افتتاح اول فرع من سلسلة سوبر ماركت خيرت الشاطر

**mahmoudysf** · 15-07-2012 05:11 AM

المشاركة الأصلية كتبت بواسطة screenplays

مش هشتري منه اكيد حتي لو هموت من الجوع

ربنا يهدي قادر على كل شيئ

**تامر.محمد** · 15-07-2012 05:33 AM

معلش
حد من الاخوة اللي مش عاجبهم يقول لي

حد يقول لي مترو بتاع مين
خير زمان بتاع مين
المحمل بتاع مين
هايبر بتاع مين
مول العرب بتاع مين
كارفور بتاع مين

اللي يعرف بجد يقول لي

**M.Hosni** · 15-07-2012 10:04 AM

كارفور بتاع ماجد الفطيم - اماراتي الجنسية

**حماده عزو** · 15-07-2012 10:12 AM

التجاره لا دين لها أنا طالما هشترى من محل صاحبو مصرى والعماله الى بتشتغل فيه والناس الى بتخدم عليه مصريين زىى زيهم وفوق دا كلو بيوفرلى هقاطعو ليه وايه الفرق أنو يكون بتاع واحد أخوانى ولا سلفى ولا قبطى ولا أى حاجه مهو فى الأخر مصرى

**أبو_يوسف** · 15-07-2012 10:30 AM

المشاركة الأصلية كتبت بواسطة blackfox14

طيب هو حضرتك ازاى عرفت هو صراحه انا مش شايف حاجه فى الموضوع مكتوب فيه اسم الاخوان او اى حاجه
ده غير ان فى فروع كتيييير اوى تحت مكتوبه هل كلهم هيتفتحوا مره واحده ولا دى عناوين ايه بظبط ؟؟

لو ركزت في الاعلان هاتلاقي فيه زخرفة اسلامية في الخلفية

البورصة — «الشاطر» يطلق سلسلة «زاد» للبيع بالتجزئة.. اليوم

**Bonanza** · 15-07-2012 10:30 AM

شكرا لصاحب الموضوع

الفكرة الواضحة للجميع سلسلة سوبر ماركت مصرية تنافس كارفور و هايبر و مترو و خير زمان و المحمل و ده شيء كويس و مطلوب

الفكرة المخفية لامؤاخذه احتكار سوق التجزئة في مصر و ده طبعا له تأثيرة علي الطبقة الفقيرة ( بنتكلم في الاربع سنين القادمين طبعا و مابعدهم مش في يوم و ليلة )

عموما بغض النظر عن دخول السياسة في السوبر ماركت

انا مش ناوي اغير كارفور :)
و لو غيرت هاشتري من محلات الجملة

**kar!m** · 15-07-2012 10:46 AM

أنا بالنسبه لي معنديش أي مشكلة مع الاخوان المسلمين .. شايف انهم ناس بيخدموا المجتمع .. و هدفهم في الأول و الاخر هو الاصلاح.

و اللي أعرفهم منهم على المستوى الشخص ناس محترمين جدا جدا .. و اللي أعرفه أصلا ان اللي بينتسب لجماعة الاخوان بيتم اختياره بعناية .. و تقريبا لازم يكون على مستوى تعليمي كويس .. و مشهود له بحسن الخلق بين جيرانه و زملاؤه.

فاكيد هفضّل اني أشتري منه .. لو أسعاره هتنافس الحاجات التانية.