شواية الفحم

**م/محمد صلاح** · 19-07-2012 01:22 AM

المشاركة الأصلية كتبت بواسطة w-m-a

سعادتك تنزل باب الخلق وراء المديريه هتلاقى اشكال والوان من الشويات من اول اللى بتتحط على السفره لغايه بتاعه الكبابجى وكملن هتلاقى كل مشتملاتها اسياخ ومراوح ومدخنه الخ
وكمان هتلاقى شمسيات وكراسى البحر والحديقه
وقماش خيم رمضان وشيش
عيش حياتك هناك يا باشا
وشوف عبق التاريخ
وكل عام وانتم بخير
الهم بلغنا رمضان
ودعواتك

باشا معلش سؤال صغنون ......... هو فين باب الخلق ؟؟؟ اوصله ازاى يعنى

وماتعمليش زى عوكل وتقوللى الخلق اهم ودور انت عالباب ... هههههههههه ... معلش اصل انا مش من هنا

**w-m-a** · 19-07-2012 01:53 AM

المشاركة الأصلية كتبت بواسطة م/محمد صلاح

باشا معلش سؤال صغنون ......... هو فين باب الخلق ؟؟؟ اوصله ازاى يعنى

وماتعمليش زى عوكل وتقوللى الخلق اهم ودور انت عالباب ... هههههههههه ... معلش اصل انا مش من هنا

يا باشا انت تأمر
الخلق فى كل حته ههههههههههه
بص يا باشا تعرف صلاح سالم تدخل من الدراسه - الحسين - شارع الازهر تسيب اول كوبرى تطلع تانى كوبرى - تلاقى محكمه جنوب القاهرة باب الخلق على شمالك ومتحف الفن الاسلامى على يمينك وامامه مديريه امن القاهرة تلف من اول فتحه وترجع قبل المديريه تدخل يمين هتلاقى سجن الاستئناف وبعده كل الحرف القديمه العطارين ومحلات حراز والتاريخ كله الصاج والخشب والسروجى والخياميه وكل ما يخطر على بالك من الصناعات التقليديه واليدويه
لو تهت كلمنى
01001154220
وائل محمد عوض

**Bonanza** · 19-07-2012 02:10 AM

المشاركة الأصلية كتبت بواسطة gelgel2004

يا افندم حضرتك تامر من غير كل اللى فات

عنيا الاثنين و بدا من الجمعه باذن الله

موش فاهم يعنى ايه نصه بس لو كانت شكر يبقى كتر خيرك

هتخرج من المواضيع بروف ان شاء الله

اوامر يا باشا.:s_thum1[1]:

يا باشا حضرتك اللي تأمر .. حضرتك الاستاذ و احنا التلاميذ .. و كفاية اننا هاناكل لحمة مستوية ولا محروقة ولا نيه

انا منتظر مواضيع حضرتك بفارغ الصبر

و ياريت الشرح يبقي لامم كل المنهج لحسن في الامتحان ده بيكرم المرء او يهان فعلا من الناس الجعانة اللي بتبقي مستنية الاكل

كلمة نصة دا اسم شخص في فيلم و الجملة اتقالت في الفيلم زي ما انا كتبتها و هي هزار والله و مش مقصود بيها اي شيء سيء مني ولا حتي في الفيلم

الف شكر ليك يا فندم علي ذوقك