الموضوع: زيوت motorcraft 5w-30

النهاردة كنت فى التوكيل لقيتهم اخيرا جابوا زيت motorcraft بدل mobil 1 بعد لما ناس كتير اشتكت منه

motorcraft هو الزيت المعتمد من فورد لمحركاتها وموصى باستعماله فى الكتالوج
سعر الكيلو 70 جنية يعنى تقريبا بنفس سعر الموبيل ان مكنش ارخص مع فارق الجودة طبعا وتوافقة مع مواتير فورد

انا كنت سألت عليه من فترة مكنش موجود فالما لقيتة النهاردة قولت اقول للناس علشان اللى يحب يغير , ان شاء الله غيار الزيت اللى جاى هجربة

المشاركة الأصلية كتبت بواسطة aYaBooY

الزيت التخليقية بتكون عادتا زيت خفيفة و ناعمة
و ده بيكون مفيد جدا لمواتير العربيات الجديدة علشان الخلوص جوا الموتور بيكون مظبوط على المثالى
بعد فترة من عمل السيارة نتيجة الاحتكاك جوا الموتور الخلوص بتوسع ( و ده امر لا محال منه و بيكون فرق وقت مش اكتر بين ماركة و التانية ) و مع الوسع في الخلوص بتلاقي ان الزيوت التخليقية بقت بتعدى من مكان للتانى و مش بتقوم بالوظيفة المطلوبة و هنا يجي دور الزيوت المعدنية و ديه بتكون اتقل و تتحمل درجات حرارة اعلى من التخليقية و بتتعامل افضل مع الخلوص الاوسع علشان جزيئتها اكبر و بتادى الواجب منها كويس
و غير كدة الي اعرفة ان بعد استعمال الزيت المعدنية لفترة طويلة مبيكونش مستحب انك ترجع للتخليقي لانة هايتاكل في الموتور بسرعة
و اما بخصوص ان فيه شركة رشحت نوع زيت معين دول متخصصين مبيعات تفتكر هاينصحوك بمنتج من شركة تانية مثلا او حتى منتج قليل الربحية عندهم ولا باعلى مكسب ليهم ؟
اتمنى اكون قدرت اشرح الفكرة كويسة

شكرا يا سعادة الباشا على المعلومات القيمة دى :)
انا غيرت زيت العربية وحطيت زيت ليكوى مولى 10w40 هو نصف تخليقى المفروض انه 10000 ك بس ان شاء الله اغيرة على 7000 بقاله اسبوع فى العربية ومش حاسس باى فرق لسه ربنا يستر على التجربة دى بقى :)