تحذير من شراء انواع معينة من السيارات

**mrisuzu** · 12-07-2012 04:01 PM

اولا عندنا 5 اوناش

وهذه احصائية فى الشركة عندنا

من خلال 1200 سيارة فى القاهرة الكبرى

والعربيات اللى بتكلم عليها دى بيكون الاعطال كهرباء او ميكانيكا وبنوديهم التوكيل

مش حوادث انا بتكلم عن اعطال عادية

واحنا هنا فى المنتدى بننفع بعض

يعنى لا احب ان واحد يشترى سيارة ويكون كل يوم فى التوكيل

والكلام لو مش عاجب بعض الناس ممكن يفيد ناس تانية

وشكرا

على عدم الاحترام للاخر

**mrisuzu** · 12-07-2012 04:04 PM

اما عن العربيات اللادا

المشكلة ان البيض بتاع العفشة بيملص

والبعض عالج المشكلة

بتغيير البيض وتعديلة ببيضة مقص الشيفورلية الدبابة

ودة حل متجرب منذ سنوات

واعتذارى لاصاحب اللادا

**port_smoker** · 12-07-2012 04:16 PM

شكرا على الموضوع فعلا حاجة جديدة

بس يعنى كلة الا الــ bmw دى عربية معمرة جدا ومعمولة عشان تقاوم اقوى الظروف

-------------------------------------------------------
ممكن اضيف لقائمة السيارات الغير امنة اطلاقا وبشوفها عاملة حادثة على طول ومتشالة على ونش
(هيونداى فيرنا)
عربية حوادث وفتحا بيوت صنيعية كتير

(لانسر بومة)
حواث الله واكبر عشان اكثر فئة بتشترى العربية دى الشباب وبيجرى بيها جامد

**mrisuzu** · 12-07-2012 04:23 PM

البى ام واللهى جميلة انا تكلم على الاعطال

مين معاة فلوس يروح كل شوية على التوكيل

وكمان العمالة الفنية فى مصر مش محترفين 100 فى ال 100

مينفعشى نركب عربية تتعبنا وتبهدلنا

البى ام حلوة وهى زيرو

موديل السنة

الموديلات القديمة بلاش احسن

والدليل ان الموديلات القديمة سعرها رخيص

ومحدش بيشتريها اد كدة

دى وجهة نظر

**mailo** · 12-07-2012 05:35 PM

سيدي الفاضل ال bm لما بتعلق نمر سعرها بينزل جامد جدا مقارنة باي عربية تانية
عشان كده القديم سعره رخيص

سؤالي ليك بقى موديلات إيه في bm اللي بتبوظ كده
وكل يوم تشيلها بونش ؟

وهل مشاكل الميكانيكا والكهربا اللي فيها دي بتبقى بسبب اهمال صاحبها أو عشان راح لصنايعي بوظهالوا ولا عشان العربية وحشة ؟؟؟

ياباشا ماحدش قال إن كلامك غلط
استنتاجك هو اللي غلط

**moaaz** · 12-07-2012 06:09 PM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ه فعلا يا جماعة الاوناش مالية البلد انتوا اللى مش واخدين بالكو ....بس ازاى كل يوم بى ام ...دا على كده احنا شعب غنى اوى :d

**i_Boy** · 12-07-2012 06:10 PM

المشاركة الأصلية كتبت بواسطة mrisuzu

1- رينو ميجان

2- شيفورلية كروز

3- بى ام دبيلو

4- اللادا

اول 3 عربيات بيتحملوا على الونش علشان اي واحد ه بتعطل فيهم محدش ليه قلب يسحبها علشان دي عربيات بفلوس مش شغل عيال
ده غير ان صحابها معاهم تمن الونش اللي حيسحب العربيه مش اجره السحب بس فمفيش داعي يكلم ميكانيكي يجيله او يكلم واحد صاحبه يقطره ..

اللادا بقى هي اللي ممكن تسحب الونش مش عارف انا انت جبت الكلام ده منين ههههههههههه

**walidzakzok** · 12-07-2012 06:22 PM

انا شايف ان الانواع المكتوبة منطقية

**Dr.cairoky** · 12-07-2012 07:48 PM

المشاركة الأصلية كتبت بواسطة engonear

دى مش طريقه حوار علشان حضرتك تكلم بيها راجل انقاذ تعبان طول اليوم على الطريق وبيحذرنا من العربيات دى هو مش طالب دعايه ولا انه بيكره الناس فى انواع معينه من العربيات.
وهو فعلا العنوان مناسب للموضوع.
وشكرا جزيلا على المجهود الرائع .

يا بيه ايه اللى جاب تعبان طول اليوم على الطريق فى الموضوع أساسا

ما كلنا تعبانين فى شغلنا عادى يعنى مش حاجه غريبه

الموضوع حريه شخصيه....موضوعه طريقته مش عجبانى

ممكن الموضوع يعجب حد غيرى يعنى ..... كل واحد ودماغه بقى

وبعدين بتقولى مش بيكره الناس فى عربياتها...أمال تحذير من الأنواع التاليه ده إسمه ايه والنبى..!!!!

أخيرا أنا شايف إن طريقة كلامى محترمه الحمد لله ومغلطتش فى حد...لو شايف غير كده إنت حر أكيد....هى دى الديمقراطيه بقى...

**احمد فهمى** · 12-07-2012 08:34 PM

هو الموضوع مبالغ في شويه اكيد bmw وميجان الاكثر اعطالاً لأن تكنولجيا عاليه جداً بس زى البيجو والاودى والستروين عادي جداً بس مش لدرجة انهم على طول على الونش وبعدين الكروز؟؟؟ دى دايو فعلا مستحيل تروح على ونش الا في حادث والادا؟؟؟؟؟ صعب جداً لان تكلفة نقلها بونش يعملها عمرة متور في مكانها معلش مبالغ شويه بس اى رقم هيخدو الونش يجيب ميكانيكى يدورها فى مكانها بسهوله وطبعاً احنا نشكر مشاركتك بس لو انت بتاع خدمة انقاذ ممكن تعمل موضوع بس بدقه يعني هتتعب شويه وتجمع نمر كل بتوع النقاذ وتحصر انواع العربيات اللى اتنقلت وسبب النقل حادث او عطل وبكده تبقى عملت موضوع يستحق التقدير والتثبيت فى المنتدى والله المستعان

الموضوع: تحذير من شراء انواع معينة من السيارات

LinkBack

أدوات الموضوع

عرض

-

-

-

-

المواضيع المتشابهه

جميع انواع dvd لكل السيارات

استفسار بخصوص انواع معينة من شاشات lcd

انواع فريون السيارات

زمن جميع انواع السيارات من 0 إلى 100 km\h

تحذير من شراء السيارات من الباعه الجائلين....!!!

الكلمات الدلالية لهذا الموضوع

المفضلات

المفضلات

ضوابط المشاركة