العفو يا سنهورى انا تحت امرك
عرض للطباعة
العفو يا سنهورى انا تحت امرك
خلاص يا جماعة تمت بحمد الله
الموضوع مفيش اسهل منه
خدت شهادة الجيش و الباسبو ر و روحت على الجوازات اللى انا تابع ليها في مجمع التحرير
طلعت فوق ببص في الشبابيك لقيت شباك مكتوب عليه (اضافات)
نشنت عليه و طلع هو فعلا وريتها الشهادة و الباسبور قالتلي صور الباسبور لحاد صفحة 9 و الشهادة و هات دمغة بجنيه من الخزنة و خد املا الطلب ده و امضيه من الضابط اللي قاعد ده
صورت الحاجة و مليت الطلب و مضيته كل ده في 10 دقايق و قدمت الورق في نفس الشباك قالتلي تعالى كمان ساعتين و اداتني وصل , نزلت اتمشيت و فطرت و رجعت اخد الباسبور بعد ساعتين و عليه الختم البيضاوي و زي الفل
و جزاكم الله خيرا جميعا لمساعدتكم
فعلا الناس هنا اهل