-
الفيرنا بتسخن مع التكييف
معايا فيرنا 2008 ماشيه 80 الف
بتسخن لما اشغل التكييف على سرعه فوق 120 كيلو لكن لو مش مشغل التكييف العربيه مش بتسخن
عملت كل حاجه المراوح اتاكد انها شغاله و غسلت دوره التبريد و كمان سلكت الريتادير العربيه كنت بغير الميه بتاعتها كل سنه بميه خضراء من ساعه ما جبتها مش عارف اعمل ايه تانى
ياريت لو حد ظهر معاه العيب ده و حله يقولى
-
نفس العيب موجود عندى بس فى النص نقل و عملت كل حاجه
-
-
طيب أخبار كفائة التكييف أيه ؟
يعني بيبرد زي الاول و لا أقل ؟
و صوته أرتفع و لا زي ماهو ؟
و هل مؤشر الأر بي أم بتاع الموتور بيعلي عن الاول و لا زي ماهو ؟
-
باشمهندس سمير كل حاجه بتبقى طبيعيه
الا مؤشر الحراره اول ما اطفتى التكييف و اكمل مشى عادى او اهدى السرعه مؤشر الحراره بيبتدى ينزل و طول ما انا على 120 كل حاجه مظبوطه
-
-
مركب حااجة قدااام ع الشبة اللى بين الفانوسين ؟؟؟ لو مركب حااجة شيلها و شوف اية النظاام .
و ممكن يكون حساس الحرارة بيهيس ف لو فى طريقة تعمل بيها اختباار للحساس يبقى تمام .
و ممكن كوعة ترموستات مش بتفتح اوى ف بتعمل كدة
انا عاارف ان الكلام مالوش علاقة ببعض بس انا بفكر معااك بصووت عاالى يمكن نعرف نوصل لحل
-
1- نظف السربنتينة وممكن يكون التكييف مشحون بزيادة
2- غيرالثيرموستات الكوعة
فى تجربة علشان ثيرموستات الكوعة تعرف اذا كان العيب منها ولا لا
ارجع من مشوار وبعدين افتح الكبوت وامسك خرطوم المية اللى داخل الردياتير بايد والخرطوم اللى خارج من الردياتير يالايد الاخرى وقارن هل درجة الحرارة زى بعض ولا لأ
لو لقيت ان الخرطوم اللى خارج من الردياتير ابرد من الثانى يبقى العيب فى الثرموستات
حل تانى
شيل ثيرموستات الكوعة وامشى بدون ثيرموستات يومين على الاقل وشوف هتشخن ولا لأ
-
لما مؤشر الحرارة بيكون عالى هل بتلاحظ غليان مياه الردياتير و بتنقص وﻻ ﻻ, فيه احتمال تانى ممكن تكون دورة التبريد واخدة هوا جرب تدور العربية و تسيب غطا الردياتير مفتوح لحد ما مروحة الردياتير تشتغل و تطفى مرتين.
-
ثرموثتات الكوعه متشال
مافيش حاجه قدام الشبحه
لما بتشخن الميه بتغلى هيه كمان
السربنتينه بتاعه التكييف مغسوله كويس و سربنتينه الريتادير فكيتها و سلكتها
و مازال العيب موجود
Content Relevant URLs by
vBSEO 3.6.0 PL2