بولو 2009 سيدان

**h_hamayel** · 14-07-2012 01:20 PM

يا جماعه انا معروض عليا بولو 2009 سيدان
العربيه حالتها تحفه فابريكا بره و جوه عدادها 70000 كم , صاحبها طالب فيها 68000

بس انا بصراحه قلقان منها و خايف و كامن مستغليها
ياريت لو تفيدونى يا جماعه :
هل السعر ده غالى و لا مناسب؟
اسعار قطع غيارها عاملها ايه و متوفره ولا لا؟؟
اسعار الصيانه بتاعتها بره و جوه التوكيل نظامها ايه؟؟
العربيه ديه بياعه و لا تقيله فى البيع؟؟

اسف على الاطاله و ياريت لو حد يرد عليا بسرعه يا جماعه
اشكركم جدا

**Sindibad** · 14-07-2012 03:36 PM

شوف ياسيدى

من ناحية البيع هى مش بياعه
من ناحية اللأنتشار مش منتشره وقطع غيارها وبالذات الأكسسوار زى فانوس مرايا مش منتشره كتير لكن ممكن تلاقيها وغاليه
من ناحية السياره نفسها هى تصنيع البرازيل مش المانيا يعنى لا تتوقع انها زى الهاتشباك فى الجوده
السياره مانوال مش كده؟

السعر ده معقول الى حد كبير ولو ان السيارات دى لازم ينكشف عليها كويس

**h_hamayel** · 14-07-2012 03:51 PM

شكرا على اهتمامك والرد وهيا العربية فعلا مانيوال وعلى فكرة أنا معايا بولو 2001 وجربت العربية دى وعجبتنى أوى قولت هيا زى عربيتى بس ليها شانطة وتكييفها حلو وعربية جديدة بس مكنتش أعرف انها برازيلى ولا ظروف قطع غيارها وعلى فكرة ممكن أجيبها ب 65000