عداد الكيلومتر

**خالد عادل** · 17-07-2012 12:57 PM

شباب هو عداد الكيلومتر في الصني ممكن يتفك .. بمعني لو انا سايب العربية في الجراج ممكن السايس يعمل مشاوير بالعربية بعد مايفك عداد الكيلومتر عشان انا مااخدش بالي

**moumen_hs** · 17-07-2012 01:56 PM

دة كدة حضرتك سايب العربية عند ميكانيكى محترف

**tarekmomo** · 17-07-2012 03:28 PM

سهل اوووى ممكن يشيل الفيوز بتاع العداد

**tarekmomo** · 17-07-2012 03:29 PM

المفروض ما تسيبشى المفتاح للسايس اركن فى مكان ما تسيبشى فية المفتاح

**خالد عادل** · 17-07-2012 03:40 PM

انا محصلش حاجة معايا بس انا بفرض .. علي اساس ان انا سايب العربية في جراج وسايب المفتاح نظراً لظروف ضيق الجراج وانا بسلم العربية ببص علي عداد الكيلو والبنزين عشان اتاكد ان العربية متحركتش بس الاحتمال البعيد اللي انا بفكر فية ان ممكن عداد الكيلو متر بيتلغي عن طريق السلك او فيوززززز ....... مجرد وسوسة ......
فهل الصني ممكن يتوقف فيها العدادات

**zezodapoor** · 17-07-2012 03:43 PM

يا باشا الي عربية جديدة لو شلت الفيور بتاع التبلوه، او يفصل سلك الكهرباء العدادات في العربيات القديمة، العدادات كلها مش هتشتغل، بالنسبة ان العدادات تتفك فدي صعبة مش مستحيلة بس دي عايزه واحد محترف يعملها....
حلها ممكن تعمل بقلم الوان مياه علي كاوتش العربية من فوق علامة بالطول، و لو العلامة كلها راحت الكاوتش داس في ميه (موجوده في 70% من شورعنا)، او مشي مسافة طيلة و الكاوتش سخن و اللون ساح...

**Dr'AhmZZong** · 23-07-2012 10:29 PM

أنا موتي و سمي إن حد ياخد مني مفتاح العربية .. حاجة بجد رخمة جدا

**Youssef.Awad** · 24-07-2012 01:43 AM

وانا كمان ان شالله اقعد الف ساعتين على ركنة خاصة بتوع الفنادق دول اللى يفتحلك الباب وينط مكانك قال يعنى شخصية مهمة .. عندى اركن بعيد وامشى لحد المكان افضل
ولولا انهم فى التوكيلات ممنوع الواحد يدخل عنبر الصيانة كنت ركنتهالهم ودخلت جبتها وده نظامى حتى فى اى مغسلة عربيات
---------------------------
اى عربية ممكن طبعا يتفصل عدادها ويتعمل بيها احلى شغل
وبالمناسبة كل عربيات الزيرو لما بتروح المحافظات او الاقاليم بتكون ماشية ع الطريق بدون نمر او بنمر تجارية (سواق سايقها لحد المعرض) وطبعا طاير وبيلعب احلى لعب ع الطريق يمين وشمال
وفى الاخر الزبون يشرب بقى ويقعد يحسوك فى سواقتها مفكر انها زيرو وماشية 15 و20 كم واقل مافيها بتكون عاملة 150-200 كم مستريح