الموضوع: ماكينة سوزوكي فيتارا

السلام عليكم ورحمة الله وبركاته

عندي سوزوكي فيتارا مو 97-- 2 باب 1600 سي سي كاربراتير --- للأسف العربية عطلت وانا ماشي على الطريق الساحلي والميكانيكي قالي ان الماكنه كسرت بلوكه وعايزه ماكنه جديدة

وبما ان الماكنه الكاربراتير نادرة شوية وانا كنت عايز استغل الفرصة واحسن العربية قررت اشتري ماكينه انجكشن لموديل اعلى--

الميكانيكي قالي ياخد الماكينه والضفيرة بتاعتها بكل حجاتها من نصف عربية تانيه
لقيت نصف عربية سوزكي بالينو موديل 2001 موتور 1600 سي سي والميكانيكي بيقولي ديه اخت الماكنه الي بتركب في فيتارا موديل 2001 -2003 -- وسعر الماكنه بالضفيرة 3800 جنيه

سؤالي لحضراتكم هل فعلا ماكينه البالينو وضفيرتها هتركب بدون مشاكل؟ هل هيكون فيه مشكلة مع الراتير وقواعد الموتور؟ ما هي التعديلات اللازمة نظرا لاني بحب اكون عندي فكرة علشان ما اسبش الميكانيكي يعبث بالسيارة؟

هل من الافضل انزل بورسعيد اشوف نص عربية فيتارا بموتور انجكشن واعمل الموضوع ده بدل البالينو ولا ما فيش فرق؟
هل تحديث العربية مش جايب همه والأفضل ابحث عن ماكنه كاربراتير وابعها واشتري موديل اعلى، علما بان حالت العربية ممتازة وانا ما كنتش عايز ابعها؟

أرجو النصيحه من أهل الخبرة وجزاكم الله كل خير

كان من الممكن تغير الي الانجكشن الكامل الموجود في الفيتارا من موديل ٢٠٠٠ وحتي موديل ٢٠٠٣ ويجب تغير الدفيرة والكمييوتر الخاصة بها وإذا كانت اتوماتك سوف تقوم بتغير الفتيس مع شراء كمبيوتر الفتيس أيضاً
تكلفة الماتور في القاهرة ٦٠٠٠ جنيه والفتيس ٣٠٠٠ بدون الدفيرة والكميوتر
ماتور البالينو لا يركب علي الفيتارا
إنما يتم في بعض الأحيان تركيب ماتور السوفيت ١٥٠٠ علي الجراند فيتارا ولكن طبعا سوف يكون العزم والقوة اقل من ١٦٠٠