الموضوع: بتعمل ايه فى المعاكسات اللى بتيجى لك على الموبايل

المشاركة الأصلية كتبت بواسطة abokoko

ازاى يرن تانى والخط مفتوح ؟؟؟؟؟؟؟؟؟؟؟

هو كمان بعد مايتصل يحطه على الهولد ويتصل بيه تاني - أنا في تليفوني ممكن أعمل أكتر من إتصال هو دا مش في كل التليفونات !!!

أنا مرة جت لي معاكسات كتير بشكل مستفز من رقم واحد - روحت مباحث التليفونات - قال لي روحي أعملي محضر في القسم - والنيابة تأمرنا نراقب الخط ولو ثبت دا - نقطع له الخط
ولما روحت أعمل محضر قالوا لي أنت تروحي إدارة الشبكة ( فودافون / إتصالات / موبنيل ) وهما اللي يعملوا محضر - وإحنا نبلغ النيابة ومباحث التليفونات تقوم بإجراءتها
روحت أقرب فرع فودافون - قالو لي روحي مباحث التليفونات

وعدي علينا بكرة يا سيد


لكن آخر معاكسة جات لي عملت حاجة تضحك شوية وجرئية ، ومش قدام حد علشان أعرف أسبكها
وخصوصاً لما أتكررت من حد معين ومن رقم ثابت
قلبت صوتي زي مرات البواب الفلاحي على الصعيدي وبمط في الكلمات
وقولت له : أني الخدااامة أصل ستي كتر خيرها إداتني الرقم ده - بدل ما ترميه - عايز حاااااجة - لو عايز حاجة أجولهلها - أني تحت أمرك يا بيه - بس والنبي أبعت لي كارت من أبو ميه - هاااا - أبو مية يا بيييه

من يوميها ما شوفتوش - ههههه

طاب حد جرب يطلب - خدمة العملاء بشركات المحمول

فودافون تتصل على 5040
وتتبع التعليمات هيدوا لك اختيارات
قائمة سودا لحد 50 رقم تتحول لبريد صوتى - او يحولهم رسالة

مش كل الموبايلات فيها خاصيه منع الارقام او البلاك لست

في يوم من الايام وكان يا زمان
حصل معايا الي بتقول عليه يا ابو كوكو بس على العن اتصال بمعدل ١٥٠ اتصال في اليوم
ويخليك لا عارف تشتغل ولا عارف تكلم حد وفعلاً زي مابتقول كده مينفعش معاهم شتيمه ده ممكن يفتح الخط ٢٤ ساعه ومشغلوا عادي ، ده غير مسجات بليز كول مي. ومكالمات على حساب المتلقي وحاجة قلت ادب

@@@@@@@@

رحت مباحث التيلفونات عملت محضر وحولوه بعدها باسبوع على النيابة الي تابع انا لها وبعد اسبوعين عقبال ماوصل المحضر ، وبعد شهر لغايت ماحولوا المحضر لمكتب المدعي العام او النائب العام ، وبعد تلات تشهر لغايت ما مكتب المدعي العام ولا النائب العام في الجيزة لمن بعت امر الكشف على البينات صاحب الخط لشركة اتصالات. واهو فات سنة وعلى روحة وجيه وجية وروحه ولسه الاخ بيتصل وبيبعت مسجات بليز كول مي ولسه شركة اتصالات. مبعتتش الرد رغم اني كزا مره رحت الشرون القانونية في التجمع الخامس علشان احصل على البينات
بس سعد زغلول قالها مفيش فايدة

الحل. متغيرش رقم موبايلك لانك حتى لو غيرتوا ممكن يجيب نمرتك الجديدة ببساطة
لكن حاول تشترك في خدمة البلاك ليست واذا عدى على رقم موبايلك سنة. حاول تغيروا لشبكة تانيه علشان ميقدرش يبعتلك مسجات بليز كووول مي

ووكل امرك لله .... هيا كده بلدنا فوضى .
@@@@@
وتحياتي