رجالة قسم الصوتيات .. مساعده خفيفة هنا :d

**Patrickologyy** · 15-07-2012 08:51 PM

مساء الفل يا رجاله ... عايز أشترى كاسيت جديد يكون USB بس حتى مش عايز حاجه فى حدود 300 - 350 أو 400 مش مشكله قوى :)

[bor=#000000]و مش هاحتاج فيه بيز خالص ولا صوت عالى المهم صوت نضيف و هادى و حاجه تعيش :)[/bor]

عايز أرائكم فى الماركات دى و يا ريت لو موديلات أو أسعار يبقى كده كتير عليا كمان والله :)
JVC - Kenwood - Alpine - Roadstar - LG
شكراً :)

**ahmad--ezzat** · 16-07-2012 04:07 PM

هات كاسيت اسمه dst سعره 250 اظن

هتلاقيه عند محل ارخصهم فى التوفيقيه

بس مش عارف موجود دلوقتى ولا لا

الكاسيت دة الناس بتشكر فيه وفيه فلاشه ويمورى فقط فقط

**Patrickologyy** · 16-07-2012 05:54 PM

بس حضرتك أنا عايز حاجه تبقى معروفه كده زي ال 4 ماركات إللى أنا كاتبهم ... حتى لو صينى أعتقد يبقوا صينى نضيف يعنى :)

**Patrickologyy** · 17-07-2012 05:24 PM

مافيش حد يساعدنى ؟ :(

**makmak_10** · 17-07-2012 10:40 PM

خليك في kENWOOD أو JVC عشان علي الاقل مستوردين حتي لو صيني..
الباقي كله مصري و زباله..و مش هيعيش كمان ..و بصراحه ياباشا في الحاجات دي ما تسترخصش عشان انت مش كل يوم بتشتري...زود 100 او 150 جنيه و هاتلك حاجه Pioneer جامد و يعيش معاك و يبقي معاك علي الاقل سي دي كمان حبيت تسمه سي دي معين او اغاني مش معاك علي فلاشه يبقي الموضوع سهل و في أيدك ..
و بالتوفيق ..

**Patrickologyy** · 18-07-2012 02:25 AM

بص يا باشا أنا حاعمل زي مانتا بتقول كدا وحجيب ليا أنا سوني GT700UI مع اني متأكد اني مش هستخدم السيدي خالص بس ده بقة أنا عايز أجيبو ل أختي ، وأنا متأكد مليون فالمية انها مش هتستخدم السيدي خالص ف أنا مش عايز ادفع فلوس ف حاجة مش حستعملها !
طب لو جبت رودستر من التوكيل بتاعو هيبقى مصري بردو ولا يمكن يبقى مضمون شوية عشان معاه ضمان ؟!
طب ال JVC وكنوود دول اقل حاجة فيهم فيها USB هتعمل كام كدا ؟!
وشكراً أوي على المساعدة :)
يعني أنا شفت موديل رودستر أهه RU-200PLL فالتوكيل ب 230 جنيه !
تفتكر حيقضي الغرض ولا اية ؟! :)

معلش سؤال أخير هي معها Maruti ومفيش مكان لل سماعات ... اركب ورا ولا فين ؟!
و عايز حاجة كدا مدورة صغيرة 100 وات مثلاً تعملها في حدود كام ؟!

و أسف طولت عليكم :)