السلام عليكم يا رجالة..أنا معايا فكترا 97 أوتوماتيك..المهم الصبح بدور العربية و بمشى تمام بعد دقيقة كده ألاقى لمبة الفتيس بتنور و العربية سحبها ضعيف جداً لازم أكبس بنزين جامد عشان أحركها ..المهم ببطل العربية و أدور تانى ألاقيها مشيت عادى جداً ..و بعدين و أنا مروح من الشغل نفس الكلام..اليومين دول لازم عشان تدور أجيبها على ال n
الميكانيكى قالى مشكلة كهرباء و الفتيس سليم...رحت مركز بتاع واحد إسمه عادل معوض فى ضهر مستشفى القوات المسلحة فى جسر السويس كشف بجهاز الكمبيوتر قالى حساس ال rpm بايظ و محتاج يتغير ...أنا إستغربت و قلت جايز...المهم رحت أجيبه من شارع دمشق مش لاقيه..رحتله تانى قاللى أنا اقصد حساس الكرنك ...المهم لاقيته أصلى جديد ب 350 جنيه..بس الميكانيكى قالى حساس الكرنك مالوش دعوة بالفتيس.... حد عنده حل يا رجالة...أه صحيح كل سنة و أنتم طيبين
المفضلات