ارجوكم انا لسة جديد و محتاس على الاخر

**belal 1980** · 12-07-2012 06:07 PM

انا اسف على انى شغلتكم بالموضوع اللى ممكن يبقى بسيط من وجهة نظركم....انا جايب لادا زيرو من حوالى اسبوعين و كانت ماشية كويس لحد من كام يوم كده كل لما اهدى عشان مطب او زحمة و ادوس دبرياج للاخر مع فرامل العربية تكركر و تيجي مبطلة...بقيت الحقها و ادوس سنة بنزين تشتغل عادى ..اجى اهدى تانى برضه تبقى حتبطل ....ارجوكم قولولى اعمل ايه؟؟؟؟ انا سالت ميكانيكى جنب البيت قالى الكربراتير عاوز يتظبط و انا خايف اسيبها لحد يلعب فيها و هى زيرو....و برضه من كتر الكلام الوحش عن التوكيل مش عاوز اروح...يا ريت تنصحوا اخوكم و شكرا

**tareksakr** · 12-07-2012 06:49 PM

حضرتك تروح علي التوكيل عدل وماتخليش حد يلعب فيها العربية لسة زيرو وغالبا هتطلع حاجة بسيطة

**belal 1980** · 12-07-2012 07:13 PM

شكرا لنصيحة حضرتك...و اتمنى ردود من باقى الاعضاء

**Zing0** · 16-07-2012 09:28 PM

توكل على الله و روح التوكيل , المشكله دى بتقابلنى كتيييييير و غالباً هتلاقيها فى ضبط الكربراتير أو تنضيف بيك فيه إسمه بيك السلانسيه. هيا سهله و بسيطه و ممكن أنت تعملها بس أدام العربيه فى الضمان بلاش تلعب فيها.

**chiko** · 22-07-2012 05:27 PM

عادي بتحصل مع معظم العربيات تلوقتي بسبب البنزين السيئ اللي موجود في البلد تلوقتي .. بيبقي كله وساخه

**mada_2005** · 26-07-2012 03:14 AM

ممكن يكون من سلك الدبياج عشان الاستاذ بيشتكى انها بتبطل مع الزحمة وهى واخدة غيار اكيد طبعا التوكيل وهتكون حاجة بسيطه جدا
ده طبعا من خبرتى الضعيفة مع 128

**hassanin_lada** · 26-07-2012 06:51 PM

انا لاداوي زيك ياباشا..اوووووووووعي تخلي حد يلعبلك في الكاربرتير ولا دلوقت ولا بعدين لان الكاربرتير لو اتلعب فيه يبقي تنساه..وبعدين اكيد التوكيل هيبقي ارحم من الصنيعيه اللي بره..اتوكل علي الله وعلي التوكيل..وحاول استنضف بنزينه محترمه وابعد عن بنزينة التعاون

**akmm** · 05-08-2012 03:10 PM

التوكيل التوكيل

**velkouf** · 22-08-2012 10:13 PM

دى مشكلة عادية جدا بتقابلنى كتير بسبب البنزين النضيف اللى فى بلدنا
ودة مشكلة وساخة فى الكربراتير
لو مستعجل وعاوز تخلص الموضوع فى ثوان
اقلب سلك البوجية التانى مع الثالث ودور العربية مع دوسة بنزين هتلاقى العربية عملت مدفع و الامور سلكت وكلة بقى تمام بس اوعى تنسى ترجعهم مكانهم ولا تنسى الترتيب بتاع الاسلاك ( مهم جدا )
بس دة حل مؤقت لحدما اروح للميكانيكى بينضف الكربراتير بالاسبراى و ضغط الهوا ( الكمبريسور )

**velkouf** · 22-08-2012 10:14 PM

للعلم السيارة لادا 2105 مو 95

الموضوع: ارجوكم انا لسة جديد و محتاس على الاخر

LinkBack

أدوات الموضوع

عرض

-

-

المواضيع المتشابهه

مساعدة ارجوكم انا محتاس فى عربية لادا 2107

htc hd2 سعر من الاخر بكامل مشتملاته الاصليه+الكرتونه+اندرويد2.3.6+سعرمن الاخر+صور

السلام عليكم هونداوى جديد على الاخر بس عايز اعرف حاجه؟؟؟؟

طلب محتاس فيه

محتاس

الكلمات الدلالية لهذا الموضوع

المفضلات

المفضلات

ضوابط المشاركة