العربية سحبها زى الفييييل

**revenger_345** · 18-07-2012 01:54 AM

يا جماعة انا العربية عندى (استرا 2003 اوتوماتيك) وانا لسه طالع بيها بتبقى مش عايزة تمشى و لازم اكبس على الاخر علشان تطلع يعنى لما بتطلع واحدة واحدة بتبقى مش عايزة تمشى دى حاجة من الحاجات الكتير اللى عندى
فى سؤال تانى هو زيت الفتيس بيتغير علشان انا اعرف انه بيتزود بس لكن واحد قالى المفروض يتغير علشان العربية ماشيه 175 الف و قالى كمان زيت الفتيس ليه فلتر الكلام ده صح ولا ايه
اخر حاجة العربية وانا فاتيح التكيف بلاقى الكهربا بتوطى واكن العربية هتبطل و الكلام ده وانا جايب d و العربية واقفة بس لكن لما بجيب n الكهربا مابتنزلش
انا كان معايا جولف ولما كنت بشغل التكيف كانت العربية بتعلى فوق شرطة 10 بسنة بسيطة وتسبت على كده لكن معايا فى العربية دى العربية بتوطى و تعلى
اسف على الاطالة و ارجو النصيحة

**drmagieed** · 18-07-2012 03:00 AM

متابع

**kar!m** · 18-07-2012 11:27 PM

بص .. أنا هقولك على شوية حاجات بسيطة.

شوف مفتاح التراكشن اللي جنب الفتيس مضغوط عليه ولا لأ .. بس معتقدش ان ده هيخلي العربية تموت كده.

شوف في الكتالوج زيت الفتيس بيتغير ولا لايف تايم .. و بيتغير عند كام كيلو؟

بس انت شكلك كده الفتيس فيه مشكله.

بالنسبة للكهربا اللي بتوطى دي .. كحل مبدأي افصل كابل البطارية 3 دقايق و ركبه تاني .. و جرب كده .. ممكن تعمل أيدل ليرن كمان لو مضبطتش.

**revenger_345** · 19-07-2012 02:10 AM

معلش يا باشا اخوك هنا فى حاجات وقعت منه يعنى ايه ايدل ليرن و مفتاح التراكشن ده
قصدك على بتاع المطر لو هو لأ مش شغال

**sniperwolf** · 21-07-2012 06:34 AM

اهلا اهلا بيك ياكبير كل سنة وانتا طيب الاول ....وطلما انتا استرا زى بص بقى انا هديك المفيد بس وحدة وحدة اول حاجة روح نزل زيت الفتيس بسرعة و حط جديد علشان الزيت بيتغير كل ٦٠ الف كيلو و موضوع الفلتر دة عندنا فلتر داخلى مش بيتفك من الاخر ...شوف الى انا قولتلك علية الاول و قولى علشان السحب دة لية ١٠٠ مشكلة وكل مشكلة ملهاش دعوة بالتانية حورات كتير كدة شوف بس تغير الزيت علشان مقلبش دماغك وتعالة رد عليا

**revenger_345** · 21-07-2012 11:05 PM

وانت طيب يا باشا
طبعا يا باشا انا بشكر حضرتك على الاهتمام و الحمد لله انى لقيت حد يفيدنى فى الاسترا علشان انا دماغى ورمت منها والله و مافيش حد عارف يدينى حل
معلش انا هوجعلك دماغك شوية فى الصيام ده بس انا عندى كذا حاجة وانا متأكد ان كلها حاجات بسيطة ان شاء الله
انا هنزل دلوقتى اغير الزيت علشان انا كده ماشى عليه 130 الف و ماكنتش اعرف انه بيتغير اساسا بس انا مش عارف اجيب نوع ايه ؟؟؟
عموما انا هسأل بتاع الزيت على احسن حاجة و هرد عليك بإذن الله
شكرا يا باشا على الاهتمام و يا ريت بقى ماتزهقش منى

**revenger_345** · 23-07-2012 03:07 PM

يا جماعة هو لازم تغيير زيت الفتيس ده عند واحد ميكانيكى اوبل ولا اى حد بتاع تغيير زيت هايعرف يتعامل ؟؟؟؟؟؟؟؟؟؟

**markoky** · 23-07-2012 05:15 PM

بص يا باشا ده كده احتمال يكون فيتس ... بس غير زيت الأول وهات شل أو موبيل وهتخد حوالي 3.5 أو 4 كيلو والكيلو ب 30 جند

لو بقى عايز تعرف المشكلة في الموتور ولا الفيتس

وإنت واقف على الP أو N زاود كده بنزين وشوف الresponse بتاع الموتور - الاستجابة
لو حلو يبقى المشكلة في الفتيس

تاني حاجة ممكن تبين المشكلة فين حاول كده تحس بنقلات الفتيس ياترى في حاجة بتأخر ولا لأ

وربنا معاك