شارك ولا بومة ؟

**Mido Khaled** · 14-07-2012 06:15 PM

انا ان شاء اللة هنزل اجيب ميتسوبيشي عاوز أعرف رأيكم ومميزاات وعيوب كل وحدة وشكرااا

**Daash** · 15-07-2012 08:09 AM

بص انا هقولك على حاجه وامري لله بصراحه لاتجيب دى ولا دي وانا عارف ان احباب السيارة هيهاجموني

انا معايا لانسر شارك جميلة جداً وعربية محترمة واعتمادية والبوما جربتها برضه وكنت بسافر بيها محترمة وجميلة بس الشارك افضل من حيث الشكل والفخامة والاتساع والقوة ايضاً والارتفاع عن الارض دى احلى حاجه بحبها فيها .

بس نيجى للنقطة الاهم وهى قطع الغيار وسعر اعادة البيع الشارك سعرها فى الارض البوما افضل منها فى سعر اعادة البيع بس قطع الغيار دى حاجه هتزهقك بجد ياتلاقيها بصعوبة وسعرها غالى يا متلقيهاش وتلاقيها فى التوكيل وسعرها مولع نار

انا بصراحه لو الزمن رجع بيا كنت فكرت واشتريت سيارة كوري تكون محترمة من شركة هيونداي او كيا لأنى جربت العربيات دى بصراحه حاسس انها جميلة فى كل حاجه التقفيل بتاع الهيونداي والكيا انضف كتير من الميتسوبيشي .. قوة الموتور ونعومة صوت الموتور لصالح الكوري زى السيراتو او الالنترا اقوى من موتور الشارك والصوت المزعج ... الكماليات اللى فى الكوري اكتر بكتير من اللى فى ميتسوبيشي ودى طبعاً بتديك احساس بالرفاهية عالى جداً ... قطع غيار الكوري ودى احلى حاجه فيه انها موجوده بشراسة فى السوق والاجمل انك تلاقيها صناعه كوري او تايواني او صيني اما قطع غيار ميتسوبيشي اعوذ بالله ده بالنسبة للشارك تتخنق لحد ما تلاقيها وكمان سعرها فى العالي والاغلب بيبقى صناعة صيني وقليل تايواني .

اللى خنقنى اكتر من ميتسوبيشي انها شركة ابتدى سوقها فى مصر يفشل عشان لا فى اعلانات ولا دعاية ولا حتى سعر مغري ... بصراحه نفسي قفلت منها وفى اقرب وقت هبيعها واكمل عليها واجيب حاجه كوري

**Mido Khaled** · 15-07-2012 09:02 AM

انا زهقت من موضوع السيارات دااا واللة انا عمال أضور علي عربية محترمة بس الالنترا النيو معلش ورق مش عجباني هيااا أمكانيات وكل حاجة بس متنفعش يعني لو اتحسبت السيفك احسن وأقرب في السعر شوية انا دلوأتي بقارن مابين الاوبترااا و الميتـسوبيـشى

**kholio** · 15-07-2012 10:45 AM

المشاركة الأصلية كتبت بواسطة mido khaled

انا ان شاء الله هنزل اجيب ميتسوبيشي عاوز أعرف رأيكم ومميزاات وعيوب كل وحدة وشكرااا

اهلا وسهلا بحضرتك في المنتدي

طبعا الشارك احسن من البومة في كل حاجة وبفرق
بالنسبة لقطع غيار الشارك بقت موجودة في كل حتة ومنها الجديد اصلي وجديد تايواني وكمان استيراد وقطع غيارها بقت موجودة في كل حته ده حتى الزقازيق فيها قطع غيارها جديدة واستيراد

وطبعا الشارك بقا انتشارها كويس جدا وبالتالي سعر اعادة بيعها كل يوم بيتحسن وكل شوية قيمة العربية في سوق المستعمل بتزيد لان سمعتها في الجودة والشياكة وانعدام الاعطال سابقاها

رأيي الشخصي حضرتك تشتري شارك بدون تردد وكمان مينفعش تتقارن بالالنترا علشان الالنترا والكوري عموما اقل منها في كل حاجة ولو جربت اللانسر شارك والالنترا هتفهم كلامي

وفي الاخر ربنا يوفق حضرتك وتركب العربية اللي تريحك وتعجبك

**mdogs1979** · 15-07-2012 08:13 PM

المشاركة الأصلية كتبت بواسطة mido khaled

انا زهقت من موضوع السيارات دااا والله انا عمال أضور علي عربية محترمة بس الالنترا النيو معلش ورق مش عجباني هيااا أمكانيات وكل حاجة بس متنفعش يعني لو اتحسبت السيفك احسن وأقرب في السعر شوية انا دلوأتي بقارن مابين الاوبترااا و الميتـسوبيـشى

ارجوك ما تعملش غلطتى اوعى تجيب اوبترا هتندم اشد الندم اوحش عربيه كورى على الاطلاق
لو كورى يبقى كيا ثم هيونداى

كان معايا اوبترا اوتوماتيك و دلوقتى شارك اوتومتيك مينفعش يبقى فى مقارنه بين الاتنين اصلا الانسر افضل بمراحل يكفى انها يابانى

ابعد عن الاوبترا