على فكرة انا شوفتها تاكسى فى ميدان لبنان فا هى موجودة تاكسى... بس انا مش فاهم ايه العيب فى كدة؟
MMamdouh
عرض للطباعة
الكلام صح لو قارنتها بالعربيات الكورى اللى فى نفس حدود سعرها (لانوس و فرنا)
الموضوع دة نسبى... يعنى لو قارنها بعربية يابانى طبعا هيتقال عليها خشنة... الا انها زيها زى منافسينها من العربيات الكورىاقتباس:
مش ناعمة! .. بجد؟!! يعني حضرتك فعلا متأكد إنها العربية إللي في الصورة دي، وإنك ركبتها؟؟؟؟؟؟
يعنى من الاخر هى لا متسوبيشى ولا لادا... هى فى النص... رائيك فيها هيعتمد انت بتقارنها باية
MMamdouh
محدش قال انه عيب تبقي تاكسي بس هي فعلا مش منتشرة كاتاكسي فلما حد يجي ويقول انا بركبها علي طول تاكسي يبقي :b4_444: ازاي ؟
غير ان الراجل بيقول ان قطع غيرها غالية و علبة سمنة و الخ الخ .........
و زي ما حضرتك عارف ان سواق التاكسي رقم 1 عنده التشغيل و الصيانة يعني نسبة 1 فل ال1000 اللي هيفكر يجيبها و يعملها تاكسي لانه لو قلبها غاز هتخرج من الضمان
غير اني سألت الوكيل علي اللون الابيض وقالي مش بينزل مصر غير بالطلب و محدش طلبه غير الشرطة اشترت 550 عربية يعني من الاخر التاكسي اللي حضرتك شوفته في الغالب شرطة مباحث .
او ممكن صاحب التاكسى دة ساكن جنب الراجل اللى بيركب معاه كل يوم فا بيقابلوا بعض كل يوم الصبح و هما نازلين الشغل
MMamdouh
ياباشا مفيش عيب ولا حاجة بس زي ما bingomy قال في رده، هو ده إللي أقصده. الفكره إن إللي بيعمل عربية تاكسي لازم يبقى عنده عوامل كتير متوفره في العربية (صنايعية من أبو قرش وقرشين يشتغلو فيها، قطع غيار برخص التراب ومرميه عند البقالين والأرصفة، سعر إعادة بيع ١٠٠٪ ... إلخ) كل العوامل دي مش متوفره بالدرجة المطلوبة عشان تتعمل تاكسي، يعني قطع الغيار موجوده جوه وبرا لتوكيل وأسعارها في تحسن بس مش المناسب لتاكسي، فيه صنايعية بيفهمو فيها بره التوكيل بس ممكن يكونو غاليين على سائق تاكسي وهكذا.
أنا مقلتش مستحيل، بس أكيد نادر جدا، أنا عن نفسي مشفتش تاكسي لوجان واحد على الرغم إنها منتشره وناجحة جدا في إسكندرية (كل يوم بشوف على الأقل ٥ أو ٦ لوجان مع إن مشاويري قليله).
ياباشا لو سمحت متقطعش كلامي وتاخد نصفه وتسيب نصفه.
أنا بقول طالما أسعار قطع غيارها مش متناسبة مع سعرها، ليه ناس كتييير قوي كده عملاها تاكسي زي ما بيقول الأخ الفاضل. يعني أنا مش مختلف معاك، لانوس وفيرنا ماليين أم الدنيا تاكسيات عشان كده.
وحتى لو قارنتها بالياباني ميتقالش عليها خشنه، أرجوك جرب الأول وبعدين أحكم. مش باقول إنها زي أو أنعم من الياباني، أنا بالعكس متحيز للياباني إلى حد ما وطموحي ياباني إن شاء الله.
أستاذ ممدوح لو قريت كل المشاركات هتعرف أنا برد على إيه ورديت كده ليه.
..................................................
فين في كلامي انا قلت كل يوم اركبها تاكسي
جاوبني واعمل كوبي للبوست وحطة هنا
انا قلت يوم لما بركبها تاكسي بتخنق
لانها موجودة تاكسي كتير هي والافيو في اسيوط علشان كدة انا بقارن بينهم
.................................................. .....
لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى،
لذافقد استحققتم تنبيه
برجاء مراعاة قواعد المنتدى منعا للوقف
وبعدين متضايق لية من تشبيهها بعلبة السمنة ...مش عارف !!!
ههههههه