الموضوع: غيرت طرمبة و فلتر بنزين للياريس ..

غيرت طرمبة بنزين و فلتر بنزين ....الطرمبة ب 1150 و الفلتر ب 350 ..
كنت غيرت قبل كده طرمبة بس صينى ب 130 جنيه و مكملتش شهرين على بعض ...

بس انا عرفت دلوقتى هى ما كملتش ليه , فرق 1000 جنيه بحالهم ما بينها و بين الاصلية لازم ما تكلمش .
نزلت للميكانيكى علشان نركب , كله تمام و يا دوب بنحط الفلتر مكانه فى التنك , لاقيت الواد بيقولى يا بيه الفلتر ده مش هينفع ليه يا حج خير ؟؟؟؟ قالى الفلتر ده راسه صغيره و الغطا الى بنربط بيه كبير و بيعدوا من بعض و فعلا بالمقارنة بالقديم , الجديد صغير .. طب و العمل , جه المعلم , فك كل حاجة و نضف الفلتر و قالى روح وريهوله و رجعه , رحت تانى لبن جميل و قلت له على القصة و وريته القديم قالى مش عارف و قام رجعلى فلوسى و اعتذرلى ....
قعدت الف على الفلتر , و الحمد لله ربنا كرمنى و لقيته عند الخضرى الى قدام عوض الله الجديد قالى 420 , و بعد فصال كتير اخدته ب 400 و رحت ركبته و طلعت اجرب العربية
الحمد لله , العربية فاقت عن الاول سنه و كويسة استهلاك البنزين اتحسن عن الاول , يمكن انا ماحسبتش الاستهلاك بس باين معايا فى العداد ...


للناس بتوع المنصورة :
انا سالت فى الموزع الى على السريع قالى على الطرمبة 1550 و الفلتر ب 650 ...
نزلت سألت عند بن جميل الى فى الحسنية قالى الفلتر ب 375 و الطرمبة ب 1150 , المهم جبتهم منه الاتنين ب 1500 ...