مياه القربة بتنقص بسرعة فأرجو الافادة ؟!!
عربيتي فابيا 2002
المشكلة عندي ان مياه القربة بتنقص بأستمرار
في الاول كنت كل يوم الصبح اول مدور لمبة المياه بتاعت القربة تنور وتدي انذار ان المياه نقصت اروح مزودها والكلام ده كان تقريبا كل يوم او يومين بالكتير خلال فترة الشتاء وفي الصيف
غيرت كوع الترموستات بالترموستات لانها كانت فعلا بايظة وغيرت غطاء القربة الموضوع قل وبقيت بزود المياه كل اسبوع تقريبا
من كام يوم كده وانا بدور الصبح اللمبة نورت وادت انذار فزودت عادي ومشيت بتاع 40 كم لقيت اللمبة نورت تاني وادت انذار روحت مزود تاني وخدت مياه كتير بتاع كوبايتين او تلاتة ونفس الكلام حصل بعديها برده بـ 30 كم ولا حاجة
المهم اعدت ازود مياه في اليوم ده بتاع 4 مرات وكل مرة في حدود كوبايتين فانا مش فاهم في ايه ولا ايه اللي حصل فارجوا من الاخوة الخبراء الآفادة لو تكرمتم
ومع العلم ان مؤشر الحرارة مزدش ابدا عن النص اللي هو الطبيعي
