بناء على النصيحة موضوع جديد عن مسلسل الجين 2
رغم ان هذه المشاركه لى وضعتها بموضوع اخر ولكن يبدو انها تحتاج موضوع مستقل حتى يسهل البحث لكل من يريد شراء سيارة جديده
وسأكتفي بعمل كوبي ولينك للمشاركه:
اللينك :
http://www.nilemotors.net/Nile/showt...=29559&page=40
انا كنت ف الحرفيين من شهر عند كهربائي شهير اسمه ( عسكر ) المهم كان فيه هناك عربيه جين 2 عند واحد جنبه بتاع الظبط بالكمبيوتر وهو مشهور جدا برده ودار بيننا هذا الحديث :
انا : العربية دي بتعمل ايه هنا
صاحب الورشه : كان فيها شغل وبنظبتها
انا : شغل ايه دي جديدة نوفي باين عليها
صاحب الورشه : دي كانت بتغير عفشه و فتيس و شكمان و موتور
انا : ايه و موتور !!!! ليه هيه كانت عامله حادثة
........ : لا بس صاحبها كان قارص عليها شويه
... : طب وماله انا اعرف واحد كان معاه فيرنا وقرص عليها و جابت موتور و ف التوكيل عملوله وش سلندر وع ال20 الف غيرولوه نص الموتور مع ان هو اللي غلطان يعني انا اقرص براحتي و التوكيل يشيل ده انا شاري زيرو ؟
........ : لا يا بيه ده راح التوكيل و ادولوه اسعار خرافيه متنفعش و مفيش ضمان قالوله انت اللي قارص عليها وطالما كده يبقى انت اللي مدغدغ العفشه ويالا مالكش حاجة عندنا
... : بس العربيه من بره مش باين عليها البهدله هو رشها بالمرة ؟
............: لا ابدا ده هو اصلا زبوني من زمان وبعمله شغل فعربياته بنزود بيه قدرة المحرك و هو بيقرص بس بفن مش غشيم يعني
.. : امال ايه اللي حصل
(((( قام وخدني مفرجني على العفشة القديمه و وصفلي حاجات فنية انا مفهمهاش خلاصتها انه ف رائيه العفشة يدوب تنفع تتحط على موتوسيكل -- وكمان الموتور و الفتيس اللي حطهم عليها متسوبيشي لان موتورها زباله - ده على كلام الراجل صاحب ورشه الكمبيوتر))))
و طبعا دردشنا اكتر ع العربيه وقولت له انتوا كده العربيات الغريبه الجديده متحبوش تقولوا فيها كلمه كويسه - قالي لا والله ده انا بالذات شغلي ع العربيات الرياضيه بس الشهاده لله العربيه دي زباله
العربية كان لونها برتقالي و اللي بيروح الحرفيين اكيد يعرف عسكر واسال الاخ بتاع الكمبيوتر عليها
مــــــــــــــــــــــــ ـــــــــــــــــلحوظة :
ارجو من الخ العزيز توت انه ميزعلش مني لاني من اول ما شوفت العربيه اللي حكيت عنها وانا مرديتش اتكلم عنها بسبب ما رأيته من الاخ توت من دفاع مستميت عن السياره
ومع اني احيي فيك صبرك و دفاعك عنها ولا اجدع محامي فمصر المحروسه بس انا في رأيي ان قضيتك ........خسرانه
العربيه فعلا اللي يدخل المنتدى هنا يفتكر نفسه لو اشتراها حيشتري سوبر كار
فعلا كما قال بعض الاعضاء ممن شاركوا بالموضوع واخده اكتر من حقها و انا اضيف واخده اكتر من حقها بكتيييييييييييييييييييييي يييييييييييييييييييييييير
ومش عايز اقول ان اقسام المنتدى : قسم السيارات الكوريه والماليزيه - بسبب الجين 2 يجب التغير الى قسم الكوريه وحده وضم الماليزيه الي قسم الصيني
بس نقول ايه ويرا و واجا كده يتظلموا مع اختهم الصغيرة جين 2
