مساء الفل يا وحوش.....

معلش انا هتقل عليكو شوية

انا كنت بتفرج على عربية النهاردة سيفيك 2009 ماشية 20 ألف....بس العربية من جوا شكلها متهان جدا يعنى الجلد بتاع كرسى السواق منحول من الجناب و القاعدة مشققة و زراير التابلوه ممسوحة و القاعدة البلاستيك اللى حولين الفتيس متخربشة و كمان فرملة اليد متخربشة

شكلها ماشية اكتر من 20 ألف بصراحة....ممكن يكون لعب فى العداد او كان فاصله لفترة و شغله و لا ده ممكن يكون من الاستعمال السئ....مع العلم ان العربية اتعملها تقرير فى التوكيل و كان مكتوب فيه نفس قراية العداد


تانى سؤال بقى...هو التوكيل بيغير تيل الفرامل و الطنابير و الكاوتش بعد 3 سنين من تركيبهم حتى لو كانت العربية مشيت حاجة بسيطة؟

أرجو المساعدة عشان ميتضحكش عليا