كان في حملة مرورية لازالة بعض التعديات في شارع فيصل امبارح
السلام عليكم
امبارح كنت بشتري حاجة من شارع فيصل قرب الطوابق
للي مايعرفش الطوابق في فيصل دي واحدة من اسوأ مناطق فيصل بالنسبة لقائدي السيارات
عبارة عن ثلاث شوارع رئيسيين يلتقوا بشارع فيصل في نقطة واحدة
النقطة دي كانت ملتقي لكل من
موقف ميكروباصات
موقف تكاتك
باعة خضراوات
باعة فاكهة
عربيات كبدة
باعة جائلين ( ملابس - احذية - ترمس - لب - ذرة - بطاطا - الخ )
و هناك مطعم الشبراوي المضروب
و محل عصير قصب مزدحم علي طول
قائدي السيارات و التاكتك و الكارو و احيانا النقل الجامبو اللي بيطلعوا من الشارع رقم 3 بيمشوا عكسي في شارع فيصل عشان يدخلوا الشارع اللي في النص او الشارع رقم 1 و لا عذاء للسيارات
ده بالنسبة للنقطة دي
و بما ان المنطقة دي شديدة التكدس بالسكان
فطبعا اي ميكروباص او ميني باص يجدها افضل مكان للانتظار لتحميل الزباين و يصبح شارع فيصل حارة واحدة
و طبعا كمية الناس اللي بتعدي الشارع يمين و شمال اعداد لا تحصي
امبارح بقي و انا معدي في شارع فيصل حوالي الساعة 9:30 بالليل
لقيت خير اللهم اجعلة خير حوالي
10 عربيات امن مركزي بعساكرهم
4 ونش مرور
عدد لا بأس به من ظباط المرور برتبة نقيب و ملازم اول
حوالي 5 او 6 رتب كبيرة ( رائد - عقيد - عميد )
كمية عساكر مرور و امناء شرطة كويسة
نقطة تلاقي الثلاث شوارع مفيهاش ولا حد غير بتوع المرور و تم ازالة كل التعديات علي الطريق
دي بداية كويسة اتمني انها تستمر
لان ببساطة مجرد ما الحكومة بتمشي بتلاقي كل حاجة رجعت لاصلها