انشاء الله هتجوز فى شهر عشره واخوكم محتار فى رحلة لشهر العسل يعنى عايز اقتراحتكم وياريت لو تجارب شخصية يعنى التكلفة والمكان وشركة السياحة وكنت بفكر اسافر ماليزيا حد عنده فكرة تتكلف كام وشكرا
عرض للطباعة
انشاء الله هتجوز فى شهر عشره واخوكم محتار فى رحلة لشهر العسل يعنى عايز اقتراحتكم وياريت لو تجارب شخصية يعنى التكلفة والمكان وشركة السياحة وكنت بفكر اسافر ماليزيا حد عنده فكرة تتكلف كام وشكرا
أولا ألف مبروك و ربنا يتملك على خير
نصيحتى ليك (الأذواق تختلف من شخص لآخر) ممكن مكان يكون بالنسبة لحد تحفة و بالنسبة لحد تانى مقرف أو عادى و العكس
بالنسبة لماليزيا
(الكلام بناء على تجربة أقارب لى من الدرجة الأولى و الكلام ده من شهر تقريبا و زاروا العاصمة + أحد الجزر أقاموا فيها 7 أيام تقريبا)
البلد حلوة - السفر مرهق جدا جدا و الرحلة ملكفة
الفنادق مستواها أقل بكثير من مصر الخمس نجوم هناك هاتلاقى فيه حشرات وده بالنسبة ليهم شئ عادى لكن بالنسبة لينا ده قرف
القرود منتشرة جدا :) و ده شئ عادى
البلد كنظافة و نظام جميله جدا
الطبيعة ساحرة - لكن يعيبها إنك ممكن تلاقى شاطئ رائع لكن فى المقابل ماتعرفش تجلس عليه من بعض الحشرات الطائرة إللى بتقرصك فى رجليك
شلالات ...خضرة ....ماء ... تلال و سهول ....كل ده جميل
الخلاصة بلدك فيها أماكن لو روحتها هاتنبسط أكثر و توفر أكثر بكثير
عايز تسافر - يبقى إطلع قبرص - اليونان - إيطاليا ده رأيى الشخصى
طيب ما تقضى شهر العسل فى مصر احسن واوفر واجمل واديك تنفع بلدك سواء فى شرم الشيخ او الاسكندرية او الغردقة او راس سدر كلها اماكن جميلة والف مبروك
أنا روحت شرم و كانت رحلة جميلة
و في زمايل راحوا تركيا و انبسطوا جدا
(مش كنت تسألنا قبل ما تعمل فنفسك كده، عموما ألف مبروك)
مصر فيها أماكن في غايه الجمال
ألف ألف مبروك و يتمم بخير إن شاء الله
بص يا سيدي أنا شهر عسلي كان في تركيا و إنبسط جدا
مركزي كان في اسطنبول و طلعت كام رحلة لمدن تانية
البلد جميلة جدا و نضيفة جدا و أهلها طيبين و محترفين سياحة
الأسعار مقارنة باوروبا هايلة و ما أقلكش على الأكل التركي
على فكرة أنا رحت لوحدي و اتعاملت مع شركة سياحة هناك ...الموضوع سهل .....و السفر كان على الخطوط التركية .....كويسين برضه :)
شرم الشيخ بدون كلام
شكرا يا جماعه للردود وربنا يبارك فيكم طيب رحلة لتركيا تتكلف كام لمدة 14يوم تقريبا وشرم برده
أختلف معاك فى دى يا أستاذ محمد
تكاليف الأقامة فى شرم والغردقة لمدة 10 أيام فى فنادق محترمة + تكاليف السفر
ممكن تخليه يسافر تركيا أسبوعين مثلاً و يفضل معاه فلوس كمان
يا باشا دا أوبروى سهل حشيش أقل حاجة فيه 1200 جنيه الليلة و من غير أكل كمان
بالنسبة لمالزيا أعتقد هتكلفك سفر + أقامة فى حدود من 6500 الى 8000 جنيه للفرد بس المشكلة أن البلد نفسها غالية
سنغافورة نفس الكلام
بس تايلاند نفس تكاليف السفر بس البلد رخيصة قوى يعنى مثلاً ممكن تاكل أكلة سمك وجمبرى واستاكوزا محترمة بحوالى 150 أو 200 جنيه لفردين.
أنا رحت مرة فى رحلة عمل فى سنغافورة و خدت أجازة أسبوع زيادة رحت فيه تايلاند
البلدين هايليين بس تايلاند أرخص بكتييير و الأقامة فيها فى فندق 4 نجوم بس نضيف جداً لمدة أسبوع للغرفة حوالى 1500 جنيه
الكلام ده كان من 4 سنين
شكرا يا احمد با شا تعرف شركة سياحة محترمه عندها عروض لتركيا او ماليزيا
اسبوعين كتير صدقني
في فندق هيلتون دريمز في شرم
ممتاز و حوالي الليلة 550ج بالفطار
العفو يا باشا
أنا الرحلة اللى طلعتها كانت تبع الخطوط الجوية السنغافورية
هما اللى وضبوا السفر و الأقامة وكل حاجة
ولما بتوصل كمان بيبقى فيه عربية مستنياك و معاها tour guide كمان عشان كانوا عامليين رحلة مجانية أختارها من 3 رحلات مختلفة و بعد كده بيقولك على الرحلات التانية اللى موجودة هناك ( بتدفع الرحلات الزيادة )
الكلام ده كان فى تايلاند فى جزيرة بوكيت ( هى جزيرة بس كبيرة أوى مش صغيرة وتحفة )
ولو رحت تايلاند لازم تروح جزيرة بيبى ايلاند Phi phi دى بقى خييييييييييييال
كان ليوناردو دى كابريوا عمل فيها فيلم من كام سنة تقريباً أسمه The Island
أسلام باشا أسبوعين كتير ليه ؟ قصدك أنه هيزهق ؟ :) :) :)
يا باشا ده شهر عسل يعنى مبيحصلش غير مرة فى العمر
وبعدين أسعار شرم غير كده خالص أنا كنت هناك من شهرين فى فندق على الهضبة مش معروف أوى أسمه أمفوراس هوليداى أن و كانت الليلة ب 450 فطار و عشاء ( بعد التظبيط والخصم عن طريق ظابط مباحث صاحبى شغال هناك )
يعنى لو عاوز ياخد حاجة فى وسط المعمعة ( خليج نعمة ) مش هتقل عن 750 جنية بعد لما يجيب خصم
يعنى لو قلنا 10 أيام يبقى 7500 جنيه + تذكرتين طيران 1200 جنيه يبقى المجموع 8700 جنيه من غير الرحلات اللى ممكن يروحها
بصراحة انا ما اعرفش اي حاجة عن السياحة داخل مصر او خارج مصر
وماسافرتش برة مصر غير السعودية
وماروحتش اي مناطق سياحية في مصر غير الغردقة في شهر العسل سنة 95
والاقصر واسوان ايام الجامعة في الثمانينات
لكن .....
انا بس داخل اقولك الف مبروك وربنا يتملك علي خير ويباركلك ويرزقك الذرية الصالحة
بص يا جميل
عندك مني 3 اقتراحات
اسطنبول او انطاليا في تركيا...
قبرص...
وادخل على المواقع دي:
WWW.THOMASCOOKEGYPT.COM
WWW.TRAVCO.COM
WWW.MISR-TRAVEL.COM
بالنسبه للتكلفه
فطبعا تلركيا تكسب بالقاضيه
انت هاتكلفك اقامه بالفطار في فندق 4 نجوم + تذاكر طيران
2500 تقريبا للفرد....سعر خيالي
هاتصرف هناك حوالي 4 او 5 الاف ج فسح واكل ليكم انتوا الاتنين وشوبنج وده بالكتير اوي
وانا سافرت السنه اللي فاتت
وانبسطت جدا جدا جدا
وفيه منتدى تاني اسمه منتدى المسافرون العرب تحفه بكل المقاييس
http://www.travel.maktoob.com/vb/
هاتلاقي هنا كل اللي انت عوزه
لو عايز تروح تركيا
انا سافرت مع شركه اسمها فالكون في شارع جول جمال بالمهندسين وكانوا كويسين جدا
او ممكن تطلع انطاليا (((( الريفيرا التركيه)))
تحفه تحفه تحفه
فيها شواطيء خلابه وشلالات وسفاري غابات ووهم
ممكن اسبوع اسطنبول واسبوه انطاليا
متشكر ليكم جميعا وربنا يبارك فيكم على فكره 14 يوم مش كتير اصل انا شغال خارج مصر وشغلى مواقع فى الصحراء يعنى مستنى الاجازة بفارغ الصبر هحاول اشوف عروض فشركات السياحة بس حاسس ان خارج مصر ارخص
نصيحه احجز مع ترافكو
السعر اغلي سنه بس خدمه ممتازه
واسطنبول احسن بكل المقاييس يعني منها ثقافه وتسوق وسهر
الرفيرا التركيه كلها روس
هتتقرف مش هتتبسط
لكن اسطنبول مخلطه وجامده
والف مبروك
لو كنت مكانك كنت هختار مصر
ولو مكان بره مصر يبقى المدينة المنورة
الف مبروك أولا و ربنا يسعدكوا إن شاء الله
انا بقول الفلوس اللي تقعدك في شرم تسفرك برة مستريح .. لأن شرم الفنادق فيها غالية .. صحيح هي جميلة جدا و فيها كل اللي ممكن تكون عايزه .. يعني لو بتحب البحر و diving و الرحلات البحرية تلاقي .. لو بتحب القعدة الحلوة الفنادق هناك نضيفة و فيه كافيهات حلوة في نعمة باي .. لو بتحب ال night life هي فيها clubbing scene جامد .. little buddah and Le PACHA سيبك من هارد روك خلاص راحت عليه .
بس تجربة السفر برة طبعا أحسن عالأقل تبقي عملت حاجة جديدة و مش هتتنسي
يا جماعه انا عايز اسأل سؤال كده ...ليه الناس لما تيجى تسافر عند الجواز مش بيفكرو انهم يخلوها زياره لمكه و المدينه و اداء العمره و المتعه بالحرم و تكون بداية جواز جميله؟
طبعا كل واحد له تفكيره و رايه بس انا عمرى ما قابلت حد فكر فى الفكره ده....
و الف مبروك للراجل اللى هيتجوز و ربنا يوفقك و يرزقك بالذريه الصالحه و تربيهم تربيه صالحه
اطلع علي شرم الشيخ بدون كلام مدينة ساحرة و عيش اللحظة هناك خدمة و الامن بقي شديد جدااااااااا من بعد الضرب و اوتيلات 5ستارز و نضافة هواء نقي جدددددددددددددددددداااااا ااااااااااااااااا هدوء محدش بيبص عليك بس تقل جيبك:hang:
أعتقد تطلع شرم الشيخ
وألف مبروك
شرم يا باشا وخصوصا في شهر 10 بتبقي تحفة
لو الخارج يبقي تايلاند