شوف يا باشا من واقع تجربتى
الصيف الى فات فى نفس اليوم ومن نفس الموزع ركبت تكييف سبيليت شارب اتنين وربع حصان بارد ساخن بلازما بريميوم بلاس وتكييف كاريير سبيليت واحد ونص حصان
الصيف ده جيت أشغل الشارب لقيته مش بيبرد كلمت الموزع وحضر الفنى وشحنلى الشارب فريون وغسل الوحده الخارجية من بره واشتغل كويس ورجع يبرد والكلام ده من شهر ونص تقريبا والنهارده الشارب عمل نفس الحركة تانى ومعدش بيبرد والمروحة قوة دفعها قلت ومش عارف السبب.
الكاريير ماشاء الله عليه شغال من ساعة مركبته زى الفل ومن غير أى مشاكل لحد النهاردة وإن شاء الله يفضل كده
وكمان ركبت lg سبيليت واحد ونص حصان بارد ساخن نيو بلازما فى أول الصيف ورغم أن قوته الحصانية اقل من الشارب ومع العلم ان المساحات متقاربة الا ان lg احسن من الشارب فى التبريد وفى دفع الهوا من المروحة
نصيحتى ومن واقع تجربة اخرى سيئة فى تلفزيون شارب 46 بوصة lcd كان فى مشكلة ومركز الصيانة مسألش فيا وخلونى اجبهلهم لحد المصنع فى قويسنا علشان يصلحوا واشتكيت فى الارقام الى كتبينها فى الضمان وبرده مفيش حد سأل فيا
أبعد عن شارب خالص لغاية ما المسؤلين بالمصنع والادارة يفوقوا لنفسهم شوية ويعرفوا أن احترام العميل هو الى بيحافظ على اسم الشركة مش اسم الشركة هو الى بييحافظ على نفسه
المفضلات