اقتباس:
المشاركة الأصلية كتبت بواسطة k_e
بس برضوا والله الواحد بيصعب عليه الناس دي مهماً كانوا عندهم اهل وده مصدر رزقهم الوحيد المفروض الحكومة توفرلهم بديل لانهم كده مش هيلاقوا سكه غير السرقة والبلطجة
أنا كنت بتعاطف معاهم زمان قبل الثورة
وكنت بقول عليهم غلابة وبيسترزقوا
وكنت بحس ان الشرطة بتفترى عليهم
بس بعد اللى عملوه من بعد الثورة مباشرة فى كل شوارع مصر الرئيسية
والمزدحمة ... هو الفجر بعينة
ومعظمهم فعلاً بلطجية وحرامية وقطاعين طرق
ياريتهم واقفين بإحترامهم
بالعكس متلاقيش منهم غير الألفاظ الوقحة
ومتشوفش معاهم غير السنج والمطاوى والمخدرات
وممنوع تقف قدام حد فيهم بعربيتك
علشان رزقه !!!
انت تعرف ان فيه منهم ناس استولت على اماكن كتير فى شوارع كتير
وبتبيع الرصيف لناس تانية بآلاف
واحنا نتحرق بجاز
مش مهم نعرف نمشى قدام بيوتنا
مش مهم تركن عربيتك
مش مهم تروح شغلك
علشان ياكلوا عيش
أنا شايف ان معدش ينفع التعاطف معاهم
فيه اماكن معروفة من زمان ومحدده للباعه الجائلين يروحوا فيها
غير كده مفيش غير العصا الغليظة علشان الشوارع تنظف