ارجو المساعدة بسرعة من خبراء الهوندا موديل 92

**fakor** · 23-06-2008 06:52 PM

:embarrassed2:انا معايا هوندا سيفك 92 دى اكس و مركب لها جنوط 16 و الكوتش الزيرو
الرفيع بس للاسف الكوتش مع اى مطب بيحك فى الرفرف لدرجة ان الكوتش بقى مشرط من كتر الحك اريد منكم معرفة مقاس الجنط المناسب ويكون شكلة حلو بردة
هل 15 مناسب ولا مفيش فرق و شكرا

**Khalid Shalabi** · 23-06-2008 11:41 PM

انا مركب 15 عندي و مفيش اي مشاكل
بس انا بشوف ناس كتير جدا و خصوصا في بورسعيد مجنطة لحد 18 و اكيد مش بيعانوا من المشكلة دي فاكييد لها حل من غير ماتغير الجنط و كمان انت بتقول ان الكاوتش جديد يعني حرام تغيره بالسرعة دي و في نفس الوقت لازم نحل المشكلة دي بسرعة عشان ننقذ مايمكن إنقاذة

هسألك كدا و ها فييد يو باك قريب ان شاء الله

**fakor** · 24-06-2008 01:53 PM

متشكر جدا على سرعة الاستجابه وبجد
أحساس رائع بالأمان و العزوة ان تكون عضو ب نايل موتورز
ويكون فى اعضاء من امثالك
شكرا:mask:

**galilio_mad** · 24-06-2008 01:58 PM

هو مقاس الكاوتش اللى راكب كام ؟

عامة العربيات اللى بتنزل بجنوط 13 و 14 باحس ان احسن حاجة ليها فى الاسبور
195/50/15 مع جنط 6.5j

فى واحد جارنا زمان كان معاه نفس عربيتك و كان حاطط 17"
بس هو راح لسمكرى فتحلة الشفة بتاعة الرفرف لبرة شوية

**khaledfox** · 25-06-2008 08:45 PM

بيسطه يا عم
بص حتروح لاى حد بتاع جنوط وتقوله عايز اركب عالايات للمساعدين الواحده حوالى 20 جنيه
وظيفتها انها بتعلى العربيه شويه عن العجل والكاوتش حوالى 10 سم
و حتفرق معاك كتير يا باشا
اخوك خالد

**mshamy** · 26-06-2008 01:13 PM

خالد باشا..
بعد السلام عليكم
موضوع العلايات ده حيعوم العربيه جامد
انا رايي انه يكشف على المساعدين و السوست يتأكد انهم مش مقصوصين لو كله تمام يبقى يشوف موضوع فتح الشفه علشان ده اهون من تركيب العلايات

المشاركة الأصلية كتبت بواسطة khaledfox

بيسطه يا عم
بص حتروح لاى حد بتاع جنوط وتقوله عايز اركب عالايات للمساعدين الواحده حوالى 20 جنيه
وظيفتها انها بتعلى العربيه شويه عن العجل والكاوتش حوالى 10 سم
و حتفرق معاك كتير يا باشا
اخوك خالد

**fakor** · 26-06-2008 01:44 PM

متشكر يا جماعة على اهتمامكم
بس بجد انا مشوش مش عارف اعمل ايه ولا ايه
يا ريت حد يقولى الحل بتفصيل

**mshamy** · 26-06-2008 06:44 PM

سيدي الفاضل
يمكن عيب سيارة الهوندا الوحيد هو انها واطية على سطح الأرض و حضرتك رحت مركب جنوط 16 و لو بروفيل يعني الكاوتش حيحك بنسبة 100% في أي مطب
زي ما قلت في المشاركه السابقة حضرتك تحاول ان تتأكد ان المساعدين شغالين من غير مشاكل و كمان تتأكد أن السوست "اليا يات" مش مقصوصين او متقصرين لو كل ده تمام يبقى زي ما قال galilio_mad حضرتك تروح لسمكري نضيف يفتح الشفه علشان الكاوتش يبقى مريح ..لو مش عايز تلعب في الصاج يبقى تكتفي بجنط 14 و لا 15 بالكتير
و برضه ممكن حد من الزملاء يدينا رد مفيد إن شاء الله:)

المشاركة الأصلية كتبت بواسطة fakor

متشكر يا جماعة على اهتمامكم
بس بجد انا مشوش مش عارف اعمل ايه ولا ايه
يا ريت حد يقولى الحل بتفصيل

**SAMEH_FOUAD** · 22-11-2008 08:02 PM

ياباشا هاتلها سوسوت مقاس 12 لفة ودية هاتظبط معاك الاداء جدا وتعلى العربية انا معايا sir وكانت واطية جدا على الارض لما بحمل حد معايا راكب ورا روحت مركب سوست 12 لفة بدل 11 لفة وورا ركبت سوست 24 دة مقاسها من عند مسعد فى الحرفيين هايعملوا 200 جنية للاتنين القدام و300 للمساعدين الخلفية وريح دماغك من المطبات وركب اللى انت عايز تركبة