تجربتي في ساندن المعادي

**sharawy2010** · 14-07-2012 05:15 AM

نظرا لان رمضان جاي في عز الحر و المرور عندنا زي الفل ، قررت أركب تكييف للأونو و رحت لساندن المعادي سيبتلهم العربية و رجعت استلمها بعد عشر ساعات ...
التكييف راكب و تمام
أدور أبص الاقي صوت العربية عالي جدا رغم انت التكييف مش شغال لسة!!!
- ليه كدة يا جماعة؟ مش المفروض في جهاز قلتوا حنركبوة بيعلي العربي ساعة تشغيل التكييف بس؟
* أصلة مبيركبش على نوع الكربراتير دة
- طيب مقلتوليش لية قبل كدة؟ والعمل ..العربية حتفضل عالية أوي كدة ؟
* ممكن تركب الجهاز دة عن ميكانيكي
- انت مش قلت انة مبيركبش على الكربارتير دة
* ممكن الميكانيكي يركبهولك...
كلمت الميكانيكي بتاعي و قاللي بيركب ب 120 جنية . طبعا ُ قلتلة هاتة مفيش حل تاني
وبعدين ببص على العدادات لقيت نص الطابلوة بس منور
- يا شباب التابلوة في لمبة مش شغاله
*تلاقيها اتحرقت
-اتحرقت اية؟ لوحدها كدة؟ ان جايبها سليمة استلمها بنص نور التابلوة..
* أي كهربائي يغيرهالك . و بالمرة يركبلك الكلاكس علشان لما ركبنا السربنتينة ملقيناش مكان نركبة فيه
رجعت البيت دمي محروق بالعربية وجيت أقفل السنتر لوك بالريموت لقيت
- نور لمبات البيان بتاعة الطابلة بتور مع قفل الأبواب
- البابين الأمامي و الخلفي يمين السنترلوك بتاعهم عطل
كدة اتأكدت الكهربائي اللي وصل استهبل و مشفش شغلة بما يرضي الله
والعربية دلوقت
- بدون كلاكس
-طبلوة نصة مش شغال
- موتور مش مظبوط لعدم وجود جهاز ظبط الكربراتير مع التكييف
-نص السنترلوك لا يعمل

جوز أختي كان معايا و جاي يشوف اذا كان ممكن يعمل عربيتة . طبعا صرف نظر تمامااااا من اللي شافة

نصيحة
...ابعدوا عن المكان دة في تركيب التكييفات
و الافضل متركبش و تبيع عربيتك و اشتري غيرها مُكيف

**أبو صلاح** · 14-07-2012 05:43 AM

عن تجربة في محاولة اصلاح تكيف في عربية شاهين كان متركبلها بره ساندن
رحنا علشان نصلح عطل صباح الفتي الوتكاليف الخزعبلية وفي الاخر بلانتيجة بعد كل التجارب
وفي الاخر قالو جربوا تغيروا كباس

**michohat** · 18-07-2012 05:49 PM

شاكر لحضرتك نقل التجربه وان شاء الله الاصلاحات المطلوبة تكون خلصت علي خير
انا كنت هطخ مشوار من الشرقية ليهم علشان اركب حضرتك كسبت فيا ثواب

**macgiver30** · 18-07-2012 06:42 PM

متأخرة المعلومات
الحمد لله
دنا بقى لقيت الاشارة اليمين مش شغالة خلتهم يشغلوها
ولاقيت تنقيط مية جوة الكبينة من التكييف اللى مش هيشتغل
وصوت العربية عالى
ومش عازلين الكبينة حاسس انى واخد الموتور على حجرى
ده كووم والتبلووه كوم بقى زرار الانتظار حطوه فىاقصى اليمين
وجابو طبة من ضمن الزراير الفاضية حطوها مكانو
والتابلو متكسر منو حتت ويقولولى عشان الشمس
والدركسيون عوجينو مش متسنتر كده وعلامة العربية مظبوطة
والمروحة اللى ركبوها عالرادياتير مش مطبعة كده معاه ال معووجة
سألت المهندس سمير قالى دا هى المفروض تبقى كده

**michohat** · 18-07-2012 07:10 PM

بعت لينك الصفحه دي فى الجروب بتاع توكيل ساندن اللى ع الفيس بوك

**michohat** · 20-07-2012 04:03 PM

هذا رد المركز علي

اتمنى ان يكتب الكلام بمايرضى الله حتى الاخر كل شىء بيعوز مرجعه دة طبيعى هل وجدت اهتمام ام لا وشكرااا المهم الرزاق موجود والحمد الله علشان كدة ربنا جعل الرزق بيدة الكريمة ممكن اقول لنفسى ولحضرتك اتق الله

وقمت بالرد عليه لدعوته للدخول والاشتراك معنا وتوضيح الصورة

بادئ ذي بدء كل عام وحضرتك بخير و ربنا يتقبل منا ومنكم صالح الاعمال
انا لم اتعامل حتي الان مع مركزكم وكنت كلمت حضرتك سابقاً " منذ اسبوعين " بخصوص تكييف لفيات 131 و حضرتك وضحت لي التكاليف والنوع المفترض تركيبه
و بالبحث وجدت تجارب لاشخاص زملاء لي فى منتدي السيارات المصري نايل موتورز "منتدي سيارات مصري خدمي تعليمي نشاطه الاساسي تفاعل الاعضاء ونقل تجاربهم في شتى جوانب السيارات " و قاموا بطرح تجربتهم مع مركزكم و للوصول الي الصورة كامله قمت بمراسلتكم للدخول في الموضوع وتوضيح موقفكم و بيان كامل الصورة لانكم كمشروع خدمي اساسه الربح فأظن ان توجه اغلب اهتمامكم للسمعه المتناقله بين زبائن المركز لان كل زبون تقدم له الخدمه بشكل مرضي يكون بوق دعائي للمركز
وطبعاً اول واخر الارزاق بيد الله تعالي
وجزاك الله خيرا لان حضرتك ذكرتني ونفسك ب إتقاء الله

المنتدي مفتوح لكل الاعضاء لكتابة تجاربهم و أرائهم ولا حكر علي رأي و هو بالتالي امر يسير عليك الدخول لتوضيح الموقف هذا إذا كنت تريد المشاركة و توضيح الصورة
والسلام عليكم ورحمه الله وبركاته

و عن نفسي "كباحث عن خدمه تركيب تكييف " ارحب بتفاعل المركز و فى انتظار مشاركته معنا للوصول الي توضيح للصورة المنقوله عنه

**Elawany13** · 20-07-2012 05:28 PM

لا حول ولاق وقوة إلا بالله

ده ايه العك ده !!!!

**macgiver30** · 22-07-2012 12:52 PM

الحمد لله يا جماعة
انا عملت زيارة امبارح للمركز عشان اظبط التكييف
وبجد المهندس سمير متعاون جدا ومحترم جدا
ومحتجتش اغير طرمبة البنزين هو بس تنضيف بوابة الانجكشن فى 3
دقايق , نضفو البوابة والعربية بقت تمام الحمد لله
والتكييف جوة بقى باارد جدا و العزل الداخلى اتظبط
وموضوع التابلوه فعلا من الشمس لانى جربتو بنفسى
كده ابتدى ارووق للشغل بقىى
الحمد لله

**Elawany13** · 23-07-2012 07:37 PM

طيب تمام ان المشكلة اتحلت
ألف مبروك التكييف

الموضوع: تجربتي في ساندن المعادي

LinkBack

أدوات الموضوع

عرض

-

-

المواضيع المتشابهه

تجربتي الرائعة مع السبع زهراء المعادي

ساندن و لا ديافيا ؟

تجربتي لتغيير زيت الموتور و الفتيس من كاسترول المعادي

كمبروسور ساندن

عنوان ساندن المعادى

الكلمات الدلالية لهذا الموضوع

المفضلات

المفضلات

ضوابط المشاركة