الموضوع: إستفسار عن الميجان قبل الشراء

كتر الكلام والنتيجة سيارة ممتازة مفيهاش مشاكل توكيل ممتاز أفضل توكيل على مستوى الشرق الأوسط

سياره اكثر من رائعه و توكيل محترم جدا و كل قطع الغيار متوفره و مش هتندم ان شاء الله
علي فكره انا ببيع واحده ٢٠٠٨ عاشان عايز اجيب فلوانس ان شاء الله

السحب كويس لكن مش أداء رياضى الثبات ممتاز الهاى لاين متوفرة بفتحة سقف بانواراما تكييف تاتش زجاج بخاصية أنتى بيتش قفل مركزى قفل أطفال باور كهرباء خاصية تتبعنى فتيس استبترونيك كنبة خلفية قابلة للطى كارت رينو المشفر بدل المفتاح مثبت ومحدد سرعة مرايات ضم مصابيح ضباب 6 وسائد هوائية مع إمكانية غلق الوسادة الهوائية الأمامية 5 نجوم فى عوامل الأمان جنوط اسبور مقاس 16 فرش جلد أو جلد فى قماش فرامل إي بى إس مانعة للإنغلاق نظام إى بى دى الثبات الإلكترونى على الطريق إمكانية تعديل وضع الكرسى للسائق وتعديل الطارة للسائق نظام صوتى 6 سماعات صوتهم جيد جدا مع مشغل سى دى ادارة المحرك عن طريق زر إستارت ستوب حساس مطر حساس إضاءة أوتوماتيكى للإضاءة وقت الليل أوتوماتيكيا

شاشة توضح بيانات المقاطع الموسيقية ودرجة حراة الجو والتوقيت شاشة توضح إلأبواب المفتوحة كمبيوتر رحلات رقمى لمعرفة المسافة المقطوعة والبنزين المستهلك ومتوسط المسافة اللى يقدر البنزين الحالى يمشيك بيها والاستهلاك الحالى للبنزين فى 100 كيلو وفى نفس الوقت شاشة أعطال

أنا شاكر أفضال الجميع على هذه المعلومات وخصوصاً سمعة التوكيل هذا ما يهمنى وأداء السيارة أنا على ثقة فى رينو بس أنا حابب أعرف قوة التكيف فى الحرارة المرتفعة ومدى تأثيره على الموتور والأداء حيث أننى أمتلك فيات سيينا 1600 وناوى أبيعها بسبب موضوع التكييف وإرتفاع درجة حرارة المحرك عند تشغيله إلى جانب شكاوى ناس كثيره عن تكييف السيينا فى الجو الحر فهو ليس له تأثير يذكر ده غير أن الموتور بحس أنه مخنوق لأن تحميل التكيف عليه بيضعف السحب مع العلم أن الموتور 1600 2 كامه 16 صباب بس عيب فيات فى التقنيات والدوائر الكهربائية ... على العموم أرجو من الجميع أن يرشدنى إلى كيفية إختيار موديل الميجان هل 2005 أو 2006 ... إلخ..... والموتور كام حصان .... وهل هناك مشاكل فى الفيتيس الأوتوماتيك ... أرجو الإفادة

أكيد فى أى عربية التكييف بيبقى ليه تأثير على السحب حتى ولو بسيط جدا الميجان التكييف لم ألاحظ تأثيرة على السحب العربية سحبها كويس مع التكييف برضه بس أكيد من غير تكييف هيبقى أشد التكييف بالليل فوق الممتاز بالنهار جيد وليس ممتاز خصوصا فى الشمس الحارقة لأنه تكييف أوروبى

المشاركة الأصلية كتبت بواسطة assem_sayed

سياره اكثر من رائعه و توكيل محترم جدا و كل قطع الغيار متوفره و مش هتندم ان شاء الله
علي فكره انا ببيع واحده ٢٠٠٨ عاشان عايز اجيب فلوانس ان شاء الله

ياترى ايه مواصفات العربيةوطالب فيها كام عشان انا عاوز أشترى ميجان
بس ياريت المواصفات كاملة بالتفصيل