الجين2 ......... عيوب و مميزات

أولا في الفترة الأخيرة أثير الكثير من الكلام على السيارة الجين 2 من إنتاج شركة بروتون
و كل واحد زميل عزيز عنده رأي سلبي عن السيارة طلعه و اتقال

طيب سؤال بسيط يا جماعة
الحيادية تتطلب الرأي المبني على تجربة مش سماع تجارب آخرين أو حتى سماع آراء ناس تانية لم تجرب السيارة

نيجي بقى للموضع اللي أنا فاتحه
الجين 2 سيارة ذات شكل رياضي ....... و اداء رياضي في الفئة بتاعتها
طيب اداء رياضي و لا أداء حربي ؟؟؟
لا أداء رياضي يعني تسارع كويس ......... بتحافظ على على سرعتها على سرعات عالية
طيب الفيراري عربية رياضية في المقام الأول
هل تتحمل شوارع مصر ؟؟؟؟؟؟؟؟؟؟
لا ........ العربية واطية جدا و من أول يومين تلاتة .
هاتكون اتدمرت تماما

يبقى الجين 2 عربية رياضية الأداء ........ قوية التحمل
بس كلمة قوية التحمل لها وقفة
يعني مدخلش بالعربية في حائطة و أقول قوية التحمل !!
منزلش بيها في حفر و أقول قوية التحمل !!
العربية جامدة على الطريق و ماسكها نفسها و مكوناتها بتعيش مدة طويلة ( و عن تجارب ) عن تجارب عن تجارب
مش كلام و خلاص

مميزات العربية بإختصار
-----------------------------------
1 ثبات رهيب رهيب رهيب على أي سرعات
2 قوة تسارع رائعة خصوصا على السرعات العالية
3 توفير بنزين رائع .......... العربية بتعمل متوسط 13 كم / لتر بنزين 92
4 كماليات رائعة و ماركات محترمة
5 تكييف جيد جدا و بيسقع بسرعة و تأثير على السيارة بسيط و ينعدم في السرعات العالية
6 شكل رائع
7 صاج قوي ( يتحمل ظروف مصر مع الزمن )
8 عوامل أمان عالية من فرامل مانعة للإنزلاق و الإنغلاق و فرامل إلكترونية لتوزيع قوة الفرامل بالتاسوي على الأربعة عجلات
بالإضافة إلى 2 وسادة هوائية للسائق و الراكب
9 شنطة واسعة للتحميل


العيوب
1 مع بعض و ليس كل الملاك ظهرت بعض عيوب التقفيل و تتمثل في الآتي
أ - زرار بيعلق
ب - سلك فالت
ج - نور الصالون بيعلق لوجود سلك فالت برضه

2 تسارع الأوتو ماتيك منها مش كويس على السرعات القليلة تحت 50 كم
3 - التكييف تأثيره ضعيف على الغيار الأول و الثاني
4 الخامات الداخلية للصالون ........... عادية جدا و لا يوجد فيها أي تميز
5 تبطينة الأبواب معمولة بلاستيك غير مُغطي بقماش أو جلد

و بالنسبة للصالون ........ 3000 أو 4000 جنيه يخلو الصالون تحفة على اداء عالي

و هي دي عيوب الجين 2 ................
يعني عمرها ما طلع فيها عيب موتور أو عفشة أو جير بوكس

كلها عيوب هايفة ............ و برضه ناس كتير جدا لم تظهر معهم أي عيوب
و خصوصا الموديل الجديد بإستثناء الأستاذ أحمد صيام و اللي حظه وحش

و أنا مش هافتح بقي و أجيب سيره أي عربيات أو عيوب عربيات تانية موجودة
فياريت
اللي جرب الحاجة ............ يحكي تجربته
مجربش و ما شفش و محسش بالعربية بلاش يتكلم عنها و كأنه هو اللي صانعها


بروتون شركة كويسة و مش أحسن شركة في العالم
بتعمل عربيات أدائها عالي و جودة مواتيرها ممتازة و بتعيش
على الأقل صاحبي عامل بيها 80 ألف و مغيرش فيها حاجة و مفيش حد إطلاقا أشتكى لا من موتور و لا من جير بوكس

أما العفشة و الكلام ده
دي مستهلكات و بتعتمد على طريقة سواقتك للسيارة
يعني لما تنزل بيها في حفرة و تدشدشها
يبقى العيب عليك أنت مش على العفشة

انا تجربتى مؤلمة جدا

احييك على الموضوع ده ياكنج توت
العربية عليها جدل كتير جدا لدرجة ان ناس كتير شالتها من حساباتها
ياريت فعلا التقييم يبقى من الملاك فقط مش فتي و خلاص

و الله أنا مشفق عليك يا توت
الموضوع ده شبة عربية من حوالي سنة ولعت الحرب في المنتدي

كفاية جدل علي ولا حاجة

اللي جرب يتكلم و اللي مجربش يسمع بس

اقتباس:

---

المشاركة الأصلية كتبت بواسطة ahmedsiyam

انا تجربتى مؤلمة جدا

---

الله يكون في عونك يا باشا
بس تجربتك دي حصلت في أحسن ماركات وتجربة فردية و إن شاء الله تتحل
و ربنا يعينك على حل المشكلة بإذن الله تعالى
و أنا مش هاجيب سيرة عربيات جات بايظة من بلادها
خلينا في تحفتنا ( الجين 2 )

اقتباس:

---

المشاركة الأصلية كتبت بواسطة islamnabil

احييك على الموضوع ده ياكنج توت
العربية عليها جدل كتير جدا لدرجة ان ناس كتير شالتها من حساباتها
ياريت فعلا التقييم يبقى من الملاك فقط مش فتي و خلاص

---

شكر يا أستاذ إسلام على تحيتك و على مشاركتك
العربية عليها جدل من الناس اللي عمرهم ما ركبوها
اللي يقيم يقيم بالتجربة بس .......... مش بتاريخ الشركة في مصر
و فيه عربيات كتير مظلومة في مصر بسبب التقييمات بدون تجارب

اقتباس:

---

المشاركة الأصلية كتبت بواسطة Islam_galal

و الله أنا مشفق عليك يا توت
الموضوع ده شبة عربية من حوالي سنة ولعت الحرب في المنتدي

كفاية جدل علي ولا حاجة

اللي جرب يتكلم و اللي مجربش يسمع بس

---

إسلام باشا
شكرا على مشاركتك
و شكرا برضه على النصيحة
"اللي جرب بس هو اللي يتكلم بتأكد و اللي مجربش يسمع بس أو ينقل اللي سمعه من غير تأكيد "

و لا حرب و لا حاجة كلنا زملاء و أخوة أعزاء
و ربنا ما يجيب زعل
دول شوية حديد يا راجل .......... و بعد كام سنة تلاقي نفسك جبت ماركة جديدة

يا استاذ توت ليه تعليق علي كلام حضرتك انه انت ذكرت كذا مره ان الصالون خاماته فقيره وان بمبلغ 3 او 4 الاف تخلي الصالون تمام
طيب هو الصالون فيه ايه بالظبط يعني لو مغيرتش فيه حاجه ايه اللي هيحصل وليه المبلغ ده انت هتظبط ايه بالظبط في الصالون وهل التابلوه بتاع العربيه من عند الراديو والتكييف هي دي المشكله فيهم من الخامه المستخدمه يعني اللون بيتغير مثلا
وشكرا لحضرتك و الحمد لله ان حضرتك مش banned

اقتباس:

---

المشاركة الأصلية كتبت بواسطة ASD peugeot

يا استاذ توت ليه تعليق علي كلام حضرتك انه انت ذكرت كذا مره ان الصالون خاماته فقيره وان بمبلغ 3 او 4 الاف تخلي الصالون تمام
طيب هو الصالون فيه ايه بالظبط يعني لو مغيرتش فيه حاجه ايه اللي هيحصل وليه المبلغ ده انت هتظبط ايه بالظبط في الصالون وهل التابلوه بتاع العربيه من عند الراديو والتكييف هي دي المشكله فيهم من الخامه المستخدمه يعني اللون بيتغير مثلا
وشكرا لحضرتك و الحمد لله ان حضرتك مش banned

---

بُص ياباشا
الصالون كويس بالنسبة لي
بالنسبة لناس تانية بيعلقوا عليه كتير
التابلوه رائع و محتاج تشوفوه بنفسك

عربيات كتيرة في نفس السعر ده .............. تقريبا نفس الخامات
يعني العربية من ناحية الصالون مش بخامات فاخرة
و لا خامات ضايعة
أنا علقت على الصالون علشان هو مش اللي ميتعملش
و بالنسبة للإيقاف ............... الحمد لله إني مدخلتش في موضوع الملوخية


أنا هارفق شوية صور للصالون و أنت قرر بنفسك
بس أنا فعلا ورايا مشوار مهم جدا ........... و أما أرجع هارفق صور للموتور و الصالون و الشكل الخارجي و العدادات و هكذا

منتظرك يا باشا ممكن حضرتك تصور عربيتك و نزل الصور في قسم سيارات الاعضاء

استاذ توت انا متابع الموضوع كله
وحتى موضوع الملوخيه لغايه مااتقفل ولله الحمد(انا كان نفسى يتقفل عشان اعتقد ان فيه ناس من جنسيات عربيه مشتركه فى المنتدى ومااتمناش الكلام يتجه لنل وصل اليه حتى لانى متاكد ان كل الاعضاء هنا شباب مثقف ومحترم وانا من ساعة ماكنت عايش فى السعوديه وانا باغير على مصريتى جدا وماحبش حد ينتقدنا حتى لو على حق وحتى لو الاخرين بيعملوا اسوء)
ده اولا
ثانيا
انت تاعب نفسك زياده عن اللزوم فى مصر فيه ثابت من الثوابت اسمه عفده الخواجه وده قديييييييييم ولا يمكن تغييره وكل مايكون الخاجه اغلى واوروبى يقينا لازم يكون احسن فجميع محاولاتك سوف تبوء بالفشلللاسف ولو انى مقتنع بكلامك جدا وفاهم وجه نظرك التى تتلخص فى (لو سمحتلى)
(هناك عربيات رائعه 10 من 10 اوروبى بس ب150000
وعربيه مش رائعه هى جيده جدا 8 من 10 بس اسيوى وب 82000
واحنا فى مصر بما يعنيه ذللك من عدم وجود ضوابط ولا ثوابت لا فى الاسعار ولا فى التقييم ولا فى غيره
واستخدام عربياتنا على سرعه تزيد عن 120 كم حايكون مرتين فى الاسبوع على الاكثر
والفرق العام بين العربيتين اقل من فرق السعر الكبير
يبقى ايه الحكمه من دفع فلوس زياده خاصه عند عدم وجودها
الكلام يبقى منطقى لما تبقى العربيه الاولى ب 150000 والجين تو ب 130000 الى 140000 ساعتها حاقول على الجين تو غاليه والفرق مش كبير تبقى نقطه التميز الوحيده (فى رائى) ان الاوروبى ماركه اقدم ومجربه فقط لاغير
انا كمان اشفق عليك والله بس الموضوع يضحك
ماليزيا ؟؟؟؟؟؟
وبروتون؟؟؟؟؟؟؟؟؟؟؟؟
ولوتس؟؟؟؟؟؟؟؟؟؟
وانجلترا؟؟؟؟؟؟؟؟؟؟
والمستخدمين؟؟؟؟؟؟؟؟؟؟؟
كل دول ولا حاجه جنب الجدع اللى العربيه مش مستحملاه وبيصلحها فى .........لاتعليق
ده اصدق وتجربته اقيم وكفيله ان احنا ناخد بيها وكلنا نقول العربيه سيئه
شى عجييييييب انا يااستاذ توت ماجربتش العربيه
بس لما اجى احكم عليها مش من خلال ميكانيكى ولا صوره ده مستحيل ده انا كده ابقى موسوس وجاهل + مش متعلم + كلمه تودينى وكلمه تجبنى
انا اسف طولت
بس الموضوع اياه بعد ماقريته من اوله لاخره ضغطى على وماصدقت لقيتك كتبت كلمتين بهدوء قلت اشارك معاك
ولا حول ولا قوه الا بالله

اقتباس:

---

المشاركة الأصلية كتبت بواسطة ASD peugeot

منتظرك يا باشا ممكن حضرتك تصور عربيتك و نزل الصور في قسم سيارات الاعضاء

---

لو صور عربيته تاني يوم هتلاقيها Wanted من بتوع سيات http://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gif

http://i26.tinypic.com/2zrj7k6.jpg

http://i31.tinypic.com/mv3iwp.jpg

http://i28.tinypic.com/8wch9d.jpg

http://i27.tinypic.com/2vkda1w.jpg

http://i28.tinypic.com/10f0wn8.jpg

http://i26.tinypic.com/23mroep.jpg

http://i32.tinypic.com/9gyro7.jpg

http://i27.tinypic.com/10sakaq.jpg

آراء بعض ملاك الجين 2 للسيارة ( ناس مجرباها )

و ده رأي الأستاذ أحمد إسماعيل

اقتباس:

---

المشاركة الأصلية كتبت بواسطة ahmed ismail

بص انا امتلك الجين تو
فى تالت حاجات مينفعش اصلا انك تتكلم فيهم فى العربية ديه
1- الثبات
2- التسارع
3- العزم

وعن تجربة

انا جبت بالعربية ديه اقصى حاجة 210 وده كان مرة واحدة بس

وعلى طول ممكن اجيب بيها ال180 190 بصراحه مفيش حاجه احسن من كده

حقولك على موقف وانا لسه شاؤى العربية جديد كنت مضطر اسافر بيها مع والدتى المهم كنت ماشي على ال120 عادى زى ما كنت بمشى بالانسر والدتى مع انها بتخاف من السرعة قالتلى انت ماشي بالراحه ليه من كتر ما العربية مدياك احساس انها ثابته وراسية على الارض

---

و ده الموضوع اللي فيه المشاركة السابقة
https://www.nilemotors.net/Nile/10605-2.html

----------------------------------------------------------------------------------------



ده رأي الأستاذ محمد الحسيني و هو تقريبا معدي 50 ألف بيها

اقتباس:

---

انا عن نفسي قسيت اووي علي العربية ودلوقتي عرفت فيمتها الحمد للة
انا عامل بالعربية 45000 كم
في سنة ونصف تقريبا
5 حوادث
دة غير الخبطات
وفي ايام بعمل بيها اكتر من 300 كيلو بالتكييف وفي الحر
وجري وبهدلة ومش بتقول لا
بحسها حمالة قسية
كنت مرة بجري علي 180 في طريق الاسماعيلية مع جولف 5
طلع غشيم وخد غرزة مقفولة من امامي علي 180
راح خبطني من قادم وحكين انا في الرصيف وفضلت احك فية لحد لما عديتة
انا اليوم دة مش عارف ازاي متقلبتش اصلا
والله كل اللي كانوا راكبين معايا استغربوا
بس طبعا دة بستر ربنا مش بسبب اي حاجة تانية

واتسرقت مني فترة والحمد للة رجعتلي
انا بهدلت العربية بهدلة معتقدش انها ممكن تحصل مع حد تاني

من الاخر اللي حيركب العربية دي حيحبها اوووي اوووي
فعلا جميلة

---

و ده الموضوع اللي فيه المشاركة السابقة
http://www.nilemotors.net/Nile/showthread.php?t=10722

يا جماعة برضة أنا عايز أقول
اللي جرب الجين 2 و لقى فيها حاجة وحشة
يكتب و يعرف أخوانه
أحنا مش أصحاب بروتون و لا بنقبض منهم
بس اللي جرب بأيده و رجله بس
اللي مركبهاش .......... يتفضل شاكرا يسمع رأي أصحابها و اللي مجربينها
أو ينقل معلومة و يقول منقول و مسموعة .......... و لا يتشبث برأي مش رأيه أصلا

يعني واحد سمع كذا عن العربية
ما يجيش هنا و يقول العربية فيها كذا و كذا
و لما تناقشه يكدبك
يبقى اللي جرب يقول
و اللي مجربش أهلا وسهلا به مستمع و متلقى للمعلومة

و أهلا وسهلا بأي نقد للسيارة عن تجربة ليستفيد من يريد شرائها
لان ليس كل سيارة مناسبة لكل الناس

و أكيد برضه الجين 2 مش العربية الكاملة الأوصاف لكل واحد

أخوكم ................... توت

اقتباس:

---

المشاركة الأصلية كتبت بواسطة yasserayad

استاذ توت انا متابع الموضوع كله
وحتى موضوع الملوخيه لغايه مااتقفل ولله الحمد(انا كان نفسى يتقفل عشان اعتقد ان فيه ناس من جنسيات عربيه مشتركه فى المنتدى ومااتمناش الكلام يتجه لنل وصل اليه حتى لانى متاكد ان كل الاعضاء هنا شباب مثقف ومحترم وانا من ساعة ماكنت عايش فى السعوديه وانا باغير على مصريتى جدا وماحبش حد ينتقدنا حتى لو على حق وحتى لو الاخرين بيعملوا اسوء)
ده اولا
ثانيا
انت تاعب نفسك زياده عن اللزوم فى مصر فيه ثابت من الثوابت اسمه عفده الخواجه وده قديييييييييم ولا يمكن تغييره وكل مايكون الخاجه اغلى واوروبى يقينا لازم يكون احسن فجميع محاولاتك سوف تبوء بالفشلللاسف ولو انى مقتنع بكلامك جدا وفاهم وجه نظرك التى تتلخص فى (لو سمحتلى)
(هناك عربيات رائعه 10 من 10 اوروبى بس ب150000
وعربيه مش رائعه هى جيده جدا 8 من 10 بس اسيوى وب 82000
واحنا فى مصر بما يعنيه ذللك من عدم وجود ضوابط ولا ثوابت لا فى الاسعار ولا فى التقييم ولا فى غيره
واستخدام عربياتنا على سرعه تزيد عن 120 كم حايكون مرتين فى الاسبوع على الاكثر
والفرق العام بين العربيتين اقل من فرق السعر الكبير
يبقى ايه الحكمه من دفع فلوس زياده خاصه عند عدم وجودها
الكلام يبقى منطقى لما تبقى العربيه الاولى ب 150000 والجين تو ب 130000 الى 140000 ساعتها حاقول على الجين تو غاليه والفرق مش كبير تبقى نقطه التميز الوحيده (فى رائى) ان الاوروبى ماركه اقدم ومجربه فقط لاغير
انا كمان اشفق عليك والله بس الموضوع يضحك
ماليزيا ؟؟؟؟؟؟
وبروتون؟؟؟؟؟؟؟؟؟؟؟؟
ولوتس؟؟؟؟؟؟؟؟؟؟
وانجلترا؟؟؟؟؟؟؟؟؟؟
والمستخدمين؟؟؟؟؟؟؟؟؟؟؟
كل دول ولا حاجه جنب الجدع اللى العربيه مش مستحملاه وبيصلحها فى .........لاتعليق
ده اصدق وتجربته اقيم وكفيله ان احنا ناخد بيها وكلنا نقول العربيه سيئه
شى عجييييييب انا يااستاذ توت ماجربتش العربيه
بس لما اجى احكم عليها مش من خلال ميكانيكى ولا صوره ده مستحيل ده انا كده ابقى موسوس وجاهل + مش متعلم + كلمه تودينى وكلمه تجبنى
انا اسف طولت
بس الموضوع اياه بعد ماقريته من اوله لاخره ضغطى على وماصدقت لقيتك كتبت كلمتين بهدوء قلت اشارك معاك
ولا حول ولا قوه الا بالله

---

شكرا جزيلا يا أستاذ ياسر على مشاركتك البنائة الجميلة الهادئة
و ربنا ما يجيب زعل ما بين الأعضاء أبدا
و لا يهم حضرتك ............ و هدي أعصابك خالص ............. ضغط أيه يا راجل ............ الدنيا أبسط من كدا
بس أنت نورت و الله قسم البروتون

اقتباس:

---

المشاركة الأصلية كتبت بواسطة Powert

لو صور عربيته تاني يوم هتلاقيها Wanted من بتوع سيات http://www.nilemotors.net/Nile/images/icons/icon10.gifhttp://www.nilemotors.net/Nile/images/icons/icon10.gif

---

بس اكيد رجالة و أسود بروتون مش هايسيبوني لوحدي
أمال أنت رحت فين يا بورت ........... ده أنت الخير و البركة

و بعدين يا عم الناس زي الفل و كلنا أخوات

توت باشا هي دي عربيتك صح انا مش شايف اي تقشير ولا اي مشاكل

هي عربيتك سوداء صح

احنا مانقدرش نزعل منهم طول جيران برضه يادوب بينهم وبين لوتس كام بلد بس :):)

ربينا يديك خيرها

أستاذ توت انا باحب فيك حبك الجميل للسيارة واعتزازك بها وأعتقد أنك نقلتلى هذه المشاعر الجميلة للسيارة انا من مدة كبيرة أقوم بعمل مقارنات بينها وبين الأوبترا والصنى والمتسوبيشى وفى الأخر قررت شراء الهاى لاين مع المهندس سامح وفى حالة عدم امكانية ذلك شراء الأوبترا ولكن حيال حبك الجارف للسيارة الذى تعبر عنه دائما والذى يعبر عن مدى جودة السيارة قررت شراء الجين العادية بدلا من الأوبترا وأنا فى انتظار الرد النهائى للشركة الأم بخصوص الهاى لاين

اقتباس:

---

المشاركة الأصلية كتبت بواسطة Powert

توت باشا هي دي عربيتك صح انا مش شايف اي تقشير ولا اي مشاكل

هي عربيتك سوداء صح

احنا مانقدرش نزعل منهم طول جيران برضه يادوب بينهم وبين لوتس كام بلد بس :):)

ربينا يديك خيرها

---

لا يا باشا ............ عربيتي مش سودة
دي شوية صور من مخرزن عز العرب المعفن
أنا قلت أحط صور للعربية و هي وسخة
و صور للعربية و هي نظيفة علشان الحكم يبقى مظبوط

و عربيتي مش سودة
و بلاش نقول علشان ............ شغل العصابات :chris:
خلينا كدا في الأمان أحسن

و شكرا جزيلا على الدعاء و لك مثله

اقتباس:

---

المشاركة الأصلية كتبت بواسطة emadosman63

أستاذ توت انا باحب فيك حبك الجميل للسيارة واعتزازك بها وأعتقد أنك نقلتلى هذه المشاعر الجميلة للسيارة انا من مدة كبيرة أقوم بعمل مقارنات بينها وبين الأوبترا والصنى والمتسوبيشى وفى الأخر قررت شراء الهاى لاين مع المهندس سامح وفى حالة عدم امكانية ذلك شراء الأوبترا ولكن حيال حبك الجارف للسيارة الذى تعبر عنه دائما والذى يعبر عن مدى جودة السيارة قررت شراء الجين العادية بدلا من الأوبترا وأنا فى انتظار الرد النهائى للشركة الأم بخصوص الهاى لاين

---

أهلا بيك يا أستاذ عماد ......... نورت
و على فكرة عمرك ما هتندم إن شاء الله على شرائك السيارة
على فكرة الجين 2 القديمة فرقها مش كتير عن الجديدة غير موتور السي بي إس
و ده طبعا موتور أقوى و عزمه أعلى على سرعات أقل
إنما في الكماليات تقريبا واحدة ( تقريبا )
علشان صالون السي بي إس أفضل طبعا
و برضه الأوبترا لها شكل تاني

شكلي كلاسيكي أسري أكثر منه شبابي
و ربنا يوفقك في العربية اللي ناوي تشتريها و يباركلك فيها بإذن الله تعالى

و لو عايز أي معلومة أنا تحت أمرك

ربنا يكرمك يا استاذ توت . فعلا كلام دايما بيكون منطقى وهادئ وبأسلوب جميل " كتر الله من امثالك فى شعب مصر "او شعب المهلبيه زى ما حضرتك كاتب .
D:

المشكلة انى عايز عربية عائلية كلاسيكية بس حابب الجين 2 تعمل ايه لو كنت مكانى

اقتباس:

---

المشاركة الأصلية كتبت بواسطة MohabSaeed

ربنا يكرمك يا استاذ توت . فعلا كلام دايما بيكون منطقى وهادئ وبأسلوب جميل " كتر الله من امثالك فى شعب مصر "او شعب المهلبيه زى ما حضرتك كاتب .
D:

---

شكرا يا أستاذ مهاب على مداخلتك الجميلة والهادئة
و بعدين ده أنت معاك الأخت الكبيرة ........... واجا ...العاقلة الراسية

ربنا يباركلك فيها هي و ال 131 قادر يا كريم

اقتباس:

---

المشاركة الأصلية كتبت بواسطة emadosman63

المشكلة انى عايز عربية عائلية كلاسيكية بس حابب الجين 2 تعمل ايه لو كنت مكانى

---

يا باشا ......... برضه الجين 2 مش عيالي قوي و لا شبابي على الأخر
على فكرة أنا مش صغير برضه
بس هي عاجباني خالص شكلا و موضوعا و موتورها قوي و موفر للبنزين

بس برضه أنا شايف النيسان صني أحسن من الأوبترا لو أنت غيرت رأيك
و ربنا يبارك في أختيارك مهما كان

جزاك الله خير ا أستاذ توت
حوار يخاطب العقل مريح و خالي من التعصب
شكرا

اقتباس:

---

المشاركة الأصلية كتبت بواسطة Islam_galal

جزاك الله خير ا أستاذ توت
حوار يخاطب العقل مريح و خالي من التعصب
شكرا

---

الله يكرمك يا أستاذ إسلام ...
أنت نورت بروتون

ياتوت باشا أنا شاكر جدا على أرائك القيمة وفعلا الصنى سيارة جميلة ولكن فضلت عليها الأوبترا لأنها أوسع ولم أجد على النت شكاوى جوهرية سوى أن الصاج خفيف كما لفت نظرى أن برنامج توب جير يستخدم الأوبترا مع ضيوفه فى السباقات التى يقومون بها مما يعبر عن جودة السيارة ولى سؤال عن الجين 2 هل هى سيارة معمرة واعتمادية

اولا احب اشكر توت باشا على الموضوع الجميل انا عندى الجين 2 ولسه مستلمها من شهلر وعامل بيها 3000 كيلو الحمد لله العربيه جميله جدا واكون صادق العيب الوحيد الحصل ليا هو
كابل الزجاج فلت مره ورحت التوكيل وعملوة فى 5 دقائق
اما بقى بيحصل ليا شى عجيب والله كل لما حد يشوف العربيه ويتفرج عليها اجى افتح العربيه بالريموت يعلق وافتحها بالمفتاح تقعد تصوصو وبع كدة يشتغل عادى ومن بعد كمان وبحمد ربنا ان العين بتيجى فى الريموت
اما باالنسبه للبيحصل فى المنتدى دة مش عاجبنى خالص وعلى فكرة انا الوحيد الهاجمت استاذ احمد صيام لانى كنت متوقع كدة ودة طبيعه الشعب المصرى ماشى مع الرايجه وبيحب يفتى :gun_bandana:

اقتباس:

---

المشاركة الأصلية كتبت بواسطة FERFESH

اولا احب اشكر توت باشا على الموضوع الجميل انا عندى الجين 2 ولسه مستلمها من شهلر وعامل بيها 3000 كيلو الحمد لله العربيه جميله جدا واكون صادق العيب الوحيد الحصل ليا هو
كابل الزجاج فلت مره ورحت التوكيل وعملوة فى 5 دقائق
اما بقى بيحصل ليا شى عجيب والله كل لما حد يشوف العربيه ويتفرج عليها اجى افتح العربيه بالريموت يعلق وافتحها بالمفتاح تقعد تصوصو وبع كدة يشتغل عادى ومن بعد كمان وبحمد ربنا ان العين بتيجى فى الريموت
اما باالنسبه للبيحصل فى المنتدى دة مش عاجبنى خالص وعلى فكرة انا الوحيد الهاجمت استاذ احمد صيام لانى كنت متوقع كدة ودة طبيعه الشعب المصرى ماشى مع الرايجه وبيحب يفتى :gun_bandana:

---

الريموت مفيهوش حاجة يا فرفش باشا

الإنذار عايز يتعمله ريست ( إعادة تظبيط )
و مش هايعمل كدا تاني
و الطريقة مكتوبة في الكتالوج
و لو عايزني أشرحها أنا تحت أمرك بالكامل و ممكن أفتحلك موضوع مخصوص عن طريقة إعادة تظبيط إعداات جهاز الإنذار

و إن شاء الله مش هاتصوص تاني

اقتباس:

---

المشاركة الأصلية كتبت بواسطة khpopo

السلام عليكم
اول مرة اخش المنتدى رغم انى اسمع عنة كثيرااا بسبب ضيق الوقت لكن بعد سنتين من ونزول جين2 مع كمية الكلام المتفاوت عن العربية كان لازم اشترك
الحمدللة اول مالك ليها فى مصر الحبيبة لكن كنت زعلان وانا باشتريها خوفا عليها من شوارعنا ومن عيون الناس لكن قلت يمكن يقولو صينى تعبانة لكن برضة مانفعش الحمللة على كل حال.
انا جربتها قبل ماتنزل بشهرين وفضلت مستنيها شهرين لما استلمت والحمدللة لم تيخيب حدسى مع خبرتى 25 سنة سواقة واكثر من 20 عربية غير التجارب انا اول ماسوقتها فى التجربة لم اتردد فى الحجز .
التوكيل مش بطال مقارنة بامثالة العمالقة.
التقفيل على قد الفلوس العربية بها امكانيات تفوق سعرها ..لكن الضمان بيغطى المشاكل وايضا يوجد جودة فى حاجات كتير مثل الصاج والدهان التحفة والامان العالى بعد ربنا سبحان وتعالى ....
قطع غيار متوفرة وسعرها معقول واقل من اليابانى واعلى حاجة بسيطة عن الكورى
مقصورة رحبة مساحة تحميل عالية دة من اول اختيارتى لتكون سيارة عائلية
كل الكلام الى قريتة عنها وعن نشاتها وبعد سنة ركبو فيها الكامبرو لم يكن دعاية تصورت ذلك ولكن مع تجربتها فى ابورواش بالتحديد قبل نزولها لقيتة حقيقى
ياجماعة العربية اسطورة وكل الى بيتكلم بدون مايكون متحيز ارجوكم لاينسى الفكر الرياضى الذى اصبح يحتزية شركات كثيرة من بعد نزولها يحعلنا نشجع صناعة الماليزين وندعو لهم ربنا ان يشدد من ازرهم حتى يرفعو راية الاسلام دائما وندعو لبلدنا الحبيب ان نرها فى يوم يصنع سيارة بالكامل ولايجمع سيارات حتى لو كانت مرسيدس
ارجو انل لا اكون اطالت لكن الكلام لة باقى كثير
سبحان الذى سخر لنا هذا وماكنا لة مقرنين وانا الى ربنا لمنقلبون
والسلام عليكم
:scooter::embarrassed2:

---

التقييم السابق لأخ عزيز من أول مُلاك الجين 2 في مصر
ربنا يباركله في العربية و يبارك لكل أخ عزيز في عربيته مهما كانت
شكرا
( طبعا أنا نقلت تقييم أخي العزيز khpopo .... علشان موضوع المميزات و العيوب و لو سمعت أي موضوع فيه عيوب ......... بس من أصحابها ........ هانقله برضه و أجيبه هنا بعد اذن أصحاب المواضيع طبعا )

اقتباس:

---

السلام عليكم

امبارح يا رجالة اكتشفت ان الدهان بتاع العربية بيطلع لوحده و ده موش بسبب احتكاكات و لا حاجة ده نفس الشكل و موجود فى اماكن متفرقة و بيظهر كل فترة موش بيظهر مع بعضه

اظن بالاضافة الى عيوب التقفيل ياريت حد يقولى انى دفعت فلوس فى عربية تستاهل و اللى اول مرة يشوف الموضوع ده ياريت يبقى يتفرج على باقى التقييمات اللى عملتها قبل كده

والعربية موجود و اللى عايز يشوفها انا تحت امره

اضف الى كده انى مستلم العربية من شهر على انها موديل 2008 الجديدة و مع ذلك الدفعة اللى نزلت جديد مختلفة عن الدفعات القديمة اللى احنا استلمنها

عربية سيئة + توكيل ضايع = فلوس بتترمى فى الارض

---

التقييم السابق تقييم سلبي عن جودة السيارة و هو للأستاذ أحمد صيام الذي أشترى سيارة موديل 2008 وواجه عيوب كثيرة
و أنا عايز أقول .......... إن حالته فردية و مشاكله دي محصلتش مع أي حد قبل كدا
و المشكلة دي ممكن تحصل مع أي عميل من اي شركة محترمة كبيرة و أولهم البي إم دبليو أدام عيني في انجلترا

اقتباس:

---

المشاركة الأصلية كتبت بواسطة som3aa

) تاريخ استلام السيارة؟
يناير 2007
2)عدد الكيلومترات التي قطعتها بالسيارة؟
أعتقد 22000 حاجة كده (عربية اختى مش عربيتى)
3)المشاكل اللتي واجهتك معها؟
المشكلة الخطيييرة هى السحب و دا فى الاوتوماتيك و هاشرحها تحت , و بعدين الفرامل ضعيفة شوية و بعدين حاجات تانية صغيرة فى التفيل من جوه ذى مثلا زراير الmultifunction زى متقول دخلت فى بعض يعنى تدوس اللى بيعلى يقوم يغير الاغنية كدا
5)هل الزجاج الكهرباء علق او احتجت ان تصلحه؟
لأ

6)هل من مشاكل في الفرامل؟
ايوه ضعيفة شوية (ممكن تقول شويتين)
7)هل العربية بتسخن؟
ايوه بشدة بس مش عارف دا لو اضرار و لا لأ,يعنى مكانتش مشكلة خالص بس هى الصراحة بتسخن اسرع من العربيات العادية بكتير و حتى المروحة بتاعتها بقفضل شغالة شوبة بعد متفصل الموتور بس معملتش مشاكل خالص السخونية دى لغاية دلوقتى.
8)هل السنتر باظ منك قبل كدة؟
لأ بس العربية ساعات تدوس على زرار الريموت علشان تقفلها و تلاقيها تانى يوم مفتوحة او تيجى تفتحها متفتحش معرفش دا السنتر اللى بيعلق و لا الريموت.
9)في مشكلة في المساعدين؟
لأ معتقدش
10)هل رحت التوكيل قبل كده و قال لك قطعة الغيار المطلوبة غير موجودة الان و سوف نتصل بك عندما تصل؟
ايوه فى تيل الفرامل و جابه بعد مده طويلة و خلص (متكلموش طبعا قال يتكلموا قال) بس الصراحة انا مكنتش بكلمهم كل يوم اشوف جه و لا لأ بس كان مفروض يجيبوا كمية كبيرة و جابوه بعد كده تانى.(يعنى تخليك تقلق من توافر قطع الغيار)
11)ما هو متوسط استهلاك البنزين؟
دى معرفهاش بس اعتقد كويس , هى التنك بتاعها صغير كمان , اعتقد كويس اوى الاستهلاك
12)الفيس الاتوماتيك بيعلق او فيه مشاكل؟
مش بيعلق المشكلة فى سحب الاوتوماتيك يعنى لما تيجى تدوس بنزين العربية بتتاخر اوى اوى فى الحركة يعنى لو واقف فى اشارة مرور كل العربيات هتتحرك قبلك , دا فى الانطلاق من الصفر بس , بس الصراحة دا عيب خطير اوى فيها و انا منصحش حد لو عايز يشتريها يشترى الاوتوماتيك نهائيا, تخيل بتدوس بنزين العربية متتحركش لمدة كام ثانية و دا بيخليد تدوس جامد اوى علشان طبعا احنا فى مصر لازم تتحرك بسرعة.

13) لما بتروح تعمل صيانة ايه راي اصحاب الجين 2 اللي بتقابلهم في التوكيل؟
معرفش السواق هو اللى بيوديها بس هو بيشتكى من مركز الصيانة نفسه بيقول زحمة اوى بس مكانش فى مشكلة علشان نعرف كويس و لا لأ هو زحمة بس دا اللى اعرفه

بصراحة شديدة انا لا انصح بشرائها , يعنى هى شكل رهيب و امكانيات بس انما جودة لأ , يعنى بصراحة الواحد يجيب ياريس احسن و لا صنى.
منغير زعل بس واضح ان دى مشاكل عامة عند ناس كتير او فى دفعات معينة من العربية معيوبة و دا واضح جدا من الاسئلة اللى فى الصميم دى , يعنى الراجل ذكر مشاكل العربية بالظبط و كدا بقى اكيد العربية معيوبة

---

و ادي تقييم سلبي جدا للأستاذ سُمعة و أنا نقلته علشان هو من مجربيها
هو بيقول إن العربية ملك لأخته
و طبعا كلامه كله صدق في صدق و يؤخذ به علشان هو مجرب بنفسه عن طريق القيادة و الإمتلاك

و طبعا برضه أنا عايز أضيف

مشكلة الأستاذ أحمد صيام و مشكلة الأستاذ سُمعة بالإضافة لمشكلة تالتة بس مش لاقي الموضوع بتاعها
هي دي الثلاثة مشاكل اللي واجهت اصحاب الجين 2 فقط
و الباقي زي ما قلت في بداية الموضوع
مشاكل تقفيل تافهة زي سلك فالت ..... لمبة علقت .... حاجات هايفة يعني ( كما يراها معظم أصحاب السيارة )

و العربية لما ينزل منها الاف السيارات في مصر و يطلع أثنين أو ثلاثة أو حتى عشرة معيوبين من 1000 عربية مثلا
يبقى كويس جدا ..............
و كل الماركات بتطلع عربيات معيوبة
و علشان كدا الضمان موجود ( و الضامن ربنا طبعا )

اقتباس:

---

المشاركة الأصلية كتبت بواسطة emadosman63

ياتوت باشا أنا شاكر جدا على أرائك القيمة وفعلا الصنى سيارة جميلة ولكن فضلت عليها الأوبترا لأنها أوسع ولم أجد على النت شكاوى جوهرية سوى أن الصاج خفيف كما لفت نظرى أن برنامج توب جير يستخدم الأوبترا مع ضيوفه فى السباقات التى يقومون بها مما يعبر عن جودة السيارة ولى سؤال عن الجين 2 هل هى سيارة معمرة واعتمادية

---

ادام الأوبترا عاجباك .......... و شايف أنها أحسن من الصني .... مفيش أي مشكلة في العربية و ناس كتير بتشكر فيها

بالنسبة للشق الثاني من السؤال
هي الجين 2 معمرة ؟؟؟
هل الجين 2 إعتمادية ؟؟؟
بالنسبة لمعمرة
إجابة السؤال قطعا اﻵن لن تكون ذات جدوى أو مصداقية
ليه
عمر العربية 3 سنوات فقط في السوق
و كلمة معمرة دي ..... يعني على الأقل 5 سنوات و نشوف حالة العربية عاملة ازاي
بس أنا لي تعليق
فيه ناس كتير من الناس اللي أشترت أول دفعة منها سنة 2006
و العربية معاهم بدون أي مشاكل و بدون تغيير أي شئ فيها سوى المستهلكات ..... تيل فرامل ... زيوت ..... كاوتش .... فلاتر

إنما المواتير بتاعتها ........... ما أتفتحتش
فيه منهم ملاك على صفحات المنتدى .......... و فيه منهم أصحابي
أنا هاحكيلك تجربة أصحابي معاها
واحد معدي 80 ألف ( على فكرة أنا بقالي كتير مشوفتوش ) يعني ممكن يكون عدى رقم كويس دلوقتي )
المهم
الراجل عربيته أدائها هو هو ........... نفس السحب و نفس القوة بعد سنتين و نص و بعد 80 ألف كيلو
مغيرش فيها حاجة خالص غير
الكاوتش ........ فلاتر ......... زيوت ........

أنا قابلت واحد في التوكيل ( الله أعلم بصدق كلامه )

قالي أنه عامل بيها فوق 90 ألف كيلومتر ....
و مفتحش الموتور خالص و عربيته مفيهاش الهوا


كل الناس بلا إستثناء اللي قابلتهم في التوكيل و سألتهم على العربية .............شكروا جدا في العربية و منهم ناس كبيرة في السن و منهم شباب صغير

أنا ما برحش التوكيل كتير .............. 3 مرات فقط
عند الإستلام
صيانة الألف
صيانة الخمسة الاف

بالنسبة للإعتمادية

محدش أشتكى إن العربية بتعطل أبدا أبدا أبدا أبدا أبدا أبدا

كل الشكاوى من العيوب البسيطة من عيوب التقفيل البسيطة و مش من كل الناس

أرجوا إني أكون أفدتك بما يرضي الله

شكرا يا استاذ توت وياريت تشرحلى طريقه عمل ريست لانى مش عارف اعمله وليه سوال طيب هى ليه الريموت ممكن يشتغل يومين او 3ايام وبعدين ميشتغلش

اقتباس:

---

المشاركة الأصلية كتبت بواسطة FERFESH

شكرا يا استاذ توت وياريت تشرحلى طريقه عمل ريست لانى مش عارف اعمله وليه سوال طيب هى ليه الريموت ممكن يشتغل يومين او 3ايام وبعدين ميشتغلش

---

كدا الموضوع مش موضوع ريست
أدام بيشتغل و يرجع يعلق
كدا حتما بطارية
بس كدا أنت محتاج زيارة للتوكيل لتأكيد المشكلة
و المشاكل اللي زي دي في التوكيل بيعملوها في 5 دقائق
و أنا متهيألي أنها بطارية الريموت ............ تحتاج تغيير و الله أعلم

على فكرة انا رحت فعلا التوكيل وقالى دى عاوزة ريست وفعلا عاملها فى خمس دقائق ولما روحت البيت عمل تانى
طيب انا عندى سوال لو البطاريه يشتغل 3او 4 ايام ويعلق مره وبعدين يشتغل كويس وعن بعد كمان
بس لما بيعلق بجيب المفتاح الثانى وبفتحها بتفتح كويس الصراحه انا مش عارف ايه السبب بس انا باقول ممكن تكون عين

اقتباس:

---

المشاركة الأصلية كتبت بواسطة FERFESH

على فكرة انا رحت فعلا التوكيل وقالى دى عاوزة ريست وفعلا عاملها فى خمس دقائق ولما روحت البيت عمل تانى
طيب انا عندى سوال لو البطاريه يشتغل 3او 4 ايام ويعلق مره وبعدين يشتغل كويس وعن بعد كمان
بس لما بيعلق بجيب المفتاح الثانى وبفتحها بتفتح كويس الصراحه انا مش عارف ايه السبب بس انا باقول ممكن تكون عين

---

http://smg.photobucket.com/albums/v3...h_d6fe3d65.gif http://i120.photobucket.com/albums/o...xer/OneEye.gif http://dune.servint.com/uploads/ob_makingeyes01.gif

يا باشا ....... جرب تغير بطارية المفتاح اللي بيعلق أو ساعات يشتغل و ساعات لاءة

و لو المشكلة أستمرت ........... لازم تروح التوكيل يظبطوه الكمبيوتر بتاع العربية ....... بس قبل ما يلعبوا في الكمبيوتر
أعمل ريست بعد ما تغير بطارية الريموت ........ و شو ف أيه الأخبار

استاذ توت صباح الخير ياباشا انت بتقول ان مشاكل السيارة الجوهرية بالسيارة لم تظهر سوى فى سيارتين او ثلاثة وهو عدد قليل قياسا بحجم مبيعات السيارة ولكن ما دور التوكيل فى حالة ظهور هذه العيوب الجسيمة سواء اكانت عيوب تصنيع اوعيوب التخزين والشحن الا يتعين عليه تغييير السيارة باخرى جديدة اعمالا للضمان ويرجع على الشركة الأم كاجراء روتينى لن يؤثر عليها بالمقارنة لحجم اعمالها بمعنى ان مشترى السيارة هو وحظه فاذا طلعت السيارة معيوبة يدبس فيها اعتقد ان ذلك يعد مجازفة خطيرة

اقتباس:

---

المشاركة الأصلية كتبت بواسطة emadosman63

استاذ توت صباح الخير ياباشا انت بتقول ان مشاكل السيارة الجوهرية بالسيارة لم تظهر سوى فى سيارتين او ثلاثة وهو عدد قليل قياسا بحجم مبيعات السيارة ولكن ما دور التوكيل فى حالة ظهور هذه العيوب الجسيمة سواء اكانت عيوب تصنيع اوعيوب التخزين والشحن الا يتعين عليه تغييير السيارة باخرى جديدة اعمالا للضمان ويرجع على الشركة الأم كاجراء روتينى لن يؤثر عليها بالمقارنة لحجم اعمالها بمعنى ان مشترى السيارة هو وحظه فاذا طلعت السيارة معيوبة يدبس فيها اعتقد ان ذلك يعد مجازفة خطيرة

---

التوكيل سياسته أتغيرت تماما ................ و أتحسن كتير عن الأول و أسأل بتوع بروتون أول ما نزلت مصر وبتوع سيتروين

سياسة الشركة الأم أتغيرت أيضا و هناك أتجاه قوي لتدعيم الجودة في السيارة داخليا ...........

هناك أيضا اتجاه قوي لدعم المستهلك ........
و التوكيل بتشعر فيه في الأيام دي بتحسن عن الأول

من ناحية المشاكل اللي بتحصل ( بتكون مشكلة جسيمة )
مشكلة الأستاذ سُمعة كانت في السحب على الأول و الثاني ومشكلة في زراير التحكم في الكاسيت
و هو كان مشايق جدا و حضرتك قرأت اللي كتبه

و مشكلة الأستاذ صيام
مشكلته كانت أساسا في الدهان .......... ( أول مرة تحصل )
و إن شاء الله الاستاذ أحمد صيام يوالينا بالتطورات اللي حصلت مع الشركة الأم و التوكيل عز العرب

و المشكلة التالتة كانت في زجاج الكهرباء و صاحبها لم يصبر عليها لحلها

يعني نرجع نقول المشاكل كلها بعيدة كل البعد عن الموتور و الأجزاء الميكانيكية و العفشة

و بطعا لو حضرتك تقرأ عن الموتور الجديد و التجديدات اللي حصلت في العربية بجد هاتنبهر .......... العربية أصبحت أكثر روعة

داخليا .......... فرش رائع
محرك تم تحسين العزم له ( مع إن القديم سحبه و عزمه رائع )
لا يوجد أحد أشتكى من الموديلات الجديدة خارج مصر من FACE LIFT
يعني لو حضرتك مقلق من اللي موجود دلوقتي و العربية عاجباك فعلا
أستنى الفاس ليفت الجديدة .......... مفيهاش أي مشاكل من أي نوع

إن شاء الله هاتنزل في شهر سبتمبر ............. 2008

و ربنا يوفقك للأختيار الأمثل لإستخدامك

و على فكرة المشاكل اللي بتظهر قليلة جدا
بس واضح قوي قوي إنك حيران و خايف من موضوع التقفيل
و علشان كدا
إن مقتنعتش بالعربية 100 %
أوعى تشتريها لأنها هاتتعبك نفسيا و أي صوت صغير تسمعه هاتقول على طول ده عيب فيها
يبقى الأحسن
أنزل معارض عز العرب .......... و أتفرج على العربية بنفسك
و طبعا تقييم أصحاب العربية موجود عندك على صفحات المنتدى
يبقى تتفرج على العربية على ارض الواقع و تقرأ التقييمات كويس
و إذا أقتنعت بها أتكل على الله و أشتريها
مقتنعتش ...........ز شوف الأكثر مناسباً لك و أشتريه علشان تبقى مرتاح نفسيا
و ربنا يوفقك لأختيار كويس و مناسب ليك

شكرا ياباشا على اهتمامك وعنايتك الكريمة فى الرد وبالفعل انا حابب السيارة جدا وفى المداخلة السابقة انا لم اكن اقصد السيارة الجين على وجه التحديد بل اى سيارة تباع بالسوق المصرى ويظهر فيها عيوب فى التصنيع وهو امر وارد فى اى سيارة جديدة بغض النظر عن الماركة او الثمن فهل يجلس مالكها يندب حظه وضياع ماله ام توجد الية للتعامل مع هذد الوضع لاتضيع حق المشترى الذى يكون فى غالب الأمر قد وضع جانب كبير من مدخراته فى شرائها

سلام عليكم ورحمة الله وبراكاته

بما انى انسان بتاع مصلحتى فانا مبخشش المنتدى كتير اوى لظروف بقى الدراسة و الشغل بعدالدراسة المهم انا بعتذر جدا يا جماعة عن قلة تواجدى معكم فى المنتدى هنا و اللى المفروض زى ما بستفيدمنه افيد الناس اللى فيه والا تبقى انانية منى فى الموضوع ده فانا كنت داخل اشوف نمر بتوع قطع الغيار فى المنتدى لقيت ناس جديدة خالصفى المنتدى و العربيةعاملة مشاكل مع بعض ناس برضه وناس على جنب بتتخانق افتكرت اللى كان بيحصل ايام الوزة

المهم انا قلت احكيلكم بقى عن تجربتى فى العربية

انا معايا جين 2 اصفر كنارى:stuart:
وده الفيديو بتاعها على اليوتيوب:chris:
http://uk.youtube.com/watch?v=Qv0fi_8AMcg

العربية عاملة معايا دلوقتى 60562 كم

الحاجات اللى غيرتها فى العربية من ساعة ما اشتريتها
فى صيانة ال40 الف كيلو
غيرت البوجيهات و فلتر البنزين و فلتر الهواء و تيل فرامل امامى بس , وقاللى التيل الخلفى شغال متغيروش

بس بعد كده غيرت ى صيانة ال50 الف التيل الخلفى

العربية جت لما عملت 59436 كم حظى الطين خلانى وانا ماشى فى امان الله فى الشارع لقيتواحد بيزنق عليا مرة واحدة و رحت لقيت نفسى دايس على خابور فى الشارع بوظلى فردة كاوتش تماما قطعهالى - حسبى اله ونعم الوكيل فيكى يا حكومة - المهم الفردة اطقعت فقلت اركلبها داخلى لحد ما اشوف اعمل ايه المهم بعدكد لقيت نفسى مضطر اغيرها فرحت مغير ال4 فرد كلهم مرةواحدة حتر ركيبت نوع اندونيسى كده نضيف جبته من عند اشرفكو فى التامن كان المقاس 205 55 15

دلقوتى انا المفروض اعمل صيانة ال60الف بس مستنى سير الكاتينة ييجى عن طريق المحلات اللى بره هو قدمه كدهيوم ولا بتاع عشان اركبة عشان فى التوكيل بيقلولى 450 جنية و البلية ب 450 جنية برضه

المهم اتكلم عن شوية تجارب عاصرتها فى العربية
الصاج : على الطريقالدائرى ماشى فى امان الله فى الشمال لقيت بنى ادم ربنا ينتقم منه قافل كشافة وبيعدى من اليمين :036:
وكمان ايه راح خابط البابين اللى الناحيةالتانية من السواق وقفت عشان اقدر الخساير الحمد لله مكنش فيه خساير جامدة اصلا يدوبك كده شريط كحت على البابين الراجل بتاع الاكسينت الرفرف بتاعه له اتبهدل وطلع من مكانه معجون المهم لسه معلمتش البايبين لحد دلوقتى عشان الموضوع مش ملحوظ اوى وانا مش فاضى الحادثة ديه اثبتتلى قوة صاج العربية وقد ايه هو محمل

الكبوت : انا بسافر مرتين اسوبعيا تقريبا على طريق السويس و ما ادراكم بطريق السويس كله عربيات شايلة رملة وسن وزلط صغير و طبعا العربيات بتتبهدل عليه لقيت الدهان بتاع الكبونت كده منقر و ميتلاحظش الموضوع ده الا لما تقرب من الكبوت عشان تقدر تشوفة فالبوية بتاعت العربية متوسطة يعنى لازمتحافظعليها وتشمعها كل تلات شهور كده ولا حاجه

الزجاج : معطلش منى خالص الا مرة واحدة ازجاج باب خلفى علق وعملوه فى التوكيل معلقش من ساعيتها الحمد لله

تيل الفرامل : غيرته مرة ساعة ال 40 الف و دلوقتى محتاج يتغيير تانى يعنى عمل بتاع 20 الف كيلومعرفش بقى انكان ده معدل كويس ولا

المهم تيل افرامل فى امير وجوزيف و التوكيل بعمل 260 جنية انا جيبت نفس النوع بالظبط من بره من محل كده ب 120 جنية وهما فى التوكيل بركبوه