عايز اعرف كام وصله vacum من mainfold الى booster vacum وهل الوصلات كاوتش ولا حديد وعددها وهل بتبقى واضحه ولا صعبه وهل يوجد سكس بلف لمنع الرجوع اطلب من اخى SYD بعد اذنه توضيح هذا الامر
عرض للطباعة
عايز اعرف كام وصله vacum من mainfold الى booster vacum وهل الوصلات كاوتش ولا حديد وعددها وهل بتبقى واضحه ولا صعبه وهل يوجد سكس بلف لمنع الرجوع اطلب من اخى SYD بعد اذنه توضيح هذا الامر
والله يا باشا انا اعتقد ان كل الوصلات بتاعة المانافولد كاوتش
انت تقصد وصلة الفاكيوم بتاعة الفرامل ؟؟ صح ؟؟
دي بتبقي خارجة من السيرفو ورايحة للمنافولد
مش عارف بيبقي فيها تشيك بالف لمنع الرجوع ولا لاء بس اعتقد مافيهاش بدليل ان العربية وهي مبطلة الفرامل بتحجر والبدال بيعلا
وعلي العموم شوف شوية الصور دوول (صور لعربيتي الأبيزا 99)
http://desmond.imageshack.us/Himg3/s...pg&res=landing
وصلة الفاكيوم هي الوصلة الي علي شمال خزنة الزيت
http://desmond.imageshack.us/Himg651...pg&res=landing
هي في فنهاية الوصلة حاجة مكلكعة عاملة زي الفلتر بس مش عارف الصراحة دي ايه
هحاول ابحثلك شوية في الموضوع واعرفلك قراره ان شاء الله
والله المستعان
،
،
هتلاقي في الصور اللي حطها ابو السيد دي وصله وحيدة خارجه من المانيفول داخله في السيرفو هي دي المسئوله عن تغشيل سيرفو الفرامل من الفاكيوم اللي في المانيفول
غير كده بقيت الوصلات اللي خارجه من المانيفول او البوابة هي :-
1- وصله رايحه لمبخر البنزين و دي خارجه من جسم البوابة نفسه لفوق في خرطوم تخين
2- وصله رايحه الي مسطرة الرشاشات و دي خرطوم رفيع عن الاتنين السابقين
3- كان في موديل 98 فيه وصلة صغيره للفاكيوم رايحه علي بلف حراري راكب في جسم العمه اللي فيها فلتر الهواء من تحت و منه علي بوابة دخول الهواء للعمه و ده كان مسئول عن تغيير اتجاه و نسبة فتح البوابة لتعمل علي خلط الهواء السخن في حالة برودة المحرك او فتح الهواء البارد لما يسخن المحرك (لأنك لو بصيت لدخل لعمة هتلاقي مدخل عادي و أخر بماسورة من الجنب و هتلاقي بيركبلها خرطوم حراري بينها و بين الصاجة اللي راكبه فوق فرن الشكمان عشان تمد المحرك بالهواس الساخن صباحا لتساعده عل سرعة التسخين و الوصول لدرجة الحرارة المناسبة )
معتقدش انك هتلاقي وصلات فاكيوم غير دول لأن ممكن الموضوع يختلف من محرك لأخر و انت عندك 1600 فممكن تجد شيء مختلف و لكن مش هيخرج عن اللي قلته ده ان شاء الله
بجد تستحقوا رفع القبعه وشكر خاص للمهندس syd والمهندس ايهاب منصور وعلى فكره انا مهندس بس فى الكيمياء بس سؤال تانى معلش المانيفولد تحت البوابه وايه وظيفتها
أهلا بأهل الكيمياء و التعقيد و ربنا يعينك علي ما ابتلاك بيه هههههههههههههههه بهزر طبعا انا كنت بحب الكيمياء ايام ثانوي
المهم المانيفول هو الجزء اللي بيبدأ من تحت البوابة و ينتهي عند فتحات دخول الهواء الي الأربع بساتم و طبعا الفتحات دي اللي بيتحكم في فتحها و غلقها هو البلوف او الكامات و التي تسمح بمرور الهواء للبستم من عدمه
وظيفته في المحركات ذات الحقن المباشر هو توزيع نسب الهواء علي البساتم و وظيفته في المحركات الكاربيراتير هو توزيع خليط الهواء و البنزين علي الأربع بساتم
و طبعا نتيجة الحرق و كبس البساتم و خنق البوابة و تحكمها في نسبة الهواء الداخل للمانيفول بيتولد فيه vacuum وده عباره عن هواء مشفوط (يعني الممانيفول بيكون فيها ضغط هواء بالسالب يعني اقل من الضغط الجوي ) بيستخدم الفاكيوم ده في أغراض كثيرة في المحرك أهمها بالنسبة لنا هو الفرامل
ده توضيح بسيط حسب فهمي الضئيل حول هذا الموضوع
والله الموفق
الف شكر لحضراتكم المهندس SYD والمهندس ايهاب وهل سعر البوستر فاكيم والماستر سيلندر لعربيتى 1600 سى سى MPI غالى ولا معقول وهل فيه مركات فى السوق احب اعرفها وبالنسبه للبوابه بتبقى بكل مشتمالاتها الكهربائيه ولا بوابه الحديد بس وانا بجيب tps واسعارها وشكرا