ياريت ياجماعه لما نخش في مناقشه مراعاة الاتي
1-مراعاه عدم المعرفه الكامله بطباع العضو الاخر فمن الوارد عدم تقبله للهزار
2-التشدد في الرأي من الطرفين هيؤدي الى عدم جدوى المناقشه
3-شرح وجهه النظر يكون بأسلوب هادي و مراعاة اختيار الالفاظ عشان هو مش شايف تعبيراتك فالكلام بعشم زياده ممكن يتاخد على انه اهانه شخصيه
بصراحه الواحد اتضايق من الموضوع اللي حصل رغم ان الناس قمه في الذوق و تغور العربيات اساسا لو هتزعل الناس من بعض
معاك حق يااستاذ هانى , بس والله اول مرة يحصل ال drop دة مابين اعضاء هيونداى وهوندا مع اننا على طول فى صراع مع السيفيك والالنترا والسيراتو
بس عادى مش هنسيبهم بردة هههههههههههههههههه
كلام زى الفل يا باشا
و كله فى الاخر عربيات و وسيلة نقل و رفاهية لينا .. ملهاش اى لزمة ان احنا نتخانق او حتى نشغل دماغنا بماركة و بعدين احنا و لا هنستفاد حاجة ان احنا نثبت ان ديه احسن او ديه احسن
و ممكن واحد راكب هوندا يركب هيونداى او العكس عادى يعنى كله حديد فى الاخر
على رايك تقولش الواحد لو اثبت ان الهيونداي ولا الهوندا على حق هيجيله الظرف من الوكيلاقتباس:
المشاركة الأصلية كتبت بواسطة mohab.nabil
والله أنا مش شايف لزمه ان الواحد يفضل يضغط في الحوار عشان باقي الاعضاء فاهمه كويس يعني مثلا لما تقارناقتباس:
المشاركة الأصلية كتبت بواسطة semsem kane
ما بين الأسبرانزا و ألبي ام و يتقال ان التكنولوجيا في الأسبرانزا سابقه بمراحل كانت لزقت يعني؟ ما الناس فاهمه
وبعدين دي أهانه للبي ام انها تتحط في المقارنه
وبعدين قعدنا نكلم عن الكوري إديني يا سيدي شكلي هتنيل و أجيب لبنتي كوري عشان جامعه السنه دي و حرقت دمي و جابت المجموع اللي أنا طلبته و أنا كنت قاصد اعجزها
كلام جميل
انا كنت كده من فتره لما دخلت المنتدى
بس ربنا كرمنى و بقيت اهدى كتير اوى
^_^
ههههه ربنا يخليهالك يا باشا و الف مبروكاقتباس:
المشاركة الأصلية كتبت بواسطة hany63
و برضه اللى تعب يستحق تجيله هدية حلوة :36_1_34[1]:
و لسه كنت بقول ممكن اللى راكب هوندا يركب هيونداى اوعى تجيب هيونداى بقى :36_6_3[1]:
اقتباس:
المشاركة الأصلية كتبت بواسطة semsem kane
عارف يا سامح أنا بعتب عليك جدا
علشان كل مره أنت بتجيب موضوع بيسخن الدنيا جامد جدا و إنت عارف إن الدنيا هاتسخن
تاني حاجه بتفتح الموضوع و مبتسيطرش عليه و تسيب ده يشد من هنا و ده يشد من هنا لغاية أما الحبال بتتقطع بين الأعضاء و بيطلع من موضوعك تلاته جرحي و خمسه مصابين و عشر أعضاء موقوفين
و اللي حزني أكتر إن فيه عضو أحسبه علي خير دخل إتنين تلاته خبطو فيه
و تحول النقاش من تقييم عربيات لتقييم أشخاص زي عربيتك مش عرف مالها قام رادد وقال لو فكيتها مش عارف هاجيب كام عربيه من الفلانيه و زعلت جدا إن العضوين واحد شتم قام التاني رادد و إنضم تالت قام قالب الترابيزه و رابع
بتسيب معلومات غلط تتقال و تعدي قدام عنيك من غير ما تصححها طالما لم تمس الهوندا
و لاحظت إن كل تقييماتك بتعتمد علي حواسك للعربيات غير الهوندا و بتدعم تقييمات الهوندا بالأرقام و المصادر و تضيف عليهم حواسك
و يروح مين جاي في الطريق غريم هونضاي التقليدي فورميوليتور و يروح خابط كلمتين ملونين علي كام إيموشن و كام ضحكه ....
عارف إنت كمنسق قسم أنا مستني منك أيه مستني منك تفيدني و توصلي معلومه لا يشوبها شائبه بالمستندات (حته عكاشه)
يعني مثلا لو هاتقيم تكييف يبقي الترمومتر هو الفيصل
لو تسارع يبقي فيديو جميل
لو تقفيل يبقي صوره حلوه للبلاستيك و لا الجلد و لا و لا ..
لو ثبات يبقي نشوف مكان و نجرب فيه العربيات و ما أكثر المقابلات و الأماكن
لو إعتماديه نجيب عربيتين نفس الفئه و السنه و نقول و نحكي
نبحث و نقول دي مصنوعه من مادة كذا و دي كذا
نقول الإلنترا 93 كان بينزل منها فئات كذا و كذا و مواتير كذا و في المقابل الهوندا البي إم التويوتا المازدا كانت بتنزل كذا كذا
مش مهم مين اللي هانقول عليه الأفضل المهم إننا ندي معطيات للقارئ يقدر يرتب عليها براهين و نتائج
و علي فكره في كمان قسم من الأقسام بقي بعض من أعضاءه المتحمسين لعربياتهم زياده حبتين في أي مقارنه بين عربيتين بغرض الشراء يجو يقولو طب ما تفكر في ...x.....دي واسعه و توكيل و قطع غيار حتي مبيقلوش السعة اللتريه و لا القوه الحصانيه و لا العزم و لا و لا طب دا ينفع
هدفنا الأول إفادة بعض مش نركب الناس عربيات زينا أو نثبت إننا الأفضل كله إلي الفناء
أتمني إن المنتدي يرجع تاني زي ما كان
عضو بيسعي في إبتكار لعربيته و بيفيد الناس
واحد بيعدل علي مشكلة تصميم
واحد بيسعي في ميزه للأعضاء
حد بيزود الأعضاء بأخبار ماركة عربيته و بيفندها
أنا متضايق جدا لأن أول ما عرفت المنتدي مكنش كده فلازم نرجع كما كنا
أتمني إن كلامي ميضايقش حد و لا يضايقك و لو فيه أي كلام شايفه أنا غلطان فيه فأنا مستعد أسحبه
لكن طلباتي منك كراجل ركيب هوندا و بتفهم لا يمكن أسحبها :)
بالتوفيق للجميع
هههههههههههه ياباشا كل كلامك على عينى ورأسى , وانت ملغلطش فى ولا كلمة قولتهااقتباس:
المشاركة الأصلية كتبت بواسطة HOSSAM99
بس الكلام دة لو انا اصلا بعمل مقارنة مابين عربيتين , بس انا اتكلمت عموما لان فعلا لما ركبت ال rb العربية كانت خفيفة جدا وفراملها غريبة
وبعدين لو انا اعملت زى حضرتك ماعايزنى اعمل ( مقارنات وجيب بجيل وموديل بموديل ) طيب مااى حد هيقولك الكورى زماااااااااان كان تعبان وكلنا عارفين كدة يعنى معلش هات كدوة النترا موديل 98 هتلاقيها بتعمل تقريبا 38 الف جنية وشوف السيفيك 93 بتعمل كااااااام بتوصل ل50 و55 الف , وطبعا شتان الفرق مابينهم فى كل حاجة
طيب لما تيجى تقارن تقفيل خامات مالناس كلها عارفة ان هيونداى بلاستيك مش محتاجة صور
ثبات , نفس الكلام على قدة
هقارن اية بأية ياباشا المقارنة محسومة من زماااااااااااااااااااااان ولحد 2010 السيفيك الجديدة مبهدلة الالنترا فى كل حاجة خلاص يعنى الموضوع خلص من زماااااااااان فى كل حاجة
- واحنا طول عمرنا بنتناقش على عربيات هيونداى وبنعمل مواضيع ساخنة عمرها ماوصلت للمرحلة دية
وهما بردة نفس الكلام لما اتعمل موضوع ( معقولة ال SiR تخرج 122 حصان بس ) كنت هتلاقى كل قسم هيونداى بيشتم فى الهوندا وجاى علينا بس الحمد لله بالادلة والبراهين اثبتنا اننا الصح وفى نفس الوقت الموضوع محدش فية غلط فى التانى وكان كلة فى سياق الاحترام
ياباشا دة منتدى سيارات يعنى مثلا لو واحد قالك انا بفكر اشترى ( النترا - فلوانس ) هتقولة اية مثلا فلوانس وبس , هيقولك لية ؟؟؟؟؟ هتلاقى نفسك بتجيبلة كل عيوب الالنترا , تلاقى اخ من هيونداى متعصب يروح قايلك بطريقة كلام مش لطيفة روح اركب العربية الاول وبعدين تعالى جرب
احنا بقى بنوفر على الناس كل دة وبنعمل مقارنات من الاول , وانا زى ماقولت انا مافيش بينى وبين الكورى حاجة بس اصحابها مدينها اكتر من حقها ولما بركبها مابلاقيش ربع الكلام دة فى العربية فلازم اتكلم واقول على اللى انا شايفة , عشان غيرى ياخد بالة من النقط دية وياتعجبة على كدة يامتعجبوش
وانا بقولك اهوة ( انا صاحبى اللى معاة ال RB لما ركب معايا عربيتى كان فاكرنى ماشى 60 وبعدى العربيات عادى وبيقولى ماتشد شوية ,بيبص لاقنى ماشى على 130
وحصل موقفين الحمد لله , فقط بالترييح على الفرامل العربية الحمد لله وقفت فى مكانها , غير كدة كام غرزة , وهو ماتحركش من مكانة , ولما دخلنا نفق الازهر كنت جايب 150 كم وعاااااااادى جدا وهو مستغرب جدا وكأنة فى داخلة بيقارن مابين دية وبين عربيتة وفرق الموديل
عرفت بقى لما جيت اجرب العربية للمرة التانية حسيت انها خفيفة جدا جدا جدا وفراملها ضعيفة وهتلاقينى قولت دة فى اول موضوع اختبار اللى الناس بردة ماعملوش كدة فية
على فكرة فى اختبار كدة خفيف ظريف اتعمل فجأءة للالنترا 2012 من اسبوع , ان شاء الله نتناقش فية عشان بردة الاشاعات اللى بتتطلع وبتدى العربية دية اكتر من حقها بكتير وبردة ليها مميزات يمكن اصحابها ماخدوش بالهم منها
بس انا هتقل على التقرير شوية لحد مالاستاذ هانى يعمل TEST DRIVE للسيفيك 2012
ونورت القسم ياباشا
للأسف مفهمتش كلامي ... أسف إني ضيعت وقتك