:018a1d~146:
أستاذ حسام
أولا بس تصحيحا
مفيش حاجة أسمها مش بنقبل العوض ....... دي مش حاجة حرام و لا عيب ...... بكرر تاني لا حرام و لا عيب .
و ده كلام شبيحة مصر ...... علشان يهرب من تحمل مسئوليته .
مبدء الأسلام .......... من أتلف شئ فعليه أصلاحه .
================
أما بقى بالنسبة لحكاية أخوك .
ربنا يعوض عليكم خير و يستر طريقكم و طريقنا .
ثانيا الأشكال الزبالة دي مينفعش تقف تكلمها بالمنطق ......... لأن منطقه هو القوة
لو هو في موقف ضعف ........ موقفه هايختلف لو في موقف قوة .
دي أشكال زباله و ز بالة الزباله .
ده ربنا هايعمل فينا عمايل يوم القيامة ......... ده أحنا هانأخد قسم لوحدينا نتحاسب فيه
ده شعب عايز فرعون يحكمه ........... و أنا أقصد واحد ناشف بجد و حازم بجد ....... و بالعدل .
و لكن النعومة مع معانا بتجيب نتائج عكسية تماما .
موقف زي ده ....... كان كمله على التوك توك في ساعتها و سابه و مشي .... زي ما قلتلك الأشكال الزبالة مفيش معاها منطق .
و الأدهي بقى الكلاب اللي زادت قوي و بتمشي عكسي في كل مكان دلوقتي
أنا متغاظ قوي قوي من الناس
و حسبي الله و نعم الوكيل في اللي بيمشي عكسي ....... ربنا ينتقم منه ........ قادر يا كريم .
طب وبعدين الناس دى مالهاش حل ولا أية
اللهم عافينا ولا تبتلينا يارب
الحمد لله على كل شئ
وقبل الثوره برضه والشرطه سايباهم مبرطعين براحتهم فى كل حته
ربنا يصلح الحال
ماشى يادكتور بس انا موقفى مختلف لان اولا دا توكتوك والشرطه سايباهم براحتهم وماشيين من غير نمر ولا رخص وعادى , مره كان فى كمين فى المريوطيه من كام سنه ومستخبى عند حته العربيات بتعدى منها عكس وشغال يمسك فى الناس وفى عربيات وغرامه الف جنيه وبتاع وكانوا ماسكين واحد صاحبى روحت اشوفه , فى وسط الاحداث دى لقيت توك توك ماشى عكس قدام اللجنه ومحدش عمل له حاجه !!!! وطول عمرى شايفهم بيعملو اللى هما عايزينه قدام الضباط والعساكر مكبرين دماغهم
غير انى اسمع ان لو هاتعمل محضر لازم يحجز العربيتين مش مهم مين غلطان والعربيات بتتبهدل هناك والحكايه مش ناقصه , وبعدين تقنع مجرم زى دا ممكن يبقى مبرشم ولا متنيل انه ييجى معاك القسم ازاى , وكمان هو عرف يهرب التوكتوك يعنى ممكن ينكر كل حاجه , ولو طلبت الشرطه محدش هايعبرك ويجيلك !
يارب
تمام انا مكنتش اعرف المعلومه , بس مثلا انت ممكن لا قدر يخبطك واحد ومايبقاش فى خساير جامده وتلاقيه انسان محترم وبيعتذر فانت ممكن ساعتها تقوله العوض على الله وماترضاش تاخد منه حاجه , او تاخد منه براحتك
بس لو فى الموقف اللى انا اتعرضت له مفيش احترام ومفيش ذوق وفى بلطجه ومفيش فلوس تعمل ايه ؟
وزى مانت قولت فى الخليج فى نظام , اولا فى مخالفات وغرامات مروريه جامده وبتتطبق على الكل بكل حسم بتخلى الواحده يفكر قبل مايغلط , مثلا فى قطر ارخص مخالفه ب 300 ريال يعنى حوالى 500 جنيه دى لو ركنت فوق رصيف او فى مكان غير مخصص للركن , 500 ريال او حوالى 800 جنيه مخالفة الرادار , كسر الاشاره ب 6000 الاف ريال يعنى حوالى 10000 جنيه !!!! وفى حاجات بتوصل للحبس وسحب العربيه , دا غير نظام النقط على الرخصه فى مخالفات معينه لو عملتها وكررتها بتاخد عليها نقط لو وصلت 12 نقطه الرخصه بتتسحب سنه على الاقل
التأمين ضد الحوادث اجبارى مع تجديد الرخصه , لو لاقدر الله عملت حادثه بتتطلب الشرطه تجيلك فى مكانك على طول وتشوف مين الغلطان وتخلص الموضوع والتأمين هو اللى بيتحمل التصليح بالكامل لو مش انت الغلطان او ممكن يبقى فى نسبة تحمل بسيطه
وزى ما انت قولت التصليح مش بمزاجك فى اى حته حتى لو فى التوكيل , يعنى لو العربيه مخبوطه وعايزها تصلحها فى التوكيل هايطلب منك محضر الشرطه عشان يصلحها
شكرا للمعلومه يا استاذ توت اصل الواحد متعود على كلمة " انت هاتقبل العوض ؟؟!! " او " العوض على الله " وبتفرق برضه اذا كان الانسان اللى قدامك ذوق وبيعتذر او مثلا الخطأ مشترك بينكم فطبعا مش هاتاخد منه حاجه
بس اللى ماشى دلوقتى نظام خدوهم بالصوت وانا مش غلطان , انا مش عارف ازاى الواد بيقول انا مش غلطان بجد حاجه تنرفز وتضحك فى نفس الوقت , فعلا زى مانت قولت دى عالم ماينفعش معاها الكلام
ربنا يتوب علينا
امين اللهم اعفى الجميع
سلامة أخوك والحمد لله على كل ده
لما تحصل حاجة زي كده في بلدنا، حضرتك تعمل حاجة من اتنين وتعود نفسك على كده عشان ترتاح
إما أنك تسكت تمام وكأن شيئا لم يكن وده في حالة إن الغلبة مش ليك ولا القوة معاك، وإما تاخد حقك بالكامل وبكل صرامة لو الغلبة ليك والقوة ومعاك الدعم اللوجستي
يعني مرة حصللي موقف مشابه بس أمام مزرعة واحد صاحبي وقبل ما انزل اشوف حصل إيه كان الغفر والعمال بتوعه جايبين السواق من ودانه مع إن شكله عنصر إجرامي وشتم وقل أدبه بس لما خد قفا من عم معوض رماه مترين كان هيبوس جزمة كل واحد رغم إن ناس جوله وكلهم ضربو مرشدير وحخدنا حقنا، بس الموضوع تم بحزم لأن الدعم اللوجستي كان ورايا، وموقف تاني حصللي في طريق سفر مفكرتش حتى أقوله انت غلطان وسبته ومشيت،
مبدأ صن زو الحكيم الصيني بيقول إعرف قدرك وإعرف عدوك يتحقق لك في كل مئة معركة مئة انتصار
أما موضوع العوض فده جائز شرعا بالإجماع وإن عفوت فذلك من الإحسان
للأسف بقت غابة وأسوأ من كده
مصر محتاجة دكتاتور عادل ( الرئيس يبكى وهو يصلى الفجر ) بذمتكم فيه برود وتناحة أعلامية أكتر من كدا أنتو مالكم إنتو شوية يقولك الرئيس يلبس قطونيل مقاس كذا
البلد دى خلاص انتهت