الموضوع: خلاص ركبت الحمد لله

ركبت الكاسيت البيونير 6350 الحمد لله انهاردة عند ادريان المعادى

بس شايف انو قرص عليا فى التركيب حبتين عشان مش جايب الكاسيت من عندو

فى التليفون قالى 40 جنيه

بعدين اما رحت قالى عايز وصله بـ 40 جنيه عشان ميلعبش فى الوصلة الاصلية بتاعة العربيه

بعدين جاك للانتنا عشان تركب فى البيونير بـ 10 جنيه

و بعدين راضى الى ركب .. اديته 5 جنيه

اذن كله 95 جنيه !!!!!!!

الصراحة حسيت انو كتير اوى بس قلت بقى الواحد يجيب كل حاجه بالمرة بدل ما يلعب فى السلوك

الكاسيت تحفة بقى ما شاء الله

و الخرج بتاعه ما شاء الله

السماعات الاوريجنال مش مستحملاه .. لدرجه ظبط البيز و التريبل على 0

قالى بدل السماعات ما تضرب

الخطوة الجايه بقى ان شاء الله هتبقى سماعتين بيضاوى فى الرف ورا

قالى الرف بيعملوه بـ 100 جنيه

و السماعات عنده فى حدود 350 جنيه السونى و البيونير بس كلهم صينى

بس كده خلاص :)

و ربنا يباركلى فيه