-
تجربتي في ساندن المعادي
نظرا لان رمضان جاي في عز الحر و المرور عندنا زي الفل ، قررت أركب تكييف للأونو و رحت لساندن المعادي سيبتلهم العربية و رجعت استلمها بعد عشر ساعات ...
التكييف راكب و تمام
أدور أبص الاقي صوت العربية عالي جدا رغم انت التكييف مش شغال لسة!!!
- ليه كدة يا جماعة؟ مش المفروض في جهاز قلتوا حنركبوة بيعلي العربي ساعة تشغيل التكييف بس؟
* أصلة مبيركبش على نوع الكربراتير دة
- طيب مقلتوليش لية قبل كدة؟ والعمل ..العربية حتفضل عالية أوي كدة ؟
* ممكن تركب الجهاز دة عن ميكانيكي
- انت مش قلت انة مبيركبش على الكربارتير دة
* ممكن الميكانيكي يركبهولك...:brn:
كلمت الميكانيكي بتاعي و قاللي بيركب ب 120 جنية . طبعا ُ قلتلة هاتة مفيش حل تاني
وبعدين ببص على العدادات لقيت نص الطابلوة بس منور
- يا شباب التابلوة في لمبة مش شغاله
*تلاقيها اتحرقت
-اتحرقت اية؟ لوحدها كدة؟ ان جايبها سليمة استلمها بنص نور التابلوة..
* أي كهربائي يغيرهالك . و بالمرة يركبلك الكلاكس علشان لما ركبنا السربنتينة ملقيناش مكان نركبة فيه :brn:
رجعت البيت دمي محروق بالعربية وجيت أقفل السنتر لوك بالريموت لقيت
- نور لمبات البيان بتاعة الطابلة بتور مع قفل الأبواب
- البابين الأمامي و الخلفي يمين السنترلوك بتاعهم عطل
كدة اتأكدت الكهربائي اللي وصل استهبل و مشفش شغلة بما يرضي الله
والعربية دلوقت
- بدون كلاكس
-طبلوة نصة مش شغال
- موتور مش مظبوط لعدم وجود جهاز ظبط الكربراتير مع التكييف
-نص السنترلوك لا يعمل
جوز أختي كان معايا و جاي يشوف اذا كان ممكن يعمل عربيتة . طبعا صرف نظر تمامااااا من اللي شافة
نصيحة
...ابعدوا عن المكان دة في تركيب التكييفات
و الافضل متركبش و تبيع عربيتك و اشتري غيرها مُكيف
-
عن تجربة في محاولة اصلاح تكيف في عربية شاهين كان متركبلها بره ساندن
رحنا علشان نصلح عطل صباح الفتي الوتكاليف الخزعبلية وفي الاخر بلانتيجة بعد كل التجارب
وفي الاخر قالو جربوا تغيروا كباس
-
شاكر لحضرتك نقل التجربه وان شاء الله الاصلاحات المطلوبة تكون خلصت علي خير
انا كنت هطخ مشوار من الشرقية ليهم علشان اركب حضرتك كسبت فيا ثواب
-
متأخرة المعلومات
الحمد لله
دنا بقى لقيت الاشارة اليمين مش شغالة خلتهم يشغلوها
ولاقيت تنقيط مية جوة الكبينة من التكييف اللى مش هيشتغل
وصوت العربية عالى
ومش عازلين الكبينة حاسس انى واخد الموتور على حجرى
ده كووم والتبلووه كوم بقى زرار الانتظار حطوه فىاقصى اليمين
وجابو طبة من ضمن الزراير الفاضية حطوها مكانو
والتابلو متكسر منو حتت ويقولولى عشان الشمس
والدركسيون عوجينو مش متسنتر كده وعلامة العربية مظبوطة
والمروحة اللى ركبوها عالرادياتير مش مطبعة كده معاه ال معووجة
سألت المهندس سمير قالى دا هى المفروض تبقى كده
-
بعت لينك الصفحه دي فى الجروب بتاع توكيل ساندن اللى ع الفيس بوك
-
هذا رد المركز علي
اتمنى ان يكتب الكلام بمايرضى الله حتى الاخر كل شىء بيعوز مرجعه دة طبيعى هل وجدت اهتمام ام لا وشكرااا المهم الرزاق موجود والحمد الله علشان كدة ربنا جعل الرزق بيدة الكريمة ممكن اقول لنفسى ولحضرتك اتق الله
وقمت بالرد عليه لدعوته للدخول والاشتراك معنا وتوضيح الصورة
بادئ ذي بدء كل عام وحضرتك بخير و ربنا يتقبل منا ومنكم صالح الاعمال
انا لم اتعامل حتي الان مع مركزكم وكنت كلمت حضرتك سابقاً " منذ اسبوعين " بخصوص تكييف لفيات 131 و حضرتك وضحت لي التكاليف والنوع المفترض تركيبه
و بالبحث وجدت تجارب لاشخاص زملاء لي فى منتدي السيارات المصري نايل موتورز "منتدي سيارات مصري خدمي تعليمي نشاطه الاساسي تفاعل الاعضاء ونقل تجاربهم في شتى جوانب السيارات " و قاموا بطرح تجربتهم مع مركزكم و للوصول الي الصورة كامله قمت بمراسلتكم للدخول في الموضوع وتوضيح موقفكم و بيان كامل الصورة لانكم كمشروع خدمي اساسه الربح فأظن ان توجه اغلب اهتمامكم للسمعه المتناقله بين زبائن المركز لان كل زبون تقدم له الخدمه بشكل مرضي يكون بوق دعائي للمركز
وطبعاً اول واخر الارزاق بيد الله تعالي
وجزاك الله خيرا لان حضرتك ذكرتني ونفسك ب إتقاء الله
المنتدي مفتوح لكل الاعضاء لكتابة تجاربهم و أرائهم ولا حكر علي رأي و هو بالتالي امر يسير عليك الدخول لتوضيح الموقف هذا إذا كنت تريد المشاركة و توضيح الصورة
والسلام عليكم ورحمه الله وبركاته
و عن نفسي "كباحث عن خدمه تركيب تكييف " ارحب بتفاعل المركز و فى انتظار مشاركته معنا للوصول الي توضيح للصورة المنقوله عنه
-
لا حول ولاق وقوة إلا بالله
ده ايه العك ده !!!!
-
عربيه حضرتك اونو بيضاء انا شفتهم وهما شغاليين فيها بليل بعد 12
من اسبوع او اكتر
بس في ناس اتعاملت معاهم ومبسوطه موضوع نسبي صدقني
-
الحمد لله يا جماعة
انا عملت زيارة امبارح للمركز عشان اظبط التكييف
وبجد المهندس سمير متعاون جدا ومحترم جدا
ومحتجتش اغير طرمبة البنزين هو بس تنضيف بوابة الانجكشن فى 3
دقايق , نضفو البوابة والعربية بقت تمام الحمد لله
والتكييف جوة بقى باارد جدا و العزل الداخلى اتظبط
وموضوع التابلوه فعلا من الشمس لانى جربتو بنفسى
كده ابتدى ارووق للشغل بقىى
الحمد لله
-
طيب تمام ان المشكلة اتحلت
ألف مبروك التكييف
-
-
احقاقا للحق..
أنا رجعت للتوكيل مرتين دلوقتي
صلحولي السنترلوك اللي فصل عن نص العربية
وكمان كان في مشكلة في تبريد التكييف ففحصوة و لقوا ن الفريون نقص فشحنوة تاني
كنت اتمني احس من الأول بروح التعاون دي..كانت فرقت معايا كتير من الأول..يص واضح انهم مكنوش يقصدوا المعاملة دي
رجاء للأدمن أرجو حذف هذا الموضع حتى لا أكون قد ظلمت أحد..فأنا لا أرضي أن اتسبب في دعاية سيئة لأحد
ان لم يكن ممكن حذفة أرجوا تعديل العنوان الي (تجربتي في ساندن المعادي) فقط
-
شركه او محل زى ده وكان فى اى دوله غير مصر ولا بلاش كان فى دوله خليجى اكيد كانوا شنقوه وبعدين رحلوه ..
-
على فكرة ساندن المعادى سمعتة مش كويسة، هوة بيحاول يجر رجلك ويفتح معاك شغل، بمعنى يقول حانعمل كذا و كذا و النتيجة حتبقى 100 100 و بعد التركيب تطلع المبررات الفاشلة
-
راسلت ساندن عن طريق موقعها وارسلوا لي عنوان وكيلها ومركزها بمصر
وهو الشركة المتحده الدولية للتجارة راضي علام
وبالبحث عن راضي علام وجدت مشاركه من احد الاعضاء يحذر من التعامل معه
http://www.nilemotors.net/Nile/93507-a-4.html
علي كده مش فاضل الا اننا نروح ل ديافيا ودول ادوني سعر اعلي من كل الناس وفتره التركيب قالوا لي 3 ايام
-
شكرا على التحزير من المركز ده .
-
هذا الرد تأكيد على ماورد واليكم تجربتى معهم
-أولا الناس دى بتتهرب من الضرايب أنا دافع للمهندس سمير 2325 جنيه بدون أى ورق(لا فاتوره ولا ضمان)مع العلم ان دى فلوس كباس ومروحه و سربنتينه كله جديد مع المصنعيه.
-الكباس ساندن مزور(عليه ستيكر وبس).
-السير ركبوه غلط(مسار غلط)وبيحك فى كوعه وبيعمل صوت عالى.والرد دى شغلانه ميكانيكى.
-اللأ كصدام مفارق من الامام والجنب والرد هو كده لازم.
-التبريد ضعيف جدا الحل يرموا مياه على السربنتينه.
-تانى يوم الكباس مش شغال رحتلهم لقوا الفريون كله اتسرب (قرصوا على اويل سيل قطعوه وهما بيركبوالخرطوم.
-السياره فابيا 2003 فضى اسكندريه.
-النصيحه الناس دى تشحن عندها وبس.
-اياك تفك عندهم تابلوه.اللى جوه الكبوت سهل يتصلح.ماحدش حمل ميه تسقط جوه التابلوه.
-
أنا عندي تجربة مش كويسة هناك، بس مستني أروحلهم، ولو مش هيضبطوها، هاعمل موضوع احكي فيه التفاصيل
-
يا نهار ابيض انا اخر مره كنت عندهم كنت باشتري حاجات للتكييف بتاع العربيه من عندهم كانو مطلعيين تابلوه بي ام 2010او ممكن 2011 كمان يا تري حصلها ايه
-
كان ليه تجربة معاهم من 5 سنين و الله بعدها قلت توبة لو مشيت من جنبهم تانى و نصحت كل الناس ان مفيش حد يروح للناس دى تانى بجد لا بيراعو ربنا و لا ضمير خالص .
و افصل حد فى المعادى واحد اسمة محمد حسن و دة فى شارع احمد زكى جنب صلاح بتاع المرسيدس و دول باسم الله و ماشاء الله بيراعو ربنا اوى.
و عن تجربة معاهم انا بنصح بيهم اى حد.
-
لاحول الله ...........................
Content Relevant URLs by
vBSEO 3.6.0 PL2