يا نهار ابيض الف جنيه تقريبا مصنعية صيانه صغرى بالاضافه لمصنعية تيل ده البي ام على كده ارخص
هما الجماعه هناك شغالين بنظام نجيب الريحاني شىء لزوم الشىء
فك مسمار اول كذا فك طاسه كذا وهكذا
يللا فداك المهم تكون مبسوط
عرض للطباعة
يا نهار ابيض الف جنيه تقريبا مصنعية صيانه صغرى بالاضافه لمصنعية تيل ده البي ام على كده ارخص
هما الجماعه هناك شغالين بنظام نجيب الريحاني شىء لزوم الشىء
فك مسمار اول كذا فك طاسه كذا وهكذا
يللا فداك المهم تكون مبسوط
فلتر تكييف ب 300 ؟ !!! ... لولا إننا فى مكان عام كنت عملت حاجات مش لطيفة ...
كتييير أوى ... فلتر الميجان ب 130 جنيه و من عندهم ... !!!
المشكلة عندى فى المصنعيات
لو الشغل اللى اتعمل كان صعب........كان الموضوع هيبقى عادى
لكن اللى يغيظ انه تغيير زيت وفلترين
انا ان شاء الله بعد الضمان.......ممكن أبقى أعملها برة....يا عند فرنش موتورز.....يا إما حبايبى القدام بتوع الميجان
ولو فى أى حاجة صعبة....ممكن الواحد يبقى يروح التوكيل
لكن فى الصيانات.....نخليها برة
بس بعد الضمان
على فكرة.......التوكيل لسة متصل بى من ربع ساعة....وقالولى الطارة موجودة....وهروح أغيرها بكرة ان شاء الله فى فرع العبور
مش بقولكم.....الواحد لازم يستحمل فى سبيل الضمان
بالمناسبه كنت عامل الصيانه بتاعة الباسات 20000 كم اللي هي اغلى من ال 30000 كم و غيروا التيل الخلفي 700 جنيه بالمصنعيه و كله كان 1250 بالزيت و الفلتر و الضريبه
علي فكرة الصيانة في فرنش ارخص بكتير انا سئلت علي صيانة ال30000 قالولي ب 1100 بس مش فاكر بالتيل و له من غير و كمان سئلتهم هل الصيانة بتظهر في السيستم في التوكيل و له لا قالولي بتظهر في التوكيل علشان موضوع الضمان
فهل الكلام ده صحيح و له لا؟
و كمان ممكن تشتري قطع الغيار من بره و تركبها عندهم و برده لسه العربية بتبقي في الضمان
أصل وانا موجود فى توكيل العبور.....كان فيه يافطة مكتوب فيها ان لازم الصيانة تكون فى الفروع الرئيسية لرينو
زى المقطم والعبور .......ومش جايبين سيرة الميكانيكيون العرب ولا فرنش موتورز
فا دى محتاجة التأكد من خدمة العملاء فى رينو.......
بس 1100 جنيه شاملة ايه؟؟؟؟
لو هنفترض ان الزيت ب 325 + فلتر زيت ب 45 + فلتر بنزين ب 85+ والتيل ب 400 جنيه
يبقى المجموع 855
مش عارف هم بيحطوا ضريبة ولا لأ.....يبقى كدة 200 جنيه مصنعية
يبقى أرحم كتير طبعا من التوكيل
لأن المصنعية بس فى تغيير فلتر التكييف ب 75....والتيل 75.....ومصنعية الصيانة 400.....يبقى المحجموع 550 .....وحط عليهم 10% ضريبة....يعنى حوالى 600 جنيه
فا كتير جدا .....فا الموضوع فعلا محتاج الواحد يتأكد منه
هل العربية بتفضل فى الضمان عادى لو الصيانات اتعملت فى فرنش موتورز ولا لأ؟؟؟؟
المفروض إنها تفضل فى الضمان طالما إنه فرع معتمد
انا سالت في فرنش قالولي بتفضل في الضمان و كمان بيظهر في سيستم التوكيل و علي فكرة اي حاجة بتتغير في الضمان ممكن تتغير عندهم كمان