انا ماجريتش يا استاذ ممدوح انا كان عندي شغل كتير بس امبارح
وانا هارد على جزء جزء
اولا:
العربية دى عملت حادثة محترمة على الطريق الدائرى... دخلت فى حاجز اسمنت بهدل العربية تماما من الامام و كان فيه لوحة فى الدفرنسية الخلفى
المدام اخدت العربية لورشة فى العمرانية و العربية فضلت هناك شهر و اتعمل فيها شغل عك و المدام قامت بسحب العربية عن طريق احد معارفها و عمل خناقة مع الناس هناك لان العربية بقت معيوبة
انا قولت الكلام دة لما وضحت الحالة اللى كانت عليها العربية لما جت لعبدة فيما يخص المسافات بين علبة الفيوزات و الشنب و قاعدة البطارية
بعد ما المدام سحبت العربية من عند الناس بتوع العمرانية اشار عليها نبيل (سائق ميكروباص) انها تروح لعبدة و قبل ما حد يشتغل فى العربية راحوا بيها لتوكيل ابو رواش للكشف
لغاية كده الكلام تقريبا صح
الجزء التالي
المهم لما راح نبيل لابو رواش رفضوا اصلا يبصوا فى العربية و قالوا العربية دى لا تصلح للاستخدام الادمى و مينفعش نقبلها فى الورش بتاعتنا
بعد فشل المحاولة دى راحو توكيل الكويت و البلاد العربية عند عبدة و تكرر نفس موقف رفض عمل اى شىء فى العربية لانها معيوبة و ملعوب فيها
محمد عبدة تكرم و خللى مهندس الفحص يبص على العربية فى ساحة الاستقبال بدل ما تدخل بjob و الست تتكلف 110 جنية
ساعة لما نبيل دة اخد العربية من عند عبدة كانت بتدور زق لان البطارية كانت نايمة تماما... طبعا العربية اترمت شهر فى العمرانية لازم البطارية تتوفى
الجزء الصح منه ان التوكيلين ماقبلوهاش لانهم مايقدروش يستلموا عربيه اتصلحت بره
لكن الاول اخدتها مركز خدمة الكويت والبلاد العربيه ومحمد عببدة قاللي ماتقوليش ان دي عربيتك قوليلهم دي عربيه باشتريها وعارفه ان فيها مشاكل فكان الرد بتاع المهندس رجعيها واخسري الشرط الجزائي دي لاتصلح لبني ادمين فماعرفتش اقولهم بعد كده انها عربيتي وطلبت منهم تقرير بحالتها عشان اقدر ارجع في البيعه لكن الحقيقه اني عشان اتحاسب مع ورشة العمرانيه اللي كانوا اخدوا 5000 جنيه قاللي مفيش مشكله بس هتدفعي الرسوم 110 جنية وكنت موافقه لولا انها جات في دماغي فكره فاتصلت بصاحب ورشه العمرانيه من موبايلي وطلبت من المهندس يكلمه ويوصفله حالة العربيه اللي كانت مشكلتها الاساسيه لوحة الشاسيه ماتعدلش وكل حاجه ركبت علي العيب ده فكل حاجه راكبه مش مظبوط واكتفيت بالمكالمه واخدت العربيه بعد كده لابو رواش لعلها تتصلح هناك ولكن رفضوا لان العربيه تم تصليحها في ورشه بره لانهم مايقدروش يستلموا عربيه اتصلحت بره ففكرت ابيعها للتجار بتوع سيارات الحوادث وخلاص فقالولي لا الحل محمد عبده هو حافظ مقاسات العربيه ويعرف يرجعها فكلمته وقلتله اديك شفت بعينك كان دراعي لسه متعلق من الحادثه ولسه مورمه وسمع المهندس وهو بيكلم صاحب الورشه وعارف اني دافعه مبلغ كبير يعنى موت وخراب ديار وسالته على الموبايل تعرف حد كويس يرجع الشاسيه قاللي اعرف قلتله انت شفت اللي حصل معايا قاللي ياباشا ماتقلقيش خالص انا اللي هاستلمها منك وانتي هتستلميها مني واعتبريني اخوكي الصغير انا باصلح عربيه اختى انا هاخد منك العربيه وهاقول للناس دي عربيه انا خدتها لحسابي ووباظبطها لنفسي عشان يطلعلي فيها مصلحه
والعربيه استلمها حسن اللي مع محمد في الورشه وفي مركز الخدمه سايقها من المهندسين لصفت مش ببطاريه ميته ابدا وهي نفس البطاريه اللي جابتها من العمرانيه للمهندسين فموضوع البطاريه الميته ده تاليف وانه يستلمها من المهندسين لصفت زق ده لاهو منطقي ولا حقيقي والعربيه كانت كده استلام محمد واكدت عليه ان نبيل كتر خيره انه عرفني عليك لكن العربيه دي مسئوليتك وقاللي دي انا هاعملها لاختي وليكي علي ارجعهالك لطبيعتها وطلبت منه ان المتابعه تكون بيني وبينه حتى في الفلوس من فضلك نبيل مالوش دعوه
ثانيا
المهم فى الاخر العربية رجعت صفت عشان تتصلح بعد ما توكيلين رفضوا استلام العربية و كل القصة دى بقيادة نبيل والكلام الغريب فى الموضوع ان المدام قالت لعبدة ان جوزها متوفى و انها بتربى عيال و قصص كدة ملهاش اى لزمة و لا محل من الاعراب... المهم عبدة قالها انا حتعامل معاكى على انك اخت
الاخ محمد يعرف كويس قوي اني باشتغل في شركه اجنبيه والعربيه واخدها من امام الشغل الاخ حسن اللي معاه ومش عيب اني اكون زوجي متوفي وباربي عيال واكيد هو استنتج من وقفتي في المشكله دي لوحدي اني مليش غير ربنا
ونبيل ده جاره وهو بيخزن قطع غياره عند نبيل في المحلات اللي عند نبيل في البيت وكل ماقوله انت ماتصلتش ليه تقوللي ان نبيل معطلك يقولي يااستاذه نبيل اصله في وشي على طول وانا ماينفعش اخسره
الجزء بتاع ان العربية جت ببطارية ميتة وناقصة اللباد اللى تحت الموكيت و فبر بطانة الشنطة و فبرة القايم الشمال و مجرة الكونسول الامامى و حاجات كتير رفايع على كل لون و شكل
مش صحيح هي كانت مجرة الكونسول الامامى فقط وفبرات الجزء الشمال مطرح الخبطه ملحوم وطلبت تغييرها واظن ده عادي اما الباقي كان موجود وانا مراجعه العربيه لما استلمتها بخناقه من العمرانيه
ثالثاجزء نسيت اقول ان البطارية لما اتحطت على تونجر الشحن التونجر عمل قفلة و كان حيولع المحل... واضح ان البطارية كانت ماتت تماما
الجزء ده كدب اكيد لسبب بسيط لما اخدت العربيه وقالولى فيها بطاريه مش بتاعتك علشان بطاريتك ماقبلتش شحن فطلبتالبطاريه القديمه لاستبدالها فجابولي بطاريه تانيه نوع مختلف ولون مختلف ومكسوره يعني بطاريتي كانت فارتا بيضا جابولي كلورايد سودا مكسوره
قولولي اصدق ازاي انها بطاريتي ولاهي نفس النوع ولا اللون وكمان مكسوره
رابعا
المهم عبدة فك الموتور و الفتيس عشان شغل الحوض و راحت العربية للسمكرى... العربية اتفك منها كل مكونات الصالون عند سروجى و الحاجة اللى اتفكت كانت فى ورشتة اما الطابلوة و الضفيرة و خلافة اتفك بمعرفة كهربائى و كانت الحاجة فى ورشة السمكرة
العربيه اساسا استلام وتسليم مسئوليه محمد عبده تتفك فين وتتركب فين انا ماليش في التفاصيل وكل ماكلمه يقولي ماتقلقيش حضرتك دي امانه دي عربية اختي وهو عارف كويس ان مامعاييش حد يتابع
خامسا
بعد ما السمكرى اشتغل فيها فترة لقى ان مش نافع اى نوع من انواع الاستعدال لان العربية اتلعب فيها فى ورشة العمرانية و مفيش اى حل ان وش العربية يرجع زى ما كان غير تغيير الربع المخبوط
الكلام ده ماحصلش خالص هم استلموها الثلاثاء وقالولي السمكري بيجوز بنته ومش هيبص عليها قبل يوم السبت ويوم الاحد الصبح قالولي انت مصره على الاستعدال والسمكري بص عليها امبارح وبيقول ماينفعش استعدال والاحسن يغير يبقى اشتغل امتى ولا هما عايزين يشتغلوني انا بس
سادسا
خلال الفترة دى كان نبيل هو اللى بيتعامل مع السمكرى و هو اللى كان بتعامل فى الماديات مع الست صاحبة العربية
طلبت من محمد اكتر من مره واكدت عليه ان انا ماليش دعوه بحد انا باتعامل معاه هو بس على اساس وعده لي انه هيرجعهالي لطبيعتها وانا مش ناقصه تجارب واتفاقنا العربيه استلامه وهو اللي مسئول عن تسليمها قاللي ماتقلقيش انا بتابع والله كل يوم
والماديات كانت بتوصل محمد اول باول وكنت باتاكد بالموبايل وهو اللي كان مسئول عن حساب الصنايعيه والاتفاقات اللي تبدأ برقم وتوصل للضعف
ووظيفة نبيل بالنسبه لي وسيط بحكم انه جار محمد مش اكتر
سابعا
موضوع تقريبا اشتروا سربانتينة تكييف
ماحصلش لاني محمد قاللي انا ماقربتش ناحيه لا ميكانيكه العربيه ولا التكييف انا بس مصنعيتى رفع الموتور وتنزيله وفك العفشه مرتين ومتابعه صنايعيه 800 جنيه وعشان خاطرك هخليهم 700 بس
ده غير ان السربانتينه كانت متغيره في العمرانيه وانا مستلمه العربيه تكييف مش شغال ورحت صلحته بره بعد ما اخدت العربيه من عند محمد عبده و اشتريت الفبرتين اللي وراه وفيوز اداهوني في ورشه التكييف مفكوك قدامي مكسور واشتريت غيره بـ 110 وركبه وشحن الفريون وشغله ووراني مروحه التكييف وهو بيفك من تحت الدرج في التابلوه راكبه على مسمار واحد
و موضوع جابوا جوز مساعدين امامى جداد صح بـ 220 جنيه
ثامنا
لما العربية راحت لبتاع الدوكو الراجل رش الربع الامامى و العتب فقط لان دى المناطق اللى اتسمكرت... محدش جة جنب الابواب لانها مش تبع الحادث و بالتالى مينعش يترشوا و هما على حالتهم... و غالبا دة السبب ان المدام بتشكى ان البوية زبالة... طبعا ما العربية مرقعة و نبيل هو اللى بييتعامل و الله اعلم بيبلغ اللى بيحصل و لا لا ولا ايه
طيب ازاي وهما حاسبين البويه 1200 جنيه
المهم خلصت العربية و جة وقت التقفيل و طبعا كان فيه نواقص كتير من ساعة ورشة العمرانية فا الناس حاولت تلم الممكن يتلم و بالتالى العربية اكيد منظرها مكنش يصر عدو ولا حبيب بعد شهر فى العمرانية و شهرين فى صفت و بدون متابعة
العربيه رايحه لمحمد بالحاجات اللي اتاخدت واقسم بالله العظيم دي حقيقه بالاضافه للبرابريز الامامي اللي كنت مغيراه ورجع مكسور و3 شهور في صفت مش شهرين وكل ماكلم محمد يقوللي يااستاذه عشان تاخدي شغل صح ماتستعجليش طبعا ماهو عارف المقلب الاولاني اللي انا واخداه وعارف اني ماعنديش خبره مع الصنايعيه في المواضيع دي حقه يشتغلني
محمد عبدة اللى الناس بتقول عليه حرامى كان جاب الجرس الزنان اللى بيشتغل لما حزام الامان ميكنش راكب لانة مكنش شغال فى عربية المدام... و ساعة التركيب الكهربائى لقى ان الضفيرة بتاعت الزنان هى اللى عملة المشكلة و الزنان نفسة سليم... تفتكروا لو واحد زمتة واسعة حيروح يرجع الزنان تانى لابو هاشم و يرجع لنبيل 70 جنية؟؟؟؟؟؟؟ اتقوا الله
اقسم بالله العربيه رايحه والزنان شغال والكهربائي هو اللي جايبه وهو اللي فك وركب اكيد مش انا والمفروض بمتابعة محمد
المهم العربية خلصت و جة وقت الاستلام و الست قالت انتوا بوظتم البطارية و دى كانت كويسة و انا لسة شريها و عملت فلم... عبدة اتصرف فى بطارية مستعملة من عندة عشان يلم الدور مع ان البطارية كانت متوفية اصلا قبل ما العربية تيجى صفت
انا رجعت البطاريه المستعمله في نفس اليوم بعد شراء بطاريه جديده ب 435 جنيه وممكن اعمل سكان لصوره الضمان اللي ياكد كلامي لانهم قالولي احنا اضطرينا ناخد بطاريه عربيه تانيه عشان تقدري تاخدي عربيتك ماشيه مع العلم اني سالت على بطاريتي القديمه فين قالولي معلش نسينا نجيبهالك هنجيبهالك بكره وماجابوهاش الا بعد ماستلموا بطاريتهم المستعمله وصعقت لما لقيتها مش بطاريتي
و لما جة وقت الحساب مع عبدة... الراجل كان عايز 700 جنية نظير الحاجات اللى اشتراها من ابو هاشم و مصنعياتة فى الفك و التركيب...عبدة لقى واحد عميد بيكلمة و بيقولة انة من طرف المدام و ان انت - قصدة على عبدة - تبيع الحاجات اللى اتفكت من العربية (الخردة) و يعتبر ان دى مصنعيتة ... عبدة رد و قال انا مش عايز حاجة... حسبى الله و نعمى الوكيل و حقى عند الست دى حاخدة يوم القيامة
متهيالي طبيعي اتصل بحد ينجدني ولا كان فيه حل تاني بعد ماكان اللي وصل الاخ محمد عبده 6750 جنيه
العميد كلمه لما لقاه طالب 700 متابعه ومصنعيه وحاجه العربيه كلها اتاخدت (كوريك – مفتاح عجل – سماعات خلف وابواب – تقفيله الشنطه بالكامل – حزام الامان اليمين – زجاج امامي مكسور – بطاريه) فقاله محمد لا انا الحاجات دي انا هاجيبهالها بس هي ماتزعلش قاله العميد زي الكوريك اللي انتم وديتهولها قديم ومش شغال لا احنا هنخلص من القصه دي هي هتجيب الحاجات دي من التوكيل او من أي حته لانها مش هتجيبلكم العربيه تاني مقابل ال 800 جنيه اللي بتزنوا عليهم
ودي باقي الطلبات بالتفصيل اللي الاخ ممدوح بيستفسر ال 8000 جنيه جم منين وعامل جايزه عربيتي المرشوشه اللي اخيرا امبارح بس بعتها على 33300 بعد خصم عموله البيع واللي اشتراها عارف قصتها بالكامل عشان كده للاسف مش هتنفع يديها الاخ ممدوح جايزه للي يعرف يجمع الارقام التاليه
1200 دوكو
1500 ربع شاسيه
1500 سمكري
100 فك وتركيب زجاج اللي هم اصلا كسروه
300 كهربائي بالرغم ان الاسلاك باينه من الابواب ولحامات واسلاك في الشنطه
100 سروجي فك وتركيب
969 فواتير جديد مافيش عليهم أي بيانات تقول هم منين
1100 قطع استيراد
26 بنزين
25 ضبط زوايا واكراميه
125 نثريات (عربيه كارو لزوم جر العربيه من والى السمكري – بنزين – اكراميه )
235 جنوط
185 فبرات تحت علبة الدركسيون
واضف عليهم كمان
435 بطاريه
235 تصليح تكييف
واللي عايز الورق اللي ادهوني علشان الحساب والفواتير اللي انا قلت عليها انا مستعده اعمل لها سكان وارفعها
ده غير المكالمه اللي كانت بيني وبين محمد في الاخر وعاتبته وقلتله انا لا هاظلمك ولا تظلمني لكن الحاجات اللي ناقصه في العربيه وميكانيكتها فيها وفيها ما انكرش بس قاللي نبيل هو وهو قلتله انا اتفقت معاك من الاول انا مسلماك العربيه مش لنبيل وعموما كمل العربيه وانا مش هاظلمك بس انا مش هاقدر ابعت عربيتي صفت تاني علشان انا مش عايزه نبيل يتدخل قاللي وانا كمان ممكن نشوف ورشه تانيه واديهاني يوم بس كل اسبوع بس والله ماتزعلي واتفقنا على كده يوم الخميس
وفوجئت بالكلام اتغير 180 درجه يوم الاحد وباعتلي مع نبيل انا مليش دعوه انا عايز بقيت فلوسي اتصلت بيه ولما قلتله مش كان فيه اتفاق يوم الخميس نبيل ده يبقى بره الموضوع قاللي ازاي يا استاذه نبيل ده جاري وانا ماعرفكيش انتي انا اعرفه هو قلتله بالنص وربنا يشهد على كلامي طيب انت لما العربيه خلصت واتصلت بيك وقلتلك حسابها وصل كام قلتلي خمسه ونص سته الا ازاي تبعتلي ورق تطلب فيه مبلغ معدي السبعه قاللي انا ماعرفش انا لي 800 جنيه عايزيهم قلتله ليه انت وصلك كام قاللي مش عارف انا اللي عارفه انا لي 800 جنيه طيب وصلك كام لا انا دلوقت في الشغل والورق مش معايا وانا اتخنقت بقى من العربيه دي انتوا كمان عايزين ترفدوني من الشغل كمان فقلتله بقى هي كده انا كده ربنا يعوض على في الحاجات بتاعتي وانت خد باقى حقك من نبيل لاني اتاكدت ان محمد ونبيل في بينهم اتفاقات انا مش فاهماها والمطلوب بس ادفع وبس
يعنى كما ن فى الاخر الراجل اضحك علية و ماخدش فلوس....
السؤال المهم جداااااااااااااااا.... فين ال 8000 جنييييييييييييه؟؟؟
اللى يعرف الاجابة حنديلة ربع عربية دايو عاملة حادثة و موتوسيكل مرشوش حديثا و شوية فكة على الماشى
متهيالي الموضوع ممكن تحسبه باي اله حاسبه ومفيش داعي تكلف نفسك بالجوائز
اعتقد بعد الكلام دة وضحت الصورة كويس اوى ليكم و بان مين كان بيلعب دور ايه و امتى و ازاى و مين اللى امين و مين اللى مش امين
و انا عايز اعرف بقى راى الناس اللى اتهمت عبدة فى ذمته تقول ايه بقى دلوقتى؟؟؟ انتوا كنتم شطار اوى على الكيبورد لما كنتم بتقطعوا فى الراجل و دلوقتى بعد ما قريتم التفاصيل عايز اشوف شطارتكم مرة تانية و خللوا بالكم... انتم لما عيبتم فى عبدة كنتم بتعيبوا فيا شخصيا لان انا اللى رشحت الراجل دة لكل الناس اللى هنا و معتقدش انه قصر مع اى حد فيكم و بالتالى سمعتة من سمعتى
هااااااااااا... راى الرجالة اللى دمها حامى ايييييه دلوقتى؟؟؟ لسة شايفين ان عبدة حرامى و نصاب.. و طبعا لو هو كدة يبقى انا كمان زيه... مهو مفيش على لسانى غير سيرتة.... صح؟؟؟؟
انا بقى اللي عايزه اعرف من الاستاذ اللي بيدافع ده لو اللي حصل معايا ده كان حصل معاه كان هيبقى ده رده عموما دائن تدان وماليش في النهايه غير حسبي الله ونعم الوكيل الذي لاتضيع عنده الحقوق ابدا
وانا موضوع عربيتي ده انا واخده العربيه من اول اسبوع في شهر مايو وكنت محتاره انبه الناس ولا لا لكن حسيت انها للامانه انا اضطريت احكي بالتفصيل عشان بس ماحدش يتعمل معاه اللي اتعمل معايا واللي مايعرفش يتابع صنايعيه التوكيل اولى بيه
تم تغيير الوان المداخلات للتوضيح
مشرف القسم