تجربه قياده الضفدعه احم قصدي الفوليستر و يا لها من تجربه

العربيات اللي انا بسوقها في المعتاد هي الفيرنا و الكورولا ام فتيس ام ام تي و السيراتو

فهتكون العربيات دي هي المرجع بالنسبه لي في تجربه القياده دي

الفوليستر كانت اعلي فئه ام 165 الف جندي و كانت عامله 10 تلاف كيلو

للوهله الاولي تحس انك راكب بي ام او مرسيدس او جاجوار

بس مفيش عربيه من دول ب 165 الف فاكيد في فوله يعني

التابلوه شكله حلو جدا و خامته زي خامه تابلوه السيراتو ال sx مش اي فئه تانيه

بسم الله الرحمن الرحيم ندور

الموتور صوته عالي حبتين و نستنتج ان العزل الصوتي مش حلو زي السيراتو

بعد 5 دقايق تسخين buckle up و نتوكل علي الله

اقدر اقول في اللحظه دي ان التسارع قريب من الفيرنا

بالنسبه لي انا تسارع ممتاز

بنجري شويه في شارع مضلم و الفوانيس منوره الدنيا و زي الفل

تيجي تفرمل علي مطب العربيه بتقفش جامد في الارض

يمكن عشان مش حابب و لا متعود علي سواقه اي عربيه بدون فتيس مانيوال

انا مقدرش احكم علي الفرامل عشان مفتيش و لكن نفس مستوي فرامل الكورولا تقريبا

العربيه فيها نتشه كده ساعه النقلات مش عارف دي طبيعيه و لا لأ

عشان زي ما قلت متعود علي سواقه اي عربيه بدون فتيس مانيوال

فمقدرش احكم علي الفتيس و الكورولا مفيهاش النتشه دي علي العموم

الباور ناعم زي الفيرنا و انعم من الكورولا

برضه الثبات مش زي الكورولا و اعلي من الفيرنا قليلا

و كان اخري في السرعه 60 عشان احنا في وسط البلد و الشوارع ضيقه

يعني من الاخر الثبات مرضي الي حد كبير

الخلاصه :

لو ركيب الماني منصحكش بالعربيه دي نهائي و لا باي عربيه كوري

لو ركيب صيني و كوري بس هتبقي العربيه دي بالنسبه لك طياره

كلمه اخيره :

المفروض سعرها ينزل علي الاقل 30 الف جندي عشان تبقي مناسبه شويه

و ارجو ان يكون الموضوع مفيد و اي سؤال انا تحت النظر دائما

متابع

شكرا علي اول تقرير عن الفيلوستر

بس ياريت تقولنا أنطباعاتك عنها من النواحي التالية :
1- الرؤية الأمامية و الخلفية و من خلال المرايات الجانبية
2- الارتفاع عن الارض و هل حكت معاك في مطبات
3- احساسك باتساع الصالون من عدمه مع ذكر هل هو مريح أم لا
4- العفشة و مدي نعومتها أو العكس

اقتباس:

---

1- الرؤية الأمامية و الخلفية و من خلال المرايات الجانبية

---

الزوايا دي كلها مريحه و هتتعود عليها بسرعه بس الزجاج الخلفي حاسس انه صغير شويه

اقتباس:

---

2- الارتفاع عن الارض و هل حكت معاك في مطبات

---

لا مرتفعه و جدا كمان بالجنط ال 18 لانها اعلي فئه و محكتش في اي مطبات بس حاول تاخد المطب بالعرض احتياطيا

اقتباس:

---

3- احساسك باتساع الصالون من عدمه مع ذكر هل هو مريح أم لا

---

انا كنت قاعد مستريح و قعدت جنب صاحبها و كنت مستريح بس مجربتش اعد ورا ... غالبا هتطلع ضيقه من ورا

اقتباس:

---

4- العفشة و مدي نعومتها أو العكس

---

مش ناعمه زي الفيرنا و لا ناشفه زي السيراتو

شكرا علي الموضوع

معلش انا عندي استفسارين

اول واحد.. يعني ايه فوليستر ؟ وبتتكتب بالانجليزي ازاي دي ؟

تاني واحد.. ازاي جنط 18 ونفس عفشة السيراتو وتبقى انعم من السيراتو ؟

اولا الف شكر على نقل التجربة

ثانيا لى بعض الملاحظات اتمنى ان حضرتك تتقبلها بصدر رحب

اقتباس:

---

المشاركة الأصلية كتبت بواسطة Screenplays

و كان اخري في السرعه 60 عشان احنا في وسط البلد و الشوارع ضيقه

يعني من الاخر الثبات مرضي الي حد كبير

---

اظن سرعة 60 غير كافية خالص للحكم على ثبات عربية خصوصا ان احنا مفروض بنتكلم على فئة عربية الى حد ما رياضية يعنى استخدامها سواقة للمتعة اكتر منها وسيلة نقل زى العربيات السيدان العادية .. فالحكم على الثبات صعب اوى على سرعة زى ديه و لو فيها اى احساس بعدم الثبات على سرعة زى ديه يبقى العربية تعبانة بصراحة :grinder:

اقتباس:

---

المشاركة الأصلية كتبت بواسطة Screenplays

لا مرتفعه و جدا كمان بالجنط ال 18 لانها اعلي فئه و محكتش في اي مطبات بس حاول تاخد المطب بالعرض احتياطيا

---

كبر حجم الجنط بيوطى العربية على الارض مش بيعليها عشان بيبقى مُستخدم معاه كوتش البروفايل بتاعه قليل

اقتباس:

---

المشاركة الأصلية كتبت بواسطة mahmoud_afifi

معلش انا عندي استفسارين

اول واحد.. يعني ايه فوليستر ؟ وبتتكتب بالانجليزي ازاي دي ؟

---

فوليستر يعنى الضفدعة و بتتكتب كما تنطق VOLESTER :grinder:

اقتباس:

---

المشاركة الأصلية كتبت بواسطة mohab.nabil

فوليستر يعنى الضفدعة و بتتكتب كما تنطق volester :grinder:

---

ههههههههههههههههههههههههه ههههههههه
ماتسيب الراجل يجاوب طيب :d

ياريت الناس تقول ضفدعه انما فوليستر !!! عيب على الي يقول كده لو متعلم يعني انما لو جاهل براحته :d

veloster يا محمود الكتابه الصحيحة ليها
وبعدين انتا سايب التقرير وجاى ماسك فى دى
ههههههههههههههه

شكراً لصاحب الموضوع على التقرير

اقتباس:

---

المشاركة الأصلية كتبت بواسطة Kareem Fawzy

veloster يا محمود الكتابه الصحيحة ليها
وبعدين انتا سايب التقرير وجاى ماسك فى دى
ههههههههههههههه

شكراً لصاحب الموضوع على التقرير

---

كنت فاكرك اذكى من كده يا كيمو وهتفهم انا اقصد ايه من مشاركتي :grinder:

فوليستر ههههههههههههههههه

اقتباس:

---

المشاركة الأصلية كتبت بواسطة ahmedsamir5edr

فوليستر ههههههههههههههههه

---

الكلمه دي بتعصبننننننننيييييييييييي يييييييييييييييي :hitwall3:
هههههههههههههه

اقتباس:

---

المشاركة الأصلية كتبت بواسطة mahmoud_afifi

الكلمه دي بتعصبننننننننيييييييييييي يييييييييييييييي :hitwall3:
هههههههههههههه

---

ولا تزعل يا حوده فيوليستر علشان تبقى ال ى فى كل حته :D:D:D:D :grinder:

^_^

اقتباس:

---

المشاركة الأصلية كتبت بواسطة ahmedeihab

ولا تزعل يا حوده فيوليستر علشان تبقى ال ى فى كل حته :d:d:d:d :grinder:

^_^

---

تصدق حلو الاسم ده !!
ابقى خليهم يعملوا عربيه بالاسم ده في هوندا ههههههههههههه

اقتباس:

---

المشاركة الأصلية كتبت بواسطة amagroup

شكرا علي الموضوع

---

الله يخليك يا باشا

اقتباس:

---

المشاركة الأصلية كتبت بواسطة mahmoud_afifi

معلش انا عندي استفسارين

اول واحد.. يعني ايه فوليستر ؟ وبتتكتب بالانجليزي ازاي دي ؟

تاني واحد.. ازاي جنط 18 ونفس عفشة السيراتو وتبقى انعم من السيراتو ؟

---

معرفش يعني ايه فوليستر ... بتتكتب كده تقريبا volester

انا مذكرتش انها انعم او اخشن من السيراتو ... بس انا مشوفتش خشونيه السيراتو علي حد

اقتباس:

---

المشاركة الأصلية كتبت بواسطة Mohab.Nabil

اولا الف شكر على نقل التجربة

ثانيا لى بعض الملاحظات اتمنى ان حضرتك تتقبلها بصدر رحب




اظن سرعة 60 غير كافية خالص للحكم على ثبات عربية خصوصا ان احنا مفروض بنتكلم على فئة عربية الى حد ما رياضية يعنى استخدامها سواقة للمتعة اكتر منها وسيلة نقل زى العربيات السيدان العادية .. فالحكم على الثبات صعب اوى على سرعة زى ديه و لو فيها اى احساس بعدم الثبات على سرعة زى ديه يبقى العربية تعبانة بصراحة :grinder:

و الله دي اخر السرعات عندنا في بورسعيد


كبر حجم الجنط بيوطى العربية على الارض مش بيعليها عشان بيبقى مُستخدم معاه كوتش البروفايل بتاعه قليل

لا انا شايف انه معليها

فوليستر يعنى الضفدعة و بتتكتب كما تنطق VOLESTER :grinder:

---

عفوا لو كنت كتبتها غلط

اقتباس:

---

المشاركة الأصلية كتبت بواسطة ahmedsamir5edr

فوليستر ههههههههههههههههه

---

هو انا كاتب نكته مثلا ؟

هوة سؤال بريئ بس ازاي علي سرعة 60 والثبات مش زي الكورولا؟

هي الفوليستر دي الي بثلاث ابواب ولا دي عربية غيرها
وليه معناها ضفدعة بتنط يعني وهي ماشية
طب لو كان فيها باب رابع كانت هتبقى اسمها ايه قردة

معلش اصلي قلت أجاري الحوار الخفيف ده

بس طبعا باتقدم بالشكر لصاحب الموضوع وتعبه فيه
فعلا عربية ماعليهاش كلام كتير
معرفش ليه هو الهيونداي كده ياإما عربياته تنتشر انتشار مزهل يإما ماتلاقيهاش زي الآي 30 كمان خاصة الستيشن بتاعتها

إتمسوا بالخير

اقتباس:

---

المشاركة الأصلية كتبت بواسطة Screenplays

و الله دي اخر السرعات عندنا في بورسعيد
لا انا شايف انه معليها

---

يا باشا انا متكلمتش ديه اخر سرعة ولا لا بس فعلا 60 مش حكم على اى عربية .. سرعة عادية يعنى متقدرش تقيس فيها تسارع و لا ثبات و لا تماسك فى الملفات ولا اى حاجة

خلاص يا باشا .. طالما مقتنع ان الفيلوستر عالية هقول انا ايه :Oc_sun1[1]:

شكرا علي الموضوع

بالنسبة لأرتفاع الفيلوستر (ground clearance) مقارنة بموديلات أخري :

- الفيلوستر : 143 مم
- النترا ام دي : 140 مم
- أكسنت أر بي : 140 مم

http://image.motortrend.com/f/393772...dimensions.jpg

اقتباس:

---

المشاركة الأصلية كتبت بواسطة osama_ruan

هوة سؤال بريئ بس ازاي علي سرعة 60 والثبات مش زي الكورولا؟

---

ثبات الفوليستر علي 60 اقل من ثبات الكورولا علي 60 ... الفولستر بتتمرجح مش عارف ليه

اقتباس:

---

المشاركة الأصلية كتبت بواسطة mohab.nabil

يا باشا انا متكلمتش ديه اخر سرعة ولا لا بس فعلا 60 مش حكم على اى عربية .. سرعة عادية يعنى متقدرش تقيس فيها تسارع و لا ثبات و لا تماسك فى الملفات ولا اى حاجة

خلاص يا باشا .. طالما مقتنع ان الفيلوستر عالية هقول انا ايه :oc_sun1[1]:

---

و الله يا باشا ده اللي ربنا قدرني عليه و بعدين انا شايفها عاليه انت ممكن تكون شايفها واطيه ... اختلاف في وجهات النظر

اقتباس:

---

المشاركة الأصلية كتبت بواسطة m.elsheikh

شكرا علي الموضوع

---

الله يخليك يا باشا

اقتباس:

---

المشاركة الأصلية كتبت بواسطة se_coralsea

بالنسبة لأرتفاع الفيلوستر (ground clearance) مقارنة بموديلات أخري :

- الفيلوستر : 143 مم
- النترا ام دي : 140 مم
- أكسنت أر بي : 140 مم

http://image.motortrend.com/f/393772...dimensions.jpg

---

كله واحد تقريبا

اقتباس:

---

المشاركة الأصلية كتبت بواسطة ultramisho

هي الفوليستر دي الي بثلاث ابواب ولا دي عربية غيرها
وليه معناها ضفدعة بتنط يعني وهي ماشية
طب لو كان فيها باب رابع كانت هتبقى اسمها ايه قردة

معلش اصلي قلت أجاري الحوار الخفيف ده

بس طبعا باتقدم بالشكر لصاحب الموضوع وتعبه فيه
فعلا عربية ماعليهاش كلام كتير
معرفش ليه هو الهيونداي كده ياإما عربياته تنتشر انتشار مزهل يإما ماتلاقيهاش زي الآي 30 كمان خاصة الستيشن بتاعتها

إتمسوا بالخير

---

هههههههههههههههههههه هي فعلا شبه الضفدعه مش عارف ليه

اقتباس:

---

المشاركة الأصلية كتبت بواسطة screenplays

و الله يا باشا ده اللي ربنا قدرني عليه و بعدين انا شايفها عاليه انت ممكن تكون شايفها واطيه ... اختلاف في وجهات النظر

---

يا باشا انا مش قصدى حاجة و الله الف شكر على التقرير كفاية انك نقلت تجربتك لينا و طبيعى مش هتقدر تختبرها اختبار كامل .. انا كنت بعلق بس ان حرام ان احنا نحكم عليها على سرعة زى ديه لازم يبقى اختبار متكامل عشان نقدر نقول حكم كامل عليها .. و فعلا البشمهندس سمير وضح موضوع الارتفاع ده .. يمكن انا كنت بشوفها كده عشان شكلها الرياضى و الجنط الكبير فبحس انها قريبة من الارض .. عموما اسف لو كنت ضايقتك بكلامى