اني طاير عن الارض..
مع انها احدث من غربيتي ب 11 سنة.. بس ثبات عربيتي اعلي بكتير.. و مستمتع بيها اكتر..
و حصل نفس الكلام مع الفيرنا 2007..
انا مش هاخبي عليكم اني فعلا فكرت اني ابيع انا كمان بس لسبب واحد بس..
اني لو صرفت علي العربية دي زي مانا عايز..هاخسر فيها كتير قوي في البيع..
يعني عشان اظبطها و اركبلها تكييف.. هاصرف عليها مش اقل من 6 الاف جنيه..
ة لة حبيت ابيع في اي وقت.. هاخسر مش اقل من 4 الاف جنيه.. ده علي الاقل..
بس ولو بيعت مش عارف هاعرف اركب ايه من بعدها.. ممكن كورسا سيدان..
علي اساس انها هتبقي احدث فقي الموديل عن الفيكترا بكتير بس اللي في نفس السعر..
اللي هي اواخر التسعينات يعني...
و عموما يا احمد باشا لو نويت توكل علي الله و ربنا يوفقك و تقع في عربية نضيفة زي اللي معاك كده و احسن كمان ان شاء الله..
تعالي بي ام .. و سيبك من الجين تو ههههههههههههههههههههههههه ه
بص يا سيدي .. سيبك من ابيع و اجيب ايه .. اهم نقطه بقي هيا :
جرب العربيه اللي بتفكر فيها الاول ..
ناوي تجيب بي ام .. جرب تركب بي ام .. ناوي تجيب زستافا .. جرب تركب الزستافا .. ناوي تجبل عفريت ازرق ... اركبه و جرب الاول ...
و خليك فاكر .. العربيه تقاس بادائها علي الاسفلت ... و بعد الاداء يجي قطع الغيار و الصيانه ...
جرب الاول قبل ما تشتري اي حاجه ! جرب !
الدون بيشو..
زي الدون كيشوت كده..
ولا نقول القرصان بيشو احسن..؟؟
هامل ايه يا زعيم..؟؟
كلام كله خبرة والله..
أنا بصراحة فكرت في الموضوع كتير خاصةً إن العربية عندي عملة ١٧٥ ألف بس لو فكرت أكيد حاروح على الفولكس فاجن ممكن الجيتا
مبلااااااش السيرة دى احسن بدل محد يسمع ويجى يقلبلنا دماغنا هنا كمان :):):) خلينا كدة فى الدرة بعيد عن الزيطة :)
اللا صحيح هيا البى ام بتغير مساعدين كل اد اية؟؟طيب لو جبت 128 وصرفت عليها شوية مش ممكن تطلع احسن من البى ام ويبقى كدة وفرت فلوسى وبكدة لبقى كسبت ان انا بتمن عربية بى ام اقدر اجيب 20 عربية 128 وابقى ابدل فبهم :D:D:D
:funny34d:
ايه الحكاية..؟؟
انا عن نفسي حتي لو ركبت ايه..
هيفضل منتدي اوبل البيت الاول بتاعي.. و هافضل لاجيء هنا علي طول ان شاء الله..
اما بالنسبة لموضوع الفوكاس..
انسي العربية دي..لسبب اني قريت عن التوكيل بتاعهم هنا في المنتدي كلام سيء جدا جدا جدا..
ف احسن بلاش.. خليك في السكودا حلوة و زي الفل.. و الفولكس و الاوبل..
و ربنا يوفق ان شاء الله..
بسم الله ما شاء الله ايه التجمهر ده دي مظاهرة و لا ايه
هو كل اللي هنا هيبيع و لا اية الناس ما صدقت ماحدش هيبيع حاجة هنا انا بس بفكر اجدد العربية الحمد لله مافيش حاجة منها وحشة انا بس عايز اكبر شوية فا كنت بفكر
و بعدين انا عارف انت قفشت امير فين اصلي شفت نفس الاعلان في نفس المكان بس مش هقول فين :dots:
انا فكرت في الميجان بس ما سمعتش كلام كويس عنها الاوكتافيا شكلها مش مقنع اوي الباسات روعه طبعا بس لسه هشوف الفلوس ممكن تجيب و لا اية
امير باشاا انا جايلك شرم الشيخ بكره مع الدوشه اللي عندك الايام دي انت عارف الدوشه لية طبعا !!!!!!!!!!!!!!!!!!!!!!! عشان الناس الكبيرة اللي جاية عندك اخر الشهر
اه يا سيدي ماقلتلكش .. النجمهر هنا علشان الاخ الفاضل Ahmad Allawy http://www.nilemotors.net/Nile/image...er_offline.gif
فارد عضلاته علي الشعب بتاع الاوبل .. و اتجمهر ده بقي مستني الخناقه اللي هاتقوم .. و هاتبقي نصيب اللي بيفكر يبيع الاوبل بتاعته .. بس ماتخافش ... فيه مشاهدين كتير هايتفرجوا علي الضرب ههههههههههههههههههههههه
الا قوللي يا عم احمد صحيح .. انت بطلت تدل اونلاين ليه ؟ خايف من العصابه السريه بتاعه البي ام ؟ ههههههههه
لالالالالالالا الاوبلاوية مش ممكن يتخانقوا ابدا و بعدين احنا بس بنفكر لو الواحد اتنازل في يوم من الايام عن الاوبل ممكن نجيب اية
و بعدين ماحدش باع حاجة احنا بس بنفكررررررررر
انتوا بتقلدونى ليه
بصراحه انا بحترم الاوبل جدا بس بضعف اوى قدام البى ام
انا قدامى عربيه 318 موديل 2002 عامله 30 الف كم بصراحه طالعه من عينى بتاعت واحد صاحب بابا
بس المشكله انى التعديلات اللى علمتها فى عربيتى لسه ما اتهنتش بيها ولو نويت ابيعها هخسر فيها كتير
بس لو عربيتى جابت سعر كويس هنقل على بى ام على طوووووووول
بالنسبة للزيرو عشان اناكف فى نونيم بس مش اكتر
لما كنت بفكر فى حاجة زيرو كان الترتيب كالاتى
1-ميجان بانوراما
2-مازدا 3
3- اوبل استرا
4- فوكاس
5- سيفيك
6-بيجو 307 بانوراما
7- سوناتا
دول اللى فى حدود 150 الف
بس الخطه توقفت عشان عايز بى ام :(
محدش عنده بى ام سلف يا رجاله
دي بكام البي ام دي يا محمد
بس البي ام بخاف منها بصراحه قطع غيار و و بنزين و ميكانيكية
انا عايز اعلى بالموديل بصراحه فالفلوس مش هتجيب بي ام عالية بس ممكن تجيب بورا او اوكتافيا او ميجان
ايه ده..؟؟
انا كنت لسة باصص علي الموضوع الصبح ملقتش مشاكل..
كل ده حصل في الساعتين دول..؟؟
انت داخل هنا تعمل عليا انقلاب ولا ايه يا بيشو..؟؟!!!!!
يا رجالة اوبل الاوفياء... هاتووووووووووووووووووه.. :) :) :)
بارجع من الشغل الساعة 8 ونص كل يوم والله يا بيشو بقالي اسبوع كده..
بافتح الميل و ادخل ابص علي نايل موتورز وانا بانام كده و خلاص..
مفيش دماغ مسنجر خالص..
متخافش مش باستخبي منك ولا حاجة.. :) :)
و بعدين عصابات الالماني ولاد عم يعني.. بي ام و اوبل اخوات يعني.. بس عصابة اوبل اكيد الاخوات الصغار للبي ام..
المقامات محفوظة..
فكر تاني في الميجان..
و سيبك م الكلام اللي الناس بتقوله عا لفاضي..
ما شاء الله الناس الي معاها ميجان هنا مبسوطين منها جدا..
وتقريبا محدش بيشتكي من حاجة فيها..
عايز تعرف كلام حقيقي اسأل شاركي او حد من اللي معاهم العربية..
و متاخدش بكلام الناس اللي مش مالكين ليها..
بس العربية دي لو هتشتريها يبقي تجيبها مستعملة.. و تعمل حساب خسارة بسيطة كده ف البيع حتي لو مستعملة..
لكن انسي انك تجيبها جديد عشان هتخسر فيها جامد جداااااااااا لو فكرت تبيع..
و ربنا يوفقك يا باشا.. و تروح و ترجع من شرم بالسلامة..
فرحات باشا انت هنا و هناك مش انا قلت ماحدش يفتن عليا هنا :)
انت الكلام اللي بتقوله علي الميجان حلو جدا جدا بس ليه السمعه الوحشة اللي طلعه عليها و ناس كتير بتقول ضعيفة
و بعدين رينج الاسعار بتاعها اية؟
و بعدين بسم الله ما شاء الله اية الكلام الكبيييييير الجامد ده انت بتشتغل في رينو بعد الظهر ولا ايه؟
مبحبش الرد المسترسل اللى ملوش اساس من الصحة
لا لا لا الكلام دة ميعجبنيش انت هتقارن ال 28 بالزاستافا !!! انت واضح معندكش اى فكرة عن العربيات انت متعرفش تاريخ فيات ولا اية وبعدين ال 28 كفاية اوى ادائها وامكانيتها دى بتناطح فى الفئة الاعلى لحد 225750.95 جنية :3gears:
طيب قارنلى كدة الانسر بالفيستا وانت تعرف كلامى وبعدين احنا لو بحسبة اقتصادية بسيطة اوى هنعرف ان الزاستافا اكييييد فيها مصيبة علشان تنزل بالسعر دة طيب انت عندك فكرة بتتباع بكام فى بوركينافاسو وانت عارف ان بلاد الواكواك العمالة هناك ارخص
بطلوا فشخرة وانعرة بقى واعتماد على اسماء عربيات على الفاضى احنا بنشترى عربية مش ماركة
كفاية كدة لحسن شكلنا بوظنا الموضوع للراجل وهنتضرب احنا الاتنين :)
تصدق ان كده عيب يعني بقول معايا اوبل و بفكر اغير و بنتكلم في جيتا و باسات و حاجات كده تخوف نتكلم في ال 28 و الزاستافا
اساسى انقل على طول الهاى لاين دى املى :):) وبالذات لو حالتها نضيفة اوى وفابركة
ماشى يابوحميد ناكف براحتك :)
1-الميجان فكرت فيها بس هتبقى مستعملة طبعا مش زيرو علشان سعرها بيقع
2-المازدا 3 انا بحترمها وبحب المازدا اصلا وهى جامدة وعفشتها محترمة وتحس فيها روح الاوروربى غير اللانسر والكورولا بس عيبها شنطتها صغيرة ونوعا ما ضيقة من ورا كمان لاحضت حاجات فى التقفيل معجبتنيش ومبحبش البلاستيك الكتير هيا ممكن تبقى حاجات بسيطة اوى ومالهاش لازمة بس انا بحب الحنتفة وتتطليع القطط الفطسانة :) وكمان التوكيل زفففتتتت
3-الاسترا هاتشباك وبالنسبالى مبحسش ان الهاتشباك عملى اوى وخصوصا قدام لما الواحد يتأهل قصدى يتدبس ;) ولو فكرت اجيب اوبل تانى هتبقى فكترا C
4-الفوكاس اتفرجت عليها وعجبانى اوى وبالذات لما عدلو شكلها وباستثناء بعض الحاجات اللى معجبتنيش فى الصالون هى كويسة بس مشكلة التوكيل مقلقانى (نفس شاسية المازدا)
5-السيفيك اتفرجت عليها بس مركزتش معاها اوى هيا اكيد محترمة بس نفس مشكلة البلاستيك
(عن نفسى لو هختار عربية يابانى فى الفئة دى يالمازدا يالسيفيك الباقى لامؤاخذة)
6-مبحبش البيجو
7-مفكرتش ومش هفكر فيها
العربيات دى كلها كانت فرجة فى معارض مسوقتهاش علشان احكم انا بتكلم بس عن الانطباعات الاولية
ال A4 عربية محترمة وتوكيل كويس بس عيبها انها تحس من جوة ناشفة شوية مش زى العربيات الجديدة كمان الصالون من ورا ضيق
احمد باشا تشرف شرم الشيخ يا باشا ولا يهمك الناس الكبيره انت اكبر من كل الناس
محدش من الناس اكبيره دى عندها اوبل يبقى ماليش دعوه بيه خالص
وانت تشرف فى اى وقت ويباشا رقم تليفونى هبعتولك على الخاص يبا باشا كلمنى اول ما توصل
بس انا من اول الشهر الجاى لحد يوم 10 فى القاهره
انا رأيي لو هتغير بحاجة اعلي يبقي بورا او توليدو 2001
البورا او التوليدو اصغر مش اكبر هيبقى فرق الموديل بس
كمان التوليدو قطع غيارها مش متوفرة اوى
ana bardo kont bafkrr kteer fl ta'3yr bs ana mesh 7afkrr 2a'3yr '3er l 3arbyten
1. C class
2.audi a3