لو متعلم سواقه جديد تجيب عربيه مستعمله ولا زيرو
السلام عليكم ورحمه الله وبركاته
اخوانى اعضاء المنتدى
حبيت اسأل عن شىء خطر ببالى مهم جداا اولا طبعا اكيد حضرتكم قريتم موضوع الحادثه بتاعت عربيتنا الجين تو فعشان كده حبيت اعرض الموضوع ده
اولا ان زوجى لم يسبق له السواقه يعنى الجين تو اول عربيه كتير نصحونا اننا نخبط فى عربيه مستعمله لغايه ماجوزى يتمكن من السواقه وبعدين نجيب زيرو لان الواحد فى الاول بيخبط كتير وناس تانيه قالت لا ابعدوا عن المستعمل هاتتدفعوا عليه فلوس وتصليحات خليكم فى الجديد طبعا جوزى قال يجيب اتوماتيك لانه افضل مع انى كنت خايفه من الاتوماتيك لانى بيتهيألى ان الواحد احسن يبدء بمنيوال عشان يتمكن اكتر المهم اننا جبنا اوتوماتيك وزيرو فى الاول طبعا كنا خايفين حبتين من السواقه وبعدين اول مالرخص جت طلعنا سفر على طول والحمد لله عدتت على خير
بس الحادثه اللى حصلت خلانى يئست لان ناس كتير رجعت تقول اننا غلاطنيين اننا جبنا زيرو لان السواقه هى تلاشى اخطاء الاخرين يعنى تعمل حساب اللى هايخبطك ولازم يكون عندك فن فى تلاشيه فحسيت جانى احباط جامد وخفت من السواقه عموما والخبطه الاولى بالنسبه لنا هاتتكلف اكتر من 20 الف جنيه يعنى تمن عربيه تانيه .
اللى عاوزة اعرفه نعمل ايه ازاى نتلاشى عيوب الاخرين وخصوصا اننا فى بلد ماحدش بيرحم ولا بيراعى حد لو حد منكم مر بنفس التجربه ياريت يطمنى الواحد بياخد وقت اد ايه ويكون محترف سواقه وللعلم انا جوزى بيسوق كويس والحمد لله لكنه لسه بقاله شهر بس ولسه غير محترف ولو حد خبطه بيرتبك وومكن هو يقف له مره واحده فارجو منكم النصيحه ااسف للاطاله
