عرض للطباعة
النهاردة كنت فى التوكيل لقيتهم اخيرا جابوا زيت motorcraft بدل mobil 1 بعد لما ناس كتير اشتكت منه
motorcraft هو الزيت المعتمد من فورد لمحركاتها وموصى باستعماله فى الكتالوج
سعر الكيلو 70 جنية يعنى تقريبا بنفس سعر الموبيل ان مكنش ارخص مع فارق الجودة طبعا وتوافقة مع مواتير فورد :B4_048:
انا كنت سألت عليه من فترة مكنش موجود فالما لقيتة النهاردة قولت اقول للناس علشان اللى يحب يغير , ان شاء الله غيار الزيت اللى جاى هجربة
بالمناسبة الزيت full synthetic
و كمان جابوا زيوت فتيس موتور كرافت بعد ما العربيات اتهرت من الزيوت المضروبة و الغير متوافقة مع العربيات خصوص الاوتو الجديد
الزيت اللى حضرتك بتتكلم عنه كام كم علشان انا لاقيته عند يافا فى شارع دمشق ولاقيت الغيار يعمل حوالى 370 ورقمه 10w30 اللى هو بتاع الاسكورت 10000 كم
تنبيه بسيط يا جماعة زيوت فورد الجديدة كلها تخليقية و ديه مينفعش تتحط للعربيات القديمة زي الاسكورت و الفيستا و المونديو
الزيت التخليقية بتكون مناسبة بس للعربيات الجديدة
اما ملاك السيارات القديمة امثالى فكل سنة و انتم طيبين خليكوا مع الزيوت المعدنية و ديه بيكون تغيرها على اعلى تقدير كل 5000 كم
زيوت فورد مش جديدة المفروض او اللى اعرفة على الاقل, هيا ممكن تكون مكانتش بتنزل فى التوكيل بس فيه بعض المستوردين كانو بيجيبوها, وايه اللى يمنع انك تحط زيت مخلق فى العربية ؟؟ الناس كلها بتنصح بالزيوت المخلقة وبتفضلها.
سعادة الباشا aYaBooY يا رب يكون كلامى مسببش ازعاج لحضرتك
احنا بنتناقش علشان نوصل لاقصى استفادة يا ريت لو تقلى ليه ما ينفعش تحط زيت مخلق فى عربية قديمة ؟ لان انا بفكر فى زيت ليكوى مولى جديا ودا زيت مخلق تماما ومن موقعهم تقدر تدخل نوع العربية وهما بيرشحو الزيت المناسب, فاعتقد لو مينفعش زيت مخلق لعربية قديمة مكانوش وصو بيه
الزيت التخليقية بتكون عادتا زيت خفيفة و ناعمة
و ده بيكون مفيد جدا لمواتير العربيات الجديدة علشان الخلوص جوا الموتور بيكون مظبوط على المثالى
بعد فترة من عمل السيارة نتيجة الاحتكاك جوا الموتور الخلوص بتوسع ( و ده امر لا محال منه و بيكون فرق وقت مش اكتر بين ماركة و التانية ) و مع الوسع في الخلوص بتلاقي ان الزيوت التخليقية بقت بتعدى من مكان للتانى و مش بتقوم بالوظيفة المطلوبة و هنا يجي دور الزيوت المعدنية و ديه بتكون اتقل و تتحمل درجات حرارة اعلى من التخليقية و بتتعامل افضل مع الخلوص الاوسع علشان جزيئتها اكبر و بتادى الواجب منها كويس
و غير كدة الي اعرفة ان بعد استعمال الزيت المعدنية لفترة طويلة مبيكونش مستحب انك ترجع للتخليقي لانة هايتاكل في الموتور بسرعة
و اما بخصوص ان فيه شركة رشحت نوع زيت معين دول متخصصين مبيعات تفتكر هاينصحوك بمنتج من شركة تانية مثلا او حتى منتج قليل الربحية عندهم ولا باعلى مكسب ليهم ؟
اتمنى اكون قدرت اشرح الفكرة كويسة
شكرا يا سعادة الباشا على المعلومات القيمة دى :)اقتباس:
المشاركة الأصلية كتبت بواسطة aYaBooY
انا غيرت زيت العربية وحطيت زيت ليكوى مولى 10w40 هو نصف تخليقى المفروض انه 10000 ك بس ان شاء الله اغيرة على 7000 بقاله اسبوع فى العربية ومش حاسس باى فرق لسه ربنا يستر على التجربة دى بقى :)